引用:
原帖由 seamoncheng 於 5-4-2010 19:17 發表 
我都唔見得你有d咩"point"丫
我唔知你想要d咩point
港英時期中國人好難上到位就係事實
唔知就問下人啦
wiki大帝
英治時大財團多來自外國，華人點會有錢上位?咪經過一番白手興家做出黎，李家都唔係97年後先發達。1980年代以前無民主，高官梗係多數鬼佬，到後來開放政治制度，最後華人咪上位。如果政治制度沿著個套開放落去我唔見有咩問題，至少直到1995年都仲好地地
講番主題啊，而家個政治制度邊個造既?咪中央一手包辨，就算怪罪都係怪中央當年起d咁既草，立d咁既律，英國佬見香港都得淨，個時佢地又國際力量低，都任由中央點話點好，先得一個咁既立法及行政關係
有咩問題?立法會:功能組別如同委任，公司及組織票，完全不合投票者應為有身份證既市民，可投票者很多組亦數量少得可憐，可參選資格亦過高，出現奇多自動當選，極少數票當選
比例代表制:原意係唔想民選力量完全傾向單一受歡迎組織，不過醉翁之意只在對抗民主力量，出現各黨林立，各自為政，更加有礙團結或快速整合意見
立會權力:議員只可你有你吹水我有我吹水，最多請下官員黎問話，官員遊花園都吹佢地唔漲
議員提議案，一定要經功能組別一半議員，及直選議員一半議員同意先獲得通過，呢點使民選議員無法發揮佢地既創意，隨非議案得到奇怪的功能組別議員通過
而政府既議案只要全體議員過半數就能通過，除非如政改等奇怪既特別議案需要全體三分二
所以，成個立法會到而家都係橡皮圖章，相反，肥彭既1995年立會制度，民意成份由於過多(功能組別選民基楚十分高對比現在)，唔需要分組點票，肥彭一樣做到野
當然香港最高決策人英國時一定無香港人選既機會，但至少英國議會並非獨裁或極權，亦有權對人選有意見。
相反人大代表全國政協絕無選票，特首選舉亦其假無比:800被操控程度十分高，選前亦一早知道欽點者，此事根本提名時已顯見
