呢單案, 由GG老細被拉開始我不時都有留意, 有兩點好多人會容易忽略左.
1. 犯罪意圖+疑犯背境
正如藏械要告得入, 唔係單單睇件硬件, 仲要睇犯罪意圖, 同疑犯背境.
一個賣西瓜既小販, 被警察捉到佢帶住新買西瓜刀, 方向係去緊自己檔口, 咁係無理由告得入.
一個有案底黑社會, 被警察捉到佢帶住新買西瓜刀, 方向係去緊佢仇人屋企, 咁就好大機會告得入.
控方及法官似未有考慮GG並唔係黑社會偷偷生產黑槍, 而係一間有多年歷史及已領有經濟部批文可以生產出口氣槍公司, 生產符合外國市場力度需求但不一定合本地法例的槍. 咁響佢貨物中搵到超焦氣槍, 已有晒合理辯解.
按犯罪意圖原則, 除非證明到GG廠偷偷內銷出口槍, 否則佢出口貨只限出口賣, 係完全符合批文容許內容, 那又何罪之有?
2. GG廠身兼內銷及出口氣槍生產商.
一個氣槍廠, 同廠生產不止內銷仲有外銷槍, 各種檔次零件都有, 警察抄佢廠時, 絕對有可能會用廠內最高檔出口零件, 去幫佢砌一支出口檔次既高強度槍去試, 自然抵受到市面最高壓最重彈測試,一定會超過本地焦耳上限入罪.
呢個做法其實又係無視左廠商有出口槍批文背景, 係有少少老屈之嫌.
詳細其實需要睇返生產詳情, GG廠會唔會混合出口零件放入內銷槍 ? 若有, 意圖係為左減輕開模成本, 定係有犯罪意圖偷賣大力槍俾黑社會 ? 呢D都相信係法庭上可以爭辯既理據.
[ 本帖最後由 pbay 於 6-6-2017 14:11 編輯 ]
