seals

我朋友遇到一單好搞笑嘅！

有個市民泊响街，
當時坐係車度等，老婆睇緊樓！
因個度有新樓盤，第一日發售所以好多人同車！
警察收到投訴，到現場指揮交通，
唔走d車咪告囉，該市民泊第三位，
頭兩架因無人，都俾警察告咗，
後面有司機嘅車，見到亦開車走！
個警察行到車前用手號示意個市民開車，
該市民沒有理會，警察好奇怪，
同市民講：「先生，你見唔到我告車咩，點解你唔走，係咪想我告埋你？」
市民回答：「我見到你告車呀！佢哋無司機底告呀！我有人喎你都要告？你向我揮手，我點知你做乜嘢呀............！..........你蝦我唔識嘢呀！我有人係度，你應該先比警告我，我唔走你先至告我啦........你依家係咪警告我呀？......係！我咪走囉！」
個警察聽完之後笑一笑，俾佢走咗！

又過了幾小時，該市民到報案室投訴！
聽完該市民申訴後，佢要「投訴警察未經警告就想告佢，唔按程序做事！」
報案室人員好有內性地向該市民解釋沒有這種程序！
後來改左投訴警察無禮，講嘢太大聲，令佢耳水不平衡！

里安

引用:

原帖由 seals 於 28-1-2009 19:16 發表
我朋友遇到一單好搞笑嘅！

有個市民泊响街，
當時坐係車度等，老婆睇緊樓！
因個度有新樓盤，第一日發售所以好多人同車！
警察收到投訴，到現場指揮交通，
唔走d車咪告囉，該市民泊第三位，
頭兩 ...

D人淨係識port

你port就無野，但比你port果個行為簿花左就......

gd1893

我當年新出學堂, 有單仲好玩既.
故仔同seals哥你呢單差唔多, 都係指揮交通既問題,
果位刁民... 後來投訴我拎警棍出黎指嚇佢囉
其實佢有無諗過, 拎住支警棍, 都幾難指嚇人既.... =.="

與其話我拎警棍指嚇佢, 不如話我拔槍指住佢個頭叫佢開車啦...
XD


[quote]原帖由 seals 於 28-1-2009 19:16 發表
我朋友遇到一單好搞笑

seals

有日有一個司機送貨去精神病院，
送完貨都未出門口，車就爆了呔！
唯有落車換呔啦！
點知唔小心，將四粒縲絲跌哂落坑渠中！拾唔番！
一個轆無哂d縲絲，點走呀！
四嘢無人、無車、更無電話！
連精神病院都無車無電話！點算呀！


就係呢個時侯，有個院友(即係傻佬）走出嚟睇，
司機心想：「我係正常人，你個死傻佬幫到我咩呀！」
傻佬突然講：「你煩乜嘢呀，你張其餘三個轆，每個拆一粒縲絲，安翻上去，咪四個車轆都有三粒縲絲囉！再揸車去十哩外油站配番咪得囉！」
司機聽後，立刻照做！掂！走得！


司機走之前多謝傻佬，並好奇地問：「點解你咁聰明，d人都當你傻，要困你係精神病院？」
傻佬回答：「我留响到，因為我有病！係精神病呀！,,,,,,,,,,,,,,但我並唔係蠢！,,,,,,,,,你這種人才叫「蠢」！」
司機：「,,,,,,,,,,,,,,,,,,,,,,,,,,,,,,,,,,！」無言！



呢個故事話比我哋知.............傻人並不等於蠢人，蠢人並不是傻的！

但有另一深層義意，你用先入為主的眼光看世界！
就好像故事中，司機看傻佬一樣，你只是一個活蠢人！

凡事「耳聽三分假, 眼看未為真」
加入自已的思想，
聽聽別人的議見，
有獨立的主見，
因為你我不是傻佬，也不是蠢人！

[ 本帖最後由 seals 於 28-1-2009 22:29 編輯 ]

alexl

人既世界係好多衰野...無理、自私、妒忌、貪得無厭...數都數唔盡.
比人鬧, 預左啦....公司有個智慧老餅同我講過, 你份人工有七成係因為比人鬧(包括上司、客、公司其他有勢力人士), 比人鬧可以用南瓜方法控制自己情緒.
公樸已很好, 人工、福利、假期、退休金、工作糧、穩定都好到無得頂....我真係揾唔倒邊到做好過做政府工.  比市民鬧係香港現今文化, 惡先可以攞着數, 有道理無道理都唔緊要, 事實好表面, 無人了解, 人多大聲就掂, 我係公司都學唔小, 我以前上司教, 要係D有權勢的高層不停講你想佢知既野, 大話聽三次變真, 一但入腦, 永不超生, 是非都唔重要, 所以通常都係小人當道.

RoyalMarine

引用:

原帖由 alexl 於 28-1-2009 22:45 發表
人既世界係好多衰野...無理、自私、妒忌、貪得無厭...數都數唔盡.
比人鬧, 預左啦....公司有個智慧老餅同我講過, 你份人工有七成係因為比人鬧(包括上司、客、公司其他有勢力人士), 比人鬧可以用南瓜方法控制自己情緒 ...

呢個係性本惡既 assumption. 有 d 人個 assumption 係性本善, 做壞事背後無論係咩都好, 必然有其因由. 犯法做無牌小販賣蕃薯, 懷性本善理論既會覺得佢地天寒地凍兩母女年卅晚仲要走出黎賣蕃薯一定係因為佢地年關難過, 家境出現問題, 應該要俾次機會佢地. 懷性本惡理論既自然就係覺得佢地擺到明係貪錢想發個新年財, 搏年卅晚無人拉無法無天, 唔罰佢綻佢大條道理有下一次. 背後有咩故事就應該同法官講.

兩位阿Sir得罪了, 睇左咁多版你地舉 d case, 無論係你地親身經歷, 或者係你地既同撩既經歷, 感覺上你地都係持人性本惡既態度(當然你地心未必咁想), 我自己都有唔少在執法機關工作既朋友, 佢地既態度都同你地好唔同, 或者可能係你地遇得刁民太多. 希望你地明白香港市民絕大部份都係草民黎咋, 果 d 刁民的確真係唔可以放過! 不過下次遇著 d 草民, 俾次機會啦~

seals

無話刁民或草民！
我都係屋村仔，讀書時侯巳經又煙又酒又馬仔！
我老豆老母仲鬼咁檐心我學壞！
我老豆開橫門雜物鋪，70年代重有俾黑錢d軍裝！
所以我細細個都好爭警察，亦都無想過當差！
當差係為咗錢！唔通為理想咩！俗語有雲「有錢都唔使當差啦」！

加人隊後跟翻當年因俾少$20蚊黑錢，
就嚟我老豆雜物鋪倒亂警長！
哈！我又可以點做！

部隊教曉了我很多野，
部隊有無唔完善的地方？
有！多的是！但比我入職是好十倍！
有個警司同我講，你說你上司又衰又唔掂！
你比他更衰更唔掂！你想改變？
就要比心機坐佢個位，看看你比他好，還是比他更衰！
天天坐着 「憤世疾俗」，對事情一d幫助都無！
於是我戒煙戒酒又戒馬仔！
讀夜校做義工！
再看看自己頭上一片天，巳經截然不同了！

RoyalMarine

引用:

原帖由 seals 於 29-1-2009 12:33 發表
無話刁民或草民！
我都係屋村仔，讀書時侯巳經又煙又酒又馬仔！
我老豆老母仲鬼咁檐心我學壞！
我老豆開橫門雜物鋪，70年代重有俾黑錢d軍裝！
所以我細細個都好爭警察，亦都無想過當差！
當差係為咗錢！唔 ...

犀利~

BTW, 唔係wor, 你講果 d case, 大部份都真係刁民, 脾氣唔好俾著我都真係兜腳伸左落去.

[ 本帖最後由 RoyalMarine 於 29-1-2009 12:50 編輯 ]

Boniface

正確態度，無論任何工都係
你覺得佢個位應該係你既
與其同上級嘈，倒不如用嘈既時間去增進自己
證明俾老細睇，你更加有能力去做

gd1893

所以我地都會好自負又自豪咁講:
"香港警察呢份工, 唔係人人做得到, 更唔係人人做得好..."

人地衰, 無必要同佢衰埋一份,
雖然我地都會興, 都會火黎,
但 你伸佢一腳, 打佢一身, 佢可能會痛, 最多係會死.
不過,作為郁手果個, 咁就一世架喇.
我地係執法者, 唔應該同D刁民一般見識,
更無謂瓷器撼缸瓦啦...

至於人性本善 / 本惡...
我無既定立場, 不過我傾向信好果方面,
壞, 都係成長過程學返黎遮.

人性本善 與 本惡
對我執法尺度有幾大影響呢?
或多或少總有D啦.
不過... 我會話, 相比起既定立場, 我更信自己既所學過既, 訓練 與 經驗.


話分兩頭, 我把尺, 已經成日比人話鬆架喇...

引用:

原帖由 RoyalMarine 於 29-1-2009 12:48 發表


犀利~

BTW, 唔係wor, 你講果 d case, 大部份都真係刁民, 脾氣唔好俾著我都真係兜腳伸左落去.

seals

有時我都覺得做到好無瘾！

只係一個步步高，
或者一個旺角警署色魔！

把警隊辛辛苦苦經營多年之正面形像，打到谷底！

可以點？

再做好D囉！

[ 本帖最後由 seals 於 29-1-2009 14:24 編輯 ]

亞延

今日睇新聞....沖燈超速,警方要求車主交出司機
點知個鬼佬車主以人權法為由告上庭.....打甩左唔洗扣分
希望律政司會上訴告得入佢啦....唔係第日呀豬呀狗俾人抄牌都拎人權法出黎,真係邊個都無位企


打錯修正~~~

[ 本帖最後由 亞延 於 29-1-2009 15:27 編輯 ]

gd1893

呢單野, 好似好幾個月之前囉...未知排上訴排成點.
不過因為第一個判決係來自裁判法院既, 對其他司法機構無任何約束力,
所以呢單案並唔可以成為有力既案例, 因此亦影響唔到其他案件.
暫時都未對執法構成影響.

初審裁判官既判決其實都唔係太站得住腳,
我會對呢單案既上訴有信心.

引用:

原帖由 亞延 於 29-1-2009 15:25 發表
今日睇新聞....沖燈超速,警方要求車主交出司機
點知個鬼佬車主以人權法為由告上庭.....打甩左唔洗扣分
希望律政司會上訴告得入佢啦....唔係第日呀豬呀狗俾人抄牌都拎人權法出黎,真係邊個都無位企


打錯修正~~~

餅

啊 ?

唔係上訴得直咩 ?

RoyalMarine

講開衝燈, 草民又有個case啞口無言. 話說小弟喳車以來黃燈都唔衝多支. 有晚在西九龍某街道, 料不到相距不足一百米內有兩支交通燈, 該路段是三線行車, 我的左前方右前方同正前方都是三部十六座小巴,   當我由停低到開車跟佢地過左第一個燈位之後, 佢地"品"字型包圍住我, 第二支放在左右兩面既交通燈同前面地面既停車線完全受阻, 而由於少到果頭唔熟路我既車速亦少於三十公里, 多於兩秒安全車距, 但當我發現有第二支交通燈時, 左右兩支燈都在我的車後, 原來三部小巴都是衝黃燈尾, 而我就已經是紅燈, 望一望倒後鏡, 閃左.

唉, 我覺得我無犯錯, 但面對住一張衝燈既証據, 草民又可以點做? 為左費事麻煩, 硬食扣分兼罰錢了事..