引用:
原帖由 高!高!高! 於 12-8-2008 00:57 發表 
其實.......真係好喜歡影相的話,
可能已經有部平平地的/二手的/暫且唔理D機還是菲林機,
借還是買,玩緊,影左好多相,問緊係點可以影好D.............等.
"上什麼上什麼好D................."
如果用D攝影師態度說句 ...
借人既野始終都係唔好在
"萬一整壞人既點算"
即使可能性低....但係始終有可能....
自己既野自己點用都冇所謂....人地既都唔敢放心用啦....
如果我自己借樣野比人....人地整壞左....自己都唔好受啦....
咁如果自己買....邊個唔想買好d既比自己....所以就會討論"上什麼上什麼好D................."
就係因為我唔識....我冇經驗....所以先想比自己最好既....咁唔通又係果d所謂專業攝影師黎講....要諗又係錯喇wo....?
諗下都唔得??唔係掛....
DC仔我有....但係我自問我果部野影唔到我想要既感覺....
色溫冇得較....對焦點冇得較....好多野都冇得較
我以新仔覺得....一張相....同一個覺度....用唔同既手法去影(例如色溫)....已經帶出左唔同既感覺....
所以我先諗上DSLR....玩下入門機....
講真....我唔覺得專業攝影師係應該質疑後一輩既新手既能力....而係應該分享自己所見的事物....
係我眼中....因為自己影相叻而睇唔起人既攝影師唔配係一個攝影師....
(以上並非指某些人....只係我個人既觀點姐....)
