其實隔左咁耐都唔打係有原因的...
小弟諗左咁耐, 都係諗唔到一個好既手法去演繹果日之後我同菊小姐發生既事...
雖然係發生左好多事...但好多都同我係冇直接關系的...
抱歉要大家久等了...
果日之後冇耐...
我地義工有個camp要搞, 預備時間為個零月
個零月期間當然需要開會商討d野
期間菊小姐同我另一友人a多次有意見上既衝突...
結果導致該次活動由頭都尾都成為左菊小姐同友人a既戰場...
當然無辜既人都有被牽連...
O先生自自然去左菊小姐果邊...小弟又覺得菊小姐唔係真係岩哂所以撐友人a...
終於到左去camp, 原本已經因為一個小小誤會導致我同友人a俾菊小姐果邊既人話得好犀利
(但事後我地班大既圍內講番起我同友人a完全冇做錯...根本係菊小姐果邊d人誤會左...)
然後更因小弟當眾犯左個低級錯誤令到佢地覺得自己更加係岩哂咁...
好了...去完camp, 以為終於捱了過去, 一切相安無事
殊不知過左兩個禮拜左右菊小姐果邊既人大量發佈一d關於今次camp既文章
內容亦都不外乎係關於我同友人a...
小弟看畢之後睇唔過眼, 決定作出反擊...
結果導致我同菊小姐岩岩先修補好既關系再次出現一大個缺口...
亦當然令到菊小姐同O先生越行越埋...
當時已經知道菊小姐真係對O先生有意思, 但O先生又好似唔多願意咁...
小弟果陣已經知道自己係完全冇希望...所以說服左O先生接受左菊小姐既美意
我覺得只要見到菊小姐開心就可以了...
過左一段時間我由某d途徑知道O先生同菊小姐兩個話過等到某一時期就會真正起埋一齊...
但之後唔知有d咩事...菊小姐單方面收番呢個承諾
由佢個blog得知菊小姐都唔係太開心...
而小弟都起呢個時候乘機再向菊小姐表達"只係想做個好好朋友"既意思
而菊小姐都接受左...
最後到左今時今日, 兜兜轉轉左兩年幾
始終都係同菊小姐未做到戀人
但始終都仲係好朋友
雖然冇同佢好似岩岩識果陣講(實情只係sms...)得咁多野
但我希望可以慢慢去同佢build up番以前既時光
當然我唔會放棄再去追求同佢一齊既機會
但我都同時起更多既新環境發掘緊更多機會
小弟自問發生過咁多事...個人真係變左好多
由其俾O先生同菊小姐同埋其他人夾埋呃過一次之後
個人變得多疑左...一個人果陣會成日亂諗野
慶幸我有班新朋友去聽我呢個無聊人成日起度呻...
這一天, 我和她的故事暫時完結了
這一天, 我可以說自己已放下了菊小姐, 不會再強求任何事
這一天, 多謝咁多位以黎一直既支持, 一直既忍耐, 一直既等待
這一天, 多謝CGF有個咁好既地方去俾我放低哂呢兩年幾既點點滴滴
希望有一天能再跟大家分享自己的內心世界
[ 本帖最後由 匿名 於 28-1-2010 01:00 編輯 ]
