Armourer

哇哈哈!!!上次有 C Hing 貼咗一幅圖，講話 "＋子軍" 牌又話會出 Steel CNC Machined MP 5 Bolt Carrier 云云，方才有朋友電我，話 "十子軍" 牌的代理終於上載咗四張成品照片叫緊賣，賣街價 44 蚊美仔..........朋友仲話有 "好嘢" 睇喎..........於是火速上網去望一望。

唔望尤自可，但睇到第三張..........嘩!雖然全人類都追求珍品 MP 5 上出現，支支不同的手工 "魚麟焊" 紋，之不過，都唔使焊到有咁密得咁密加，真係條魚咁大塊、咁整齊、咁多魚麟咩!係手工焊定係焊接機焊呢??? 嘩，講起都想食魚添，今晚要飛去厦門對面岸買番條大魚返屋企清蒸淋滚油，仲要留番 D 大大塊嘅魚鱗，整番條 MP 5 槍帶攬吓先!!!

另外，睇到佢個橫切面，件鑄件表面 D 紋，好似舊牛什 D "牛膀" 咁，真係好粗糙， ，9999.9999 "好似" 係鑄鐵多過鋼鐵。

原來真係如 D 高人 C Hing 所講，個別台仔公司，或本地公司，尤其貪平揾快錢揾台仔幫手生產呢 D 嘢打番自己香港人嘅仁兄，又話食呢行飯，又話要起貨起得快，又話要快 D 推出市場插支旗先，仲話要賣得平，咁就真係得最低成本嘅 "鑄模倒鐵水法" 幫到您啦!!! 揾都揾間有名氣，有技術嘅生產商啦，您係想害死 D 代理同客仔咩!!!

咁佢哋又無講大話嘅..........話哂都係金屬造，不過係一舊 "鐵" 囉，但就百分百唔會係 "鋼" 囉，但哋 Promote 話係 "Steel.........." ??? 唔係人哋話會出 "Steel XXX"，您又話會出 "Steel XXX"，匿埋諗吓自己有乜能力同技術先，下次叫您 D 生產商用番 D 傳統英文叫法，叫 "Iron XXX" 或者 "Metal XXX" 就會令人心裡面舒服 D，因為根本就唔會期望佢哋嘅背景同技術有能力可以造到 "Steel" 嘅產品丫嘛!!! 而且一定平，喂!埋嚟睇，埋嚟揀，一蚊一個，仲一張有 Coupon 送..........

但當然又係嗰句金句 "一分錢一分貨" 啦，所以佢哋次次手工、技術、質量、賣相就一定少梗一兩樣囉 !!!

唉! 我 D 朋友呢鋪真係無介紹錯啦 ，唔論呢舊鐵係支槍度 Work 唔 Work 先，但呢件 "好嘢" 嘅外觀，就真係 "好靚"，靚到無人有!!!

雖然台仔有時有諗頭，所謂 "偶有佳作" ，抄襲又快，不過點解玩槍要玩要到送 "膠膠" 攝槍身呢??? 件嘢會郁，會走位咖大佬..........唔信您自己去睇吓啦!!! 可唔可以揀送第樣嘢呢??? 送張 "呢滴加加" 閃咭簽名貼紙好過啦!!!

要買平嘢嘅同仁玩家，呢次就真係咪走雞啦!快 D 打電話同班 Friends 籌期入晒佢哋 D 貨，等佢哋可以 "番單" 再叫班台叔台嬸今晚開通宵，倒多一百萬個 "好嘢" 出嚟，然後漏夜坐大飛運嚟香港再應市啦!!!

不過，魚鱗又好，牛膀又好，總之唔好似有 D 行家咁，又話自己 "本地" 生產，後來被 D 客發現原來係 "速遞 From 猜那" 就得啦!!! 呢 D 仁兄下次有新貨時請聲明，"自己本人在中國大陸內地生產"，簡稱 "自己本地生產"。

大陸 D 材料又係 "好嘢" 嚟咖，十件貨得一件得，行內人就知我講緊乜..........對唔住，騷擾哂啦各位!!!

[ 本帖最後由 Armourer 於 11-5-2012 21:00 編輯 ]

Armourer

引用:

原帖由 hongkongarms 於 11-5-2012 17:54 發表
各位師兄. 什麼叫做真鉄的魚鱗銲,請參考附圖.如果你們十字xx魚鱗銲都可以收貨,是否有點兒那過了!!我們是否需要等多一星期左右,把BT和十字xx的兩件相比一下,看一看誰的值得買

hongkongarms 師兄，您幅圖裡面見嘢..........好 "珍" 喎!!! 好嘢好嘢

係德仔、美仔、土仔、定巴仔造咖?

快 D 攞多 D 好嘢上嚟，教吓 D "後生" 點樣揀大魚啦!!!

[ 本帖最後由 Armourer 於 11-5-2012 19:23 編輯 ]

Armourer

引用:

原帖由 gainax 於 11-5-2012 09:58 發表
真正全鋼CNC製又大件又複雜的件 很難會賣得平,
市面好多補品件都係寫話7075鋁 又硬鋼料的, 一般冇用過既玩家無從判斷…
同埋CNC都有分 "全隻跑CNC" 同 "先鑄後切" 咁1分錢1分貨, 除非唔賺錢

gainax 師兄，聽您字裡行間，就知原來您又係行內人，好專業。

您講得 100 個啱哂。 雖然用 CNC 行哂成件 "硬鋼" 做玩具件，真係又難、又耐、又複雜，但係大家成日提起嘅呢間，剛起步嘅本地新公司，就游刃得焯焯有餘，最緊要，最緊要，最緊要係百分百 MADE IN HONG KONG。

香港 D 工業呀，製造業呀，電染電鍍業等等 D 手作嘢已經買少見少， 係我哋 D 香港人完全自己百分百一手一腳打製造出嚟嘅香港產品，打死都要支持本地創作啦!

唔使吓吓買條大魚，都要走去厦門對面岸買吖嘛。

[ 本帖最後由 Armourer 於 11-5-2012 20:45 編輯 ]

Armourer

引用:

原帖由 rho837 於 11-5-2012 13:22 發表
玩槍就一定係消耗品! B.T. 隻VFX MP5 GBB Bolt Carrier係手啦! 其實B.T.品牌路線同其他某些品牌不同! 世界這麼大, 鑽石有人買, 玻璃一樣有人買? 睇下自己買得起鑽石定坡璃?

我用得B.T.隻鋁BOLT頭!   點會用其他品 ...

一定支持您，rho837 師兄。

Armourer

引用:

原帖由 MG-42 於 12-5-2012 01:26 發表



支持"BT牌"才愛香港咁嚴重?    Armourer師兄聽你全部post都係"BT牌"新消息又推介得咁落力,Trigger case個post又做埋QC Customer Service, 都知原來你又係行內人,唔止專業重好hard working   

啊 MG-42 大佬，我要送個 "服" 字比你先。

你先前喺資助者資訊版被其他師兄 "Gut" 完，話你無睇清楚人哋寫乜嘢就 "Gut" 番人哋先，嘩!你加陣又係咁喎，又發作呀?

我開呢個新 Post，邊度有講到 "BT" 呀?係唔係你又認錯人，又睇錯字呀???係咪其他人講 "BT" 唧?係咪呀?

上次我只係講吓收到佢哋個 Trigger Box (連兩張相)，就比你哋班人工高，福利好嘅 "C之F 網絡警察" 人贜並獲咁捉個正着，又插我賣廣告呀，又要我比番廣告費 C之F 呀云云，後來仲演變成挖人哋 C Hing D 瘡疤，乜嘢又話起人底，又話某某賣乜嘢 "珍" 品，仲搬埋 HK 個真 Trigger Housing 出嚟..........想請教一下， 呢 D 疑似做二五嘅手法又卑唔卑劣，低唔低俗呀?喂，呢 D 係唔係叫要報串呀?係就唔好等聽日啦!當時應該叫班靚唔好係網絡世界係講 D 咁嘅 "無謂嘢"，呢 D 行為叫做 "引火自焚" 呀! ..........好彩總版主仲 "生歐歐" 企响度，有眼睇住呢版 GBB，最終插口講番 D 發人心省嘅公道說話，話我唔係 "賣廣告"，息事寧人之餘，仲救番做出上述危險動作嘅人添。 。如果唔係， C之F 真係留番比你，同你幾個老友自己分身玩埋佢都得啦!!!

上次經驗之後，我真係怕咗你同你班友，我剩係一個患有精神病同高血壓嘅無業遊民嚟咋!唔係你哋講 D 所謂 "打手"，我因為 D 中文好西，所以鍾意揾機會練習打中文字唧，千祈唔好信我講 D 嘢呀!所以千祈唔好玩我呀!同你哋班大佬 "玩"，我真係玩唔起咖.......... ，上次比你哋 "Gut" 完之後，差 D 舊症番發添，幾日都瞓唔到覺，驚住真係要比番 D 廣告費比 C之F，我仲係個路宿者嚟添，肯定無錢比..........唉!真係怕咗你哋，唔敢再講 "BT" 呢個字啦!!!

我 D 精神病又好番之後，咪學吓當時圍插我 D 人咁，寫 D 嘢插吓其他人和物嘢囉!我無話過你哋呀，更加唔敢插你哋呀，你哋人多勢眾，插人 "Gut" 人又押韻，句句鏗鏘，字字珠璣，最緊要係道理你啱哂，例子你舉埋..........好嘢 服哂呀! 服哂你呀!CGF 你哋玩哂佢啦!

所以講真，"BT" 以後留番比你哋去講是非，去唱大檔，去插，去 "Gut"，原來仲會令更加多 D 人識，如果 "BT" 肯送番幾件玩具零件過我，我就一定代表佢哋大大力咁多謝你同你 D 人嘅無私奉獻同鼎力支持。

呢次個 Post 有成千字咩?係呀?你居然又睇又數咁支持我呀?好唔好睇呀?有無位入我呀?歡迎你哋插多我一鍋喎!

其實你知唔知我呢個痴線佬篇中文打字，講緊邊個同講緊乜嘢呀?

我相信你哋咁 "高..........調" 嘅 "C之F 網絡警察"，梗係唔知我用 D 咁低俗文筆寫嘅文章到底講緊乜嘢啦! 我諗我下次都係打番一千個英文字比你睇會令你容易明白 D!

我依家就借用早前 "Gut" 你嘅高人 "Gut" 你嘅一些說話嚟 "Gut" 多你一次，如果你唔知道呢成千個中文字係講緊邊個同講緊乜嘢，請你去問下你身邊 D 所謂 "業內人仕" 啦!

我涉嫌 "賣廣告"，你又 "Gut"; 好啦，我剩係插人哋，你又 "Gut"..........喂!似乎..........你係針對我，係嗎?

一句到尾，我都係要發自內心講一句 "多謝你和班打手"。你哋嘅一字一句，所作所為，已經幫咗好多好似你同我一樣咁無知嘅人，亦都幫咗 "BT" 及其他品牌深入民心。