vgrdragon1

引用:

原帖由 walther 於 3-10-2017 10:17 發表
週街人人都有槍,真係幾恐怖 , 唔明 D 警察點樣可以應付呢方面既心理壓力

有人話，槍只是工具，殺人的是人，呢句話只講對一半。

當普通市民都可以擁有大殺傷力武器，幾乎可以肯定一定會落入罪犯、恐怖分子手上。

相反，如果一個社會有做到禁槍及有效的槍械管制，罪犯只可以從黑市獲得大殺傷武器，罪案會大大減少。

vgrdragon1

引用:

原帖由 bennytsang16 於 3-10-2017 11:15 發表
英國警方而家好似認真研究緊每人配槍。我反而覺得香港警方無乜必要人人配槍，仲要12飛子彈。

呢樣係另一個Topic，警員用槍的合法性。

警察用槍原意拯救生命及制止嚴重罪行，所以同個敵人有無槍並沒有必然關係，敵人攞枝鉛筆插埋嚟而電光火石百分之一秒你知道會死會重傷，用槍都解釋到，亦都合法。

英國警察不佩槍出於其傳統依重溝通同自律的防範性質的社區警政。可是，隨著社會進步同複雜，英國警員經常要面對刀、暗器甚至槍，亦經常出現致命情況，英國警員全面配槍只是遲早問題。亦可見隨著近年反恐需要，英國警員需要配槍的範圍及涉及的單位愈來愈多。

vgrdragon1

引用:

原帖由 bennytsang16 於 3-10-2017 17:08 發表
學《飛虎雄心》容錦昌話齋，如果巡警人人都裝備到飛虎隊咁行beat，咁香港治安一定好。又好似另一句對白咁「個犯反抗丫嘛，梗係開槍，佢死好過我死」咁就無話可說。但香港社會並無美國槍械泛濫既問題，近廿年持槍行劫已經好少。相反，近十年警方涉嫌濫用暴力既指控普遍了，警方開槍對付非持械疑犯既數字卻愈來愈多(2009年警員在何文田山邊射殺一個向警員投雜物的流浪漢；2016年初一旺角警員向天鳴槍導致更激烈的警民衝突)都係悲劇結局。更甚既係，今日特區警察既訓練、體能、警覺性，是否足以保管自己配槍亦成疑問 (2014年北區醫院發生大陸疑犯成功搶奪EU隊員配槍並連開多槍)都係活生生既例子。

雖然飛虎雄心是齣技術上寫實的警匪片，但戲劇嘅嘢，切勿認真，現實完全不是一回事。
請問如何肯定對警方濫用武力的指控爭加？有數字？當中多少屬實？
個別例子點舉都得，是乎預設咗的立場，不知你是否同意。
今年年初西九EU也有單開槍制止斬人嘅正當開槍Case，正確使用武力的事件每天都有。
請問如何得知警員正確使用武力個案vs不當個案的比重？

不過我其實想講，上述都未係重點，因為所有香港警員、所有美國警員甚至其他海外執法機關都跟隨緊某種類似的「武力使用分級守則」，可以講係約定軸成，是乎每個例子是否合規，所以單單舉某幾個例去總結應否配槍、應否配甚麼武器就未必有意義。

[ 本帖最後由 vgrdragon1 於 5-10-2017 00:54 編輯 ]