jn_jona

引用:

原帖由 Seed 於 3-2-2018 22:48 發表
其實遠古時期, V記成名作HK416 AEG G1第1水都係錯魚骨的;
好在當時知出錯(OR被小到7彩), 拿拿聲出個批魚骨免費比番客.
所謂3歲定80, 有D野就係咁

BTW,V記MP5 GBB真係地圖炮大絕

如果v記枝mp5打得下應該冇人買vve
mp5真係好多人鍾意 整一枝打得睇得 我諗5-6k都大把人買

罪與佛

其實VFC野在台製之中價格亦不算好平,以該價格人會對其略有要求亦相當正常
下下要執左先打得成為理所當然,真係玩具槍玩家先有咁寬容

對用家而言,甚麼科技甚麼用料都是廠自己決定即可,打分時只打你耐用與否,性能是否可接受
你愛用戰機級鈦合金也好,鋅合金也好,反正我打開支槍,內構都叫似真就好(如果求性能的玩家更簡單,拿去打個三幾千發看看效果就決定收貨不收貨)

gainax

其實講左十萬次, 係深思熟慮既玩家就最好唔好衝任何第一水野,強如馬記qc同穩定設計,當年第一支gbb 長火mp7爆飛機,  天價日本製ptvv頭個d版鍋氣多到驚人,ksz 頭水hopup系統又係令玩家O嘴, T記870唔好提啦 要數仲有一大堆,日本主流大廠製野第一水都未做好咁台仔野會變成點唔洗講都心裡有數掛?  唔UpV記 ,方仗同我們d第一水係點? 好似最新之支m1又有人出甩漏野。。

老實講明d, 一日量產野未經過大量玩家使用反饋,一日唔知做成批點, 樣版做個幾支一定表現最好,到大量生產呢? 就有工差同裝功影響,當然設計上都有大影響成品表現,
落多d錢做靚模不斷修尺吋/不斷修改再開發再設計 /用靚料生產/出廠前嚴格品質檢查,做好哂以上實冇問題, 但樣樣都係錢d資金邊到黎?
一係就灘分比玩家到時貴過而家幾多倍?先買到又制唔制? 一係自己簡單diy下妥協,再唔係就等佢做到穩定好打個日先入手,最後或者唔簡佢姐係得以上選擇,
實有人話唔見馬記出事(假設真係冇問題) ,佢重度投資去設計同精良模具同品質檢查到實比其他廠相對做得較好,但味就係減左用料費用同拎真數尺吋既成本,再提高左產品售價。。講到尾成日錢問題, 只要個個肯夾錢比夠一萬幾千夠人頭,咁佢做支爽快好打mp5或手槍係味有好大難度? 到時唔好話唔係全行程唔真, 唔係仿真內部唔真, 輕bolt���輕到kfc mp7咁細後座力冇feel , 所以對性能或穩定性或Qc有好大期望既現時不如乖乖等馬記出心目中型號, 等打爛之後掉多d錢改補品執位同改外觀kit, 或不斷訂原裝件頂到唔玩個日, 其實玩耐左槍都知玩法。。

gainax

引用:

原帖由 Seed 於 3-2-2018 22:48 發表
其實遠古時期, V記成名作HK416 AEG G1第1水都係錯魚骨的;
好在當時知出錯(OR被小到7彩), 拿拿聲出個批魚骨免費比番客.
所謂3歲定80, 有D野就係咁

BTW,V記MP5 GBB真係地圖炮大絕

當年支mp5個鍋氣咁大其實點解仲咁多人買?
個時我見M4未如理想都冇入一直等到15版

gainax

引用:

原帖由 jn_jona 於 3-2-2018 23:44 發表

如果v記枝mp5打得下應該冇人買vve
mp5真係好多人鍾意 整一枝打得睇得 我諗5-6k都大把人買

如V2冇顯眼問題,2千尾買到支外皮咁靚内構又像真可以當操作槍玩埋,注重像真派玩家直頭覺抵,
要做到有馬記氣化性能,咁實係要跟返佢個系統再重新設計過即又係錢問題,到時6k一支亞鉛內件係味仲咁多人有性趣?
次次講到貴d都好多耍手擰頭

jn_jona

引用:

原帖由 gainax 於 4-2-2018 02:25 發表

如V2冇顯眼問題,2千尾買到支外皮咁靚内構又像真可以當操作槍玩埋,注重像真派玩家直頭覺抵,
要做到有馬記氣化性能,咁實係要跟返佢個系統再重新設計過即又係錢問題,到時6k一支亞鉛內件係味仲咁多人有性趣? ...

我諗唔少師兄為左要令呢枝野打得下 包埋槍價都保守估計應該洗到4-5k
心機時間先最值錢

我好耐之前都諗過買v記 但聽過d人點執就不了
玩vve係幾開心 但我遲少少要放晒佢

gainax

如果計付出大量心機時間執槍換去返工, 其實一樣係錢
不過簡單執下槍例如用砂紙磨滑支煲/換下幾十蚊hopup膠就有效, 係可以接受既, 但去到要用一堆工具填填磨磨搞好耐,甚至上車床先掂,除非件野抵玩預左要返手尾, 以今時今日gbbr面世十年8年唔係以前初代發展期未成熟可體諒, 想keep玩家人氣都係做穩定d啦

講返v記,其實佢係有心想做好產品既, 外觀保持靚考究真數包full marking係得佢堅持做到, 又出靚鋼壓身又有靚鍛造,產品又多又快又肯改版 每次改良版唔加價好多型號仲改埋鋼料火控賣大包,
觀望返有邊間廠做到咁落力先? 就係得佢, 雖然最舊代d產品真係唔好搞我,但過左咁耐味算等下新野睇下有冇大進步,有既話又啱心水味再支持下  
至於性能同穩定性方面都係唔好同馬記呢d專為加強性能運作設計既產品比較, 如果同馬記比呢樣我諗冇邊個牌子贏到, 以佢走高像真內構運作,氣化有馬記7~8分水準已經好好, 其實我們支mp5如果同馬記mp7比,可能都係得7分水平,不過v記舊代mp5更低咁解。。
都係睇下V2乜料先, 仲有G3又有冇改進? 我們同V記撞正同款出睇黎有花生食

Dave

引用:

原帖由 gainax 於 4-2-2018 02:25 發表

如V2冇顯眼問題,2千尾買到支外皮咁靚内構又像真可以當操作槍玩埋,注重像真派玩家直頭覺抵,
要做到有馬記氣化性能,咁實係要跟返佢個系統再重新設計過即又係錢問題,到時6k一支亞鉛內件係味仲咁多人有性趣? ...

其實開口埋口話像真... 彈匣唔像真，膠BOLT 頭唔像真，CHAMBER 有內管唔像真，後定裝置唔像真，表面處理唔像真，冇跳殼唔像真，唔用回氣管回膛運作唔像真，
後助力對比真鐵得啖笑，打既又係6MM BB，粒彈又會西又會炒，D 「槍聲」聲對真鐵只係NERF 級放個屁，
咁其實像真係邊？唔通個HAMMER 外觀叫做似D 真鐵就好像真？
G 兄唔好再「假設」大家好追求「局部地區性像真」而接受連FULL 一匣都氣咳既不合格性能。
玩具就係玩具，幾真都只係一碌玩具，攪唔清楚呢點成日以為自己玩緊「擬真鐵」話好似好像真，但到一講性能又講番呢支只係玩具...真鐵M4 平均打4000 粒先JAM 一次，
V 記？打個 1 折比佢都做不到...開口埋口話像真... 真鐵會成日打唔響的嗎？雙重標準都要有限度的。
至於「各廠奇難雜症」，我估幾個牌子加埋的總和應該同V 記一個牌子差不多
其實呢度咁多「苦主」都喊哂口比槍玩，我又唔覺大家都係度抹黑，當然G 兄自得其樂玩V 記過世係自由，吹到V 記又堅持又盛都係自由，
但在下唔好話做主力槍...當係家居玩樂槍，V 記都只可以定位係「冇廠出咪考慮下買佢」既程度。
尚記得G 兄當年又話玩方丈磨合完很順岩落場，後來玩馬記又話果然日本頂級廠一出手便知有沒有，後來又改做V 記又話V 記有堅持又靚皮「執下佢可以做到馬記9 成性能」，
真係今天的我打倒昨天的我，佩服！欽敬！

[ 本帖最後由 Dave 於 4-2-2018 15:06 編輯 ]

Dave

引用:

原帖由 gainax 於 4-2-2018 01:23 發表
其實講左十萬次, 係深思熟慮既玩家就最好唔好衝任何第一水野,強如馬記qc同穩定設計,當年第一支gbb 長火mp7爆飛機,  天價日本製ptvv頭個d版鍋氣多到驚人,ksz 頭水hopup系統又係令玩家O嘴, T記870唔好提啦 要數仲有 ...

馬記7 仔原本用134A 你去用TOPGAS 話人爆，不如你支V 記用22KG 紅氣睇下爆唔爆，老實用得TOPGAS 係馬記槍預左有機會爆飛機，呢個相信大家預左，
V 記？ 寫12KG 氣呀可，點解HK45CT 又爆呢？係即爆
416C ，用12KG 呀可？ 點解又斷尾托呢？
如果講「有/無」相信冇任何廠可以話冇，但講比例之多，相信冇咩廠可以超越V 記，
在下有興趣的槍都係衝第一水，馬記M4 GBB ，WE 湯普生，WE DE ，WE 盒子炮，KJ P09，唔好講電槍/狙擊槍了更加係數唔哂，唔少都有開箱拆解，
衝咁多間廠，WE 既爽打，MARUI 爽打，KJ 爽打仲直接拎來做落場槍，係V 記先咁多不能說的秘密，
狙擊槍M40 可以空手入白刃整扁條BOLT，電槍AEG 417 試過打打下鎖波箱竟然係彈弓尾頂自動分解成三截，聞所未聞...
講GBB 就唔重申一次了，數有問題既槍真係有排，不如數下邊支係正常可以即買唔執爽打既可能仲易。
都係果句，G 兄喜歡磨合既話慢慢玩，V 記係我眼中真係掛牆之選...我台面仲有一支UMP 想執未執...唔係話佢垃圾，
但想拎佢落場玩真係任重道遠...
原來買喜歡既玩具都要話唔好衝第一水，咁係唔係默認左V 記第一水係墊屍底呢？
咁即係叫大家唔好買V 記先等D 傻仔買左死完先跟隊？G 兄咁講好倒米下

[ 本帖最後由 Dave 於 4-2-2018 15:20 編輯 ]

toto0321

個人覺得內件唔象像真其實真係冇所謂，但操作上唔像真倒不如玩aeg或ebb...

1970

反正產品有問題就想辦法改良，改到不會損壞就可以略過這些議題繼續走下去⋯這是企業成長必須經歷的過程⋯

Thanato.S

引用:

原帖由 Dave 於 4-2-2018 15:17 發表


馬記7 仔原本用134A 你去用TOPGAS 話人爆，不如你支V 記用22KG 紅氣睇下爆唔爆，老實用得TOPGAS 係馬記槍預左有機會爆飛機，呢個相信大家預左，
V 記？ 寫12KG 氣呀可，點解HK45CT 又爆呢？係即爆
416C ， ...

真係完全講出我心聲
我真係唔明
點解由m4 g36 mp5 mp7 416 sr25
每一次都咁多問題
槍廠出左心目中既槍款想支持冇問題
但當見每一次都咁多問題既時候
係咪要反省下?
唔好話消費者冇責任
消費者每一次既消費其實就係一次投票
如果當廠家知道打住像真fullmarking就可以不理質素價錢
而每一次投票結果都顯示廠家係正確
最後消費者得到既/或者可以買到既都只會係呢種質素既產品
亦即係你地最後好大機會只會得到一把fullmarking睇得唔打得既槍
呢種結果係咪鐵粉們樂見?
呢點己經係好多槍款證明左
我好記得MP5出個時大家既期待到最後日日上14樓嘈成個forum同wargame友個邊日x夜x既慘況
唔係話要責備消費者
而係應該做一個精明既消費者

我基本上不買V牌既產品
那怕出既款我好想要
因為我覺得唔可以縱容呢種金玉其外敗絮其中既市場營銷戰略
但如果有一日神奇地佢地出到一支睇得又打得既
我一定會買一支黎支持
正如我一定會買馬記既m4 gbb一樣
從另一個角落睇番轉頭
點解馬記出M4GBB原本係比134A用
可以入topgas都好好打好耐用
而點解明明係設計比Toggas既槍反而爆呢個爆個個?

[ 本帖最後由 Thanato.S 於 4-2-2018 17:16 編輯 ]

gainax

其實對像真冇咩要求又咁睇重性能,不如玩返電槍次世袋味重好,有斷彈有震動又穩定好打過gbb 咁多, 仲唔洗哂咁多錢買gas同補品已經搞掂 ,

有電唔玩 玩得氣動既唔多唔少都對像真程度有一定要求係味先?
至於要求有幾像真其實真係睇個人要求姐, 有人堅持全行程,有人堅持後座力, 有人堅持真數size,有人堅持像真構造玩拆解,有人堅持真實操作等等, 如果下下以實用角度設計,咁大家玩一路玩緊既係拖喉或方仗gbb box之類既gbb系統, 百貨應百客如果照你思想, 咁玩ptvv真數都係多舊魚, 啱既就玩唔啱就第二間廠甚至唔玩味最簡單直接,

有時見到有d槍友嘈,話乜乜牌子氣化唔掂又唔穩定之類彈, 又唔係新手既話應該都知乜乜牌子落場效果最好乜乜牌子一般水平架啦,賣點都唔同既, 當年我中伏原因係衝頭水唔知件野做到咁, Ak系列更早入手係滿意。重覆左好多次,係重點注重性能同穩定性買馬記,

至於其他牌子有其他牌子吸引之處所以同馬記撞款仍多人玩, 性能評分又唔係有把尺度到個個都係比印象分架啦,唔通kW@支mp7爽過馬記有超過10分? 何況老老實實馬記性能都唔係無敵, 只係原裝表現出眾姐,
Diy改裝同廠改結構就有好大"可行性", 仲有一樣最重要係, gbb落場技術重要過支槍性能唔同aeg差距可以大到離地屈性能, 只要性能滿足落場需求就順利殺敵(假設6分合格水平可以順利殺敵)再多既性能只係更容易殺敵同更方便使用而己,落場唔係企定定3,40m做靶人係走動,唔係一雞清不停用同一夾派彈只係間中射幾粒交火夾可以替換等等,所以落場先見到各種牌子gbb出現, 如果個個以槍性能否定一切但求殺敵戰績個人覺得又走返軍備競賽年代會好沉悶, 畢竟為乜而投入玩gbb? 咪就係gbb比電好爽又像真體驗, 個個為軍備競賽改槍變左好似手槍只打hicap,短行程,後座力有咁細得咁細, 冇斷彈冇煲lock,個個改真鏡鬥準,支gbbr用膠托改哂輕parts零打扮有咁輕得輕, 咁係味你地想要?
我玩gbb心態講平衡, 像真同唔像真係統都玩, 唔會玩死一味否定其他咁單調, 因玩具唔係只得一件係味先?

[ 本帖最後由 gainax 於 5-2-2018 00:49 編輯 ]

Dave

引用:

原帖由 gainax 於 5-2-2018 00:48 發表
其實對像真冇咩要求又咁睇重性能,不如玩返電槍次世袋味重好,有斷彈有震動又穩定好打過gbb 咁多, 仲唔洗哂咁多錢買gas同補品已經搞掂 ,

有電唔玩 玩得氣動既唔多唔少都對像真程度有一定要求係味先?
至於要求有 ...

G 兄有好幾樣野你都有扭曲在下發言或滲入主觀概念當普世價值
1 - 唔係話對外觀冇要求只要求性能，而係外觀同性能都要合格，V 記得外觀，性能好流，唔合格也。
2 - 玩氣動唔一定對像真有一定要求，而係對趣味有一定要求，像真只係其中一項看起來爽一點的元素，操作方式，可靠性亦是平衡共存，層皮再真，套火控再真，打唔響，有屁用。
3 - 馬記性能唔係無敵，但比起V 記絕對係吊打
4 - GBB 從來唔附送技術，G 兄口吻十足當年PTW 初現話AEG 派彈一樣，買PTW 送技術，從來不是，技術屎用咩都屎，技術好用咩都勁，如果屎技術加上支屎性能的GBB 只係錦上添花，如果講「唔派彈」= 勁，狙擊槍玩家可以叫大家通通收聲。
5 - GBB 唔係因為有技術而唔派彈，而係想派都冇得派。
6 - 玩AEG 唔一定派彈，次世代彈弓匣一隻不過80 粒左右，何況亦唔見得人人一雞清80 粒，可能G 兄覺得換多幾次匣就變得有技術？
7 - 殺敵唔一定需要支槍性能好高 -YES，大前題係你支槍運作到先，V 記好多槍原裝根本運作不能，試問邊個敢話開盒V 記槍唔試直接落場夠膽話打到一日？G 兄得閒可以表演下如何自信開盒即落場殺敵。
8 - G 兄咁要求像真，不如答下你支手槍平時入幾多粒彈？1911 是否入7 粒？M9 入15 粒？追求像真既玩家又點會疏忽呢D ？如果手槍入廿幾三十粒咁不如玩AEG 派彈算啦，RIGHT？

其實唔明做咩冇啦啦又拉去AEG VS GBB 軍備競賽，而家係講緊GBB VS GBB...
講緊題目「 究竟VFC係咪真係好快打柴」，講緊點解V 記寫明打12KG 都可以運作不順又爆野，
講緊V 記點解明知錯零件都照出貨唔改善，講緊V 記出左成十年GBB 點解會比馬記後起之秀吊打性能，
講緊V 記而家除左層皮仲有咩賣點...請勿離題走去講AEG ，THANKS

[ 本帖最後由 Dave 於 5-2-2018 01:45 編輯 ]

gainax

除左日本多數用134a因火力問題, 港台主流有幾多人用topgas幾多人用134a心裡有數無謂拗了
叉超過134a馬記d野出事就零問題,咁大家玩馬記野打topgas出事唔好出聲, 乜乜爆飛機爆滑架叉掁氣缸打甩尾蓋冇boltlock扑唔入嘩佬打唔響等等問題 仲有切記唔好拆解改裝因説明書寫住
咁港台野一樣可以跟馬記, 係説明書再印多一百條限制免責都無問題點解冇咁做?咪就係為貼近市場以玩家角度造產品出發囉, 做弱d彈弓叉返134a改輕返支bolt會射唔到唔耐用? 到時又有人挑剔細力又冇feel, 即係點都有人挑剔, 其實巴打既然咁唔like 某牌子成日推馬記何必一買再買?
買完又買又彈到咁不值都唔欣賞好個方面自尋煩惱,不如平平地放走d野等心目中馬記出再入手係味最好決定?

[ 本帖最後由 gainax 於 5-2-2018 02:14 編輯 ]