stevechau

第一次好睇以後仲想唔想玩落去......
如果本身就想帶人玩落去, 第一次帶去OUTDOOR效果係好過CQB好多~

香港地CQB場太細, 走動好少, 槍聲又會令佢地感覺極近而唔會敢衝敢駁,
通常新手都係開場匿到比人清走為止, MOU得多NEWBIE極快玩到攰, 槍又開唔到幾多發, 成晚打落可能都射唔到100飛果D係見唔少, 而且場地設計通常都極窄, 近距離打中佢地會覺得痛好多!! 呢D唔係鼓勵新手就祇夠令佢地出去打的~

反而OUTDOOR場點細都夠大, 跑跑跳跳要舒服匿埋都大把位, 距離夠遠中槍都唔算痛到班新手接受唔到, 只要引導到佢地唔好比槍聲/快頻聲嚇親、又唔好咁唔好彩地第一次就撞正打鬼火/只係打得比較大力既人同團, 佢地反而會比較夠膽跑出黎試, 好多玩完係覺得OK肯再玩的~ 之後再接觸CQB就算試過係痛好多好多都仲肯留低玩~

NEWBIE初玩, 令佢地夠膽跑出黎玩係重要過枝槍打唔打到人~
自己團見識過好多次第一次就打CQB就無下次, 個個都走夾唔唞~

stevechau

密林其實佢地仲開心, 因為佢地對WARGAME既印象係咁, 你比返D野FIT返佢地既印象同幻想佢地都會投入D~
尤其係D女仔, 因為佢地真係匿得埋嘛~

我對新人心態既諗法比較簡單, 就係佢地乜都唔識, 本身係對WARGAME呢樣野唔會有興趣, 我只係得呢一日呢個機會去引導到新人有興趣黎玩多一兩次, 之後先再決定買唔買GEAR......而呢一日佢地玩得唔夠開心/投入, 就無回頭無以後無下一次(甚至連講WARGAME呢個字既機會都無)GA喇~ 而咁多次同唔同性格唔同新人既相處同交往入面, 普遍GET到返黎同粗略見到既, 都係OD果種環境同面對既情況比較容易令到新人投入, 無咁嚇人~ 心態既野, 就算本身佢更想玩, 第一次帶得唔好, 佢都一樣唔會想再玩的~

大同細就睇對比啦, 香港地室內最大/最鬆動果一個CQB ZONE, 同OUTDOOR比較細既ZONE比, 應該大唔過OUTDOOR掛??