小弟舊年突然想擁有一枝全鋼槍, 揾一輪料發覺都係 FPR 最正, 買咗佢枝 1911 V12, 外觀真係無敵, 做工完美, 但一反落就問題多多.
第一, 所謂全鋼槍並非全鋼, 譬如呢枝槍既飛機座同 hop up 座都係馬記亞鉛品. 佢地有D鋼槍就連司牙等既零件都係亞鉛做 ( 譬如沙鷹, 布朗寧, SIG 等 ) . 我唔敢肯定, 但我估成槍應該冇真正全鋼.
第二, blow back 有問題, 原裝條回膛彈弓太硬, 後座力冇咩 feel, 換過條軟D既彈弓好咗D, 但又輪到另外一條彈弓仔唔夠力, 間中會 blow back 超弱. 揾一輪至搞返掂
第三, 個鋼西同個滑架 fitting 麻麻, 佢要加多口螺絲仔將個西收落隻飛機度, 但因為口螺絲太細, D牙又淺,玩一陣就會震鬆, 結果我要用膠水幫幫至得
第四, 個鋼西入面條彈弓太弱, 個西上面有條 pin 好易震出嚟, 結果我又要換條彈弓.
第五, 因為想噤打D, 自己換咗個 7075 鋁合金做既飛機座, 發覺唔係就咁換落去咁簡單, 佢原裝個飛機座係用馬記既再加工, 結果要執好耐至裝到上去.
皮幾嘢一枝槍要搞咁多嘢我真係事前想象唔到. 就算依家所有問題都解決嗮, 枝槍都係 blow back 唔爽, 因為個鋼滑架實在太重. 反而我另外一枝 WE1911 咩都冇改過就打得爽好多. 力都好D.
兩枝槍相比, 枝全鋼槍唯一既優點就係做工精細, 觀賞價值高, 拉滑架 cock 槍嗰下既金屬撞擊聲似真槍好多,枝槍非常墜手, 感覺似真鐵, 就係咁多.
[ 本帖最後由 Xgun 於 21-8-2018 10:26 編輯 ]
