真心...有得揀我寧願比貴少少去鋪頭買
網購係有時會比較平...但保障基本係[零]
如收到貨有問題係咪可以換...到貨時少左野又有冇得補返呢??
而家例如VVGC ,紅狼等等...我都係落完單再自行去取貨...但都發生不下數次點貨時比漏野
好彩係自行取貨即時有得補返...如果係寄上門...真係唔知點攪...唔通真係要每次寄到即時開電話錄低整個開箱過程??
曾經試過有段時間懶出槍鋪....轉左網購...結果問題一大堆
試過買馬老仙左輪...槍管顯眼位置電鍍處明顯瑕疵...如槍鋪買絕對見到即時彈走
難聽D講...如第日想二手放售...都未必有人要...咁我寧願比貴少少去鋪買...起碼第日二手放售時有個保障...因為個瑕疵影響個二手價絕對唔係貴少少咁簡單
又試過買買某珍品M牌RVG棍仔...到貨時發現螺絲有少撻...感覺上係比人用過
因自己買M牌貨品都有成廿件有多...從未試過螺絲有撻既痕跡...痕跡明顯係用錯工具扭而令螺絲受力位少變形(因M牌係用英制螺絲)
又試過買1911膠GRIP...兩塊疊埋一包...拆袋發現兩片唔同花紋.......
亦都試過7-8舊水買支鋼滅聲返黎(暫時已絕版)...原本諗住上槍收藏用...結果開盒後刻字冇左三分一...最後要賤賣
總之慘痛經歷一大堆...所以都係冇得懶...現場睇清楚晒先買最穩陣
[ 本帖最後由 Kwind 於 5-10-2018 11:47 編輯 ]