Dave

引用:

原帖由 hkg3a3 於 7-4-2019 22:04 發表
香港分化無咁嚴重，台灣果邊gbb aeg互相排斥得仲利害

業界要打造宇宙第一GBB 產地，燒死 AEG 這些邪魔外道是必需的。

Dave

引用:

原帖由 gainax 於 7-4-2019 23:47 發表

玩開aeg班人眼中gbb除了那個____，其它真是一無是處，
玩開gbb班人眼中aeg除了那個____，其它真是一無是處，
就因為呢個原因都未真了解過該產品吸引地方(或冇興趣了解冇共同話題加上對個系統有厭惡性)
所以gbb同 ...

拋磚引玉一下，談一下自己的HOST 經驗。( 自己友限定團，偶會拉些街客，主要新血都是朋友的朋友的朋友... 通常20~25 人團 )
有時一套完整的GAME RULE 不是在廁所拉個屎就可以想出來的，在下現在的GAME RULE 研究執行了近兩年才成型。
所以有時不要先入為主「一定唔得」，只怕沒堅持。

話說在下一開始攪GAME 時都是只限火力其他無限制。
後來GBB 興起，友人間其實只有一人是GBB 死忠，
他也談及實戰時往往被壓著打。
後來為了讓GBB打得輕鬆一點，最初的設定是火力更改。
原來1.2J FOR ALL , 2J 以下狙，改為 1.2J AEG ，1.5J GBB 和純半自動AEG ( M110 , SVD 那些 )，2J 以下狙。

看起來是有優惠，實際上其實幾乎沒有分別，
1.5J 火力又有少少讓人覺會否太大力，AEG 友不明白為何要優惠 GBB，
GBB 友又覺得小恩小惠沒甚麼增益，當中難免有些各有意見的討論 ( WTAPS 群)，
身為HOST 也盡量調停一下了。

1.5J FOR GBB 這個規則執行了大半年，也有問各人意見，好壞參半。
之後又抖了一個暑，再開，這次改了制，以之前制道以上再增加「AEG 只限彈弓匣」，又是偏向GBB 玩家的設定 ( 利申自己主力玩次世代和狙 )，
那時真是災難，學G 兄所說，玩家真是不會太肯去買彈弓匣，因為十個玩家起碼7 ~8 個都是鏈匣。
「要花錢買東西才可以玩」的團，結果當然是很難成團了。
如果有團友肯反映問題意見反而是好事，最怕是不想接受又不想反對，直接不JOIN 就是了。
那時常常擦邊成團 20 人，有時18 人這樣，身為HOST 也試過不止一次自己賠人頭費。

這個規則又行了2, 3 次GAME ，發覺大家真是頗為反感這規則，
那時很難成團，自己有時也JOIN 人下朋友的GAME 玩算了。
發覺別人的GAME 可能很簡單的，火力都是均一1.5J ，狙就香港通例合法力，
大家也玩得頗順利。

最後也引發到自己要設定一些比較簡單的RULE ，不要「一個槍種一個規則」這樣麻煩，
結果就出現了現在的規則：

火力1.4J 全體，
手拉狙 2J 以下
每小節限600 發 ，LMG 款式槍械可1000 發 。( ( 不再限彈弓匣或鏈匣了，但拿十支AR 下去都只是600 發不會疊加 )
BOLT ACTION ，純單發手槍，PUMPING SHOTGUN ，40MM 榴彈 彈數不限。
( 這些基本上都不會打超過600 粒的武器 ，除了榴彈炮，但榴彈炮彈量如果跟AR 共享，打3 粒留彈即是打少300 發，即是叫人不要用炮了，所以簡單一點寫「無限制」)

這一套RULE 看起來很簡單，但背後是失敗了好幾次才得出來的，
當然如果有前設條件是「規則再完善也好老子就是不爽跟AEG 打」的話，上面這些規則都是垃圾來。
但如果本身的團隊是有興趣混合不同槍款作戰，這些經驗也許可以略有幫助。

[ 本帖最後由 Dave 於 8-4-2019 10:32 編輯 ]

gainax

引用:

原帖由 Dave 於 8-4-2019 01:15 發表


拋磚引玉一下，談一下自己的HOST 經驗。( 自己友限定團，偶會拉些街客，主要新血都是朋友的朋友的朋友... 通常20~25 人團 )
有時一套完整的GAME RULE 不是在廁所拉個屎就可以想出來的，在下現在的GAME RULE 研究 ...

最主要問題是。。有幾多人願意set好支aeg長久轉玩gbb打法?如果認真有心轉打法班人我諗已經有計畫或已買set gbb/次世代/ptvv玩了,本來可以玩aeg同時亦可以玩gbb,最實際做法兩系統同時擁有就解決哂所有平台問題,

而混合有規則game係好既平台,可以比未改打法班人試水温,但其實玩到最尾始終要分開先將公平性平衡到, 同打拳都分磅數一樣,簡單舉個例子如果混合game經常有班set好ptvv友落場,基本上gbb完全處於劣勢好難打,就算限單發限彈弓夾,人地50~60米又直又準又冇氣化問題,認真打既話基本上遠距離屈你精準射程打到對面gbb一棟都冇完全冇癮,久而久之就算混合game都變埋"有規則之下"鬥改槍,
大家一班人熟可能冇所謂,亦唔會咁認真打game變歡樂game only, 但事實落場大多數唔識,仲有存在好多人洗大量金錢同手工為set到支槍好遠好準用高性能壓倒性優勢殺敵,咁既話電vs氣既差距可以大到"唔公平", 差0.2J火力影響性能好細都可以比人話唔公平而限制大家同樣J數, 咁如果我支ptvv /aeg set到6~70m精準射程而對面班gbbset 盡得3~40米仲有氣化影響準度,
有20米我打到你而你打唔到我咁大既性能差距存在,只要認真打好大機會用gbb既玩家變鴨仔了,長期處於呢d"唔平衡"打game之下基本上冇人有興致打落去,同aeg年代快頻彈箱vs原裝槍性能壓倒性差距情況一樣無人想咁打,
正正係咁久而久之無人想做鴨仔變相一係退出各有各玩一係買返同一水平系統鬥改, 呢個情況同aeg鬥改年代冇分別,雖然同一系統例如ptvv vs ptvv唔同人set槍性能都有分別,但已經差距唔會大到有壓倒性差異問題,比起電vs氣性能之差"公平性"合理得多,

所以講到尾關於公平性問題好多野可以拗,基於唔識既話為免出現咁情況大家玩同一類型系統少左好多不必要拗,如果你支gbb用topgas大家同一力度下下打到70米爆頭相信冇人反對,反而欣賞你手工同有興趣了解點改, 但情況換轉係用電用co2/紅氣甚至hpa,咁就實有人反感甚至拗質疑有冇鬼揾野來拗,原因就係因不同類型系統性能差距改造之下,容易造成有明顯"被屈"情況,有留意既話以前用ptvv都比人話,而家班資深玩家基本圍內自己玩少左出面跟散團,
種種原因合久必分,走到最尾都係解決唔到小圏子問題,
我地ok人地noway, 如果人人抱住歡樂game心態停止軍備競賽停止打鴨心態,
根本唔需要太多規則,一槍死一樣J,一齊aeg gbb ptvv co2 紅氣 hpa 手拉齊歡樂,可惜網上已經成日見種種問題,連gbb入面都有分唔同牌子門派有事就互hi,有拗撬個陣夾硬坐一齊棧冇癮,現實咁理想大家唔識撈埋玩冇野拗就好

罪與佛

其實混合game同分類game同時存在,合則來不合則去已是最好

部份玩家唔like狂full game,覺得快頻壓制無技術成分唔好玩;亦一定有部份玩家唔like限彈game,覺得打game就應該互full一場派幾千膠才叫樂趣;  退一步不講槍種, 就講game mode,一樣有人覺得普通團隊deathmatch最有樂趣,有人鐘意人類喪屍攻守etc。

有多幾種選擇總是好事,小弟倒樂觀地覺得game mode多了並非會[分薄]了玩家,而是令總玩家數有提升

Dave

引用:

原帖由 gainax 於 8-4-2019 13:50 發表

最主要問題是。。有幾多人願意set好支aeg長久轉玩gbb打法?如果認真有心轉打法班人我諗已經有計畫或已買set gbb/次世代/ptvv玩了,本來可以玩aeg同時亦可以玩gbb,最實際做法兩系統同時擁有就解決哂所有平台問題,

...

這世界本來就沒有絕對公平的競技，但可以相對公平，
有些GBB 玩家只會打GBB ONLY GAME ，沒GBB ONLY GAME 寧可退役，亦無不可，
但亦有些玩家沒有那麼硬派，純粹是喜歡打GBB 槍，又可以對戰的心態。那一個相對公平的混合GAME 亦是一個選擇。
承如罪兄所言：「混合game同分類game同時存在,合則來不合則去已是最好」。

何況硬銷一點的說，MARUI M4 GBB 出世之後，GBB 打不準這支歌仔已經沒得唱，
一支原裝入TOPGAS 用0.3 彈，30 米打A4 紙起碼中9 成，已經是AEG 級數的準度。
冬天最凍那天仍然可以FULL AUTO 後定，又是談不上氣化不良。在下之前拍過一場實戰片，13 度室外一樣是全自動照打可也，又是全原裝沒改的。
餘下的就是彈匣重量和要勤換匣的問題，是有一點點蝕底，但已經屬於輕微。

在下GBB 下場是由G&P 自砌KIT 玩起的 ( 應該是2012 年左右 )，已經可以執順到可以下場的程度，但準度真是相當流，
也有差不多半年時間是場場GAME 都用GP GBB M4下場，那時在下未是HOST，沒有限彈，拎最少彈匣的AEG 都差過千發。
在下也是這樣打。今時今日拿柄MARUI 參加限彈GAME ，說實話已談不上有甚麼蝕底了。

至於G 兄很執著的「狂FULL」問題，其實莫說GBB 友，就算狙擊和一般AEG 玩家，一樣都要被壓制，
不是AEG 勁，是「無限彈」勁，GBB 駁彈鼓加HPA 狂FULL 一樣可以好勁，( 起碼在下身邊有人在玩這設定 ...)
一句到尾又是限彈就好，如果為了無得FULL 而不JOIN GAME ，那就由他好了。
始終任何一條RULE 都會有人歡喜有人愁，太介意個別玩家的想法而去遷就這個遷就那個，最終場GAME 只會污煙瘴氣。
限彈GAME 很大程度是為了「有趣」而設定的，因為「割草式無限彈射擊會令遊戲變得無趣」，算是在下團體內的共識。

現在在下的團體有GBB 又有狙又有PTW 又有AEG 甚至PISTOL ONLY 友，問回大家的意見，基本上都是相當滿意的狀態了，包括GBB ONLY 的玩家。
誠如之前提及，在下的方法是多提供一個「選擇」，如果本身已有堅持「非我族類不得同場」者，其實可以不須理會。
但在下始終覺得，「一個玩家可以參與任何一場遊戲」，對比起「一個玩家只能參加一類遊戲」來得健康。
最起碼不用常常見到新手在煩惱要「入」哪一種勢力好，仿佛入錯行頭就是一世一般，在下入行的年代未有這種煩惱。

[ 本帖最後由 Dave 於 8-4-2019 18:32 編輯 ]

tf141

引用:

原帖由 Dave 於 8-4-2019 18:20 發表


這世界本來就沒有絕對公平的競技，但可以相對公平，
有些GBB 玩家只會打GBB ONLY GAME ，沒GBB ONLY GAME 寧可退役，亦無不可，
但亦有些玩家沒有那麼硬派，純粹是喜歡打GBB 槍，又可以對戰的心態。那一個相對 ...

G兄既重點好似唔係呢到
或者咁講，以Dave兄現在既game mode去玩，是否以GBB參戰會比以AEG享受?

gainax

引用:

原帖由 Dave 於 8-4-2019 18:20 發表


這世界本來就沒有絕對公平的競技，但可以相對公平，
有些GBB 玩家只會打GBB ONLY GAME ，沒GBB ONLY GAME 寧可退役，亦無不可，
但亦有些玩家沒有那麼硬派，純粹是喜歡打GBB 槍，又可以對戰的心態。那一個相對 ...

其實真係越多規舉只會越少人願意參與,到頭來留低既係唔係同GBB game一樣變左分門類別去玩?
咁情況又係變相小圈子,門鑑相反仲更加高,因為玩開GBB班人有gbb game玩有幾多走去長久同電槍一齊打?又走回頭理論上有規則game好似係公平,
但實際上電槍vsGBB,GBB必然處於劣勢, 氣化問題,準度問題,射程問題,夾重量問題,除非享受當困難模式打,唔係既話只要認真想打場game基本上唔會拎支性能唔夠實用抗衡既工具出場了,

雖然GBB世界亦有人大改, 但而家走勢係馬記天下只要入手買支,基本上可以做到抗衡班大改既人相對大家公平,加上因為氣動設計改裝比起電槍局限大太多,
除非超J或用其它氣體,唔係既話都幾難做出壓倒性"以槍屈人"打法, 連限彈規則都慳返,
你有體能同金錢背20隻氣夾不停換夾屈rof, ok u win體能都係技術一種 ,
將場game設定太多規舉冇自由唔係一種治本方法, 要玩家自動執行先係最好解決方法
不過多d玩法係好開始等大眾適應下啱就入唔啱下場,但始終人多實有抝撬,
各有各玩算係現時最穩陣保障到"相對"公平環境之下冇怨言,畢竟凡事冇絕對只有相對
如果每個人用歡樂,自律,有共識態度打場game就易話為...

Dave

引用:

原帖由 tf141 於 8-4-2019 21:03 發表


G兄既重點好似唔係呢到
或者咁講，以Dave兄現在既game mode去玩，是否以GBB參戰會比以AEG享受?

在下的隊友有AEG ，GBB ，手拉，PTW ，次世代，
以現在的GAME MODE 去玩，
是否以GBB參戰會比以XXX享受?
是否以AEG參戰會比以XXX享受?
是否以PTW參戰會比以XXX享受?
是否以手拉狙參戰會比以XXX享受?
是否以次世代參戰會比以XXX享受?

全部都否也。
開宗明義說得很清楚，這RULE 的設立不是優惠某種工具而設立，而是設立一種規則讓最多玩家可以同場，
如果一些玩家只會玩GBB，亦不願跟別的品種同場令自己蝕底，那就自便去JOIN GBB ONLY GAME 就好，
順帶一題，在下玩過最難用最蝕底的工具一定是手拉狙 ( 合法力 )，談GBB 蝕底恐怕要排一下隊。

tf141

引用:

原帖由 Dave 於 8-4-2019 22:55 發表


在下的隊友有AEG ，GBB ，手拉，PTW ，次世代，
以現在的GAME MODE 去玩，
是否以GBB參戰會比以XXX享受?
是否以AEG參戰會比以XXX享受?
是否以PTW參戰會比以XXX享受?
是否以手拉狙參戰會比以XXX享受?
是否以 ...

我意思係，如果我買枝AEG番嚟唔打狂full，咁我點解一開始唔買GBB?
我唔係話個個都係咁，但無疑係大多數人會問自己既一個問題

Dave

引用:

原帖由 tf141 於 8-4-2019 23:01 發表


我意思係，如果我買枝AEG番嚟唔打狂full，咁我點解一開始唔買GBB?
我唔係話個個都係咁，但無疑係大多數人會問自己既一個問題

買AEG 好多時因為易改易保養，不一定是為了FULL 的，
好像在下有416 GBB 也有416 次世代，但落場都是傾向次世代，很大程度是懶得load 匣...
而次世代在下連埋跟槍那匣也只有4 隻彈弓匣沒有買多，
4 匣X 8X 發才300 發左右，MARUI GBB 在下都六匣了，IRON 匣好似 37 發，二百餘發，其實差沒多少。
在下也是慳彈之人，一小節無論AEG 或次世或GBB 都是打100粒左右，
有時拿甚麼下場真是看心情，起碼現在這個RULE 之下，在下喜歡拿GBB ，AEG ，次世代，手拉狙，或是之前MARUI 出的3 電動散彈都好，基本上都可以打得，
之前玩手拉狙，沒限彈，看著對面一柄非常不準的P90，跟我距離60 米有多，我一瞄就拋物線掃過來，
明明毫無準頭但也怕中流彈，都是要縮，頗為不爽。
但起碼600 限彈制度下，對家已不可以這樣林花，一匣P90 才 500 粒，這樣林十雞八雞已經差不多彈切了，要打狙擊手也不能靠派彈，變相讓非常弱的狙擊手多了生存力。
其實這制度下，在下拿AEG 時不覺得特別易打，拿GBB 時不覺得特別難打，已算是比較高平衡性的玩法。

其實這方式在下沒有版權也沒有專利，效發與否真是自由，覺得多此一舉也是可以，但起碼自己執行了這些日子，自認為是比較可行的。
然而這個RULE 的研發很大程度都是因為自己早已有一班相熟的戰友，所以大前題是如何讓一班老友打得舒適開心，「和而不同」就成了大方向了。
如果追求極點公平性 ( 起碼能力之內 ) ，GBB 還GBB ，AEG 還AEG 是最簡單直接的，代價就是WARGAME 世界細了一半而已，反正香港很細，總有GAME 可玩的，最起碼現在仍然是。
只是覺得當初AEG 吊打GBB 很大程度是可靠性和戰力差問題，所以才各行各路，難得現在GBB 技術成熟，談準度跟可靠性已經泊得住電動槍，餘下很大程度就是「彈量」問題，
所以對症下藥攪限彈GAME，作為試點亦無不可。但GBB 跟AEG 分家除了性能問題，很大程度是也來自情感問題，一談感覺，就沒解了。

[ 本帖最後由 Dave 於 8-4-2019 23:36 編輯 ]

hkg3a3

我一開始睇中aeg喺貪佢槍款多、彈匣通用性高，而且可以唔使擔心tactical reload嘅時候跌到隻匣漏gas

[ 本帖最後由 hkg3a3 於 9-4-2019 00:44 編輯 ]

罪與佛

如果真係想打game就先買一支GBB手槍加足夠的彈匣,試數場GBB game是否啱玩(如有限1.5左右火力之GBB game,用手槍也是夠做的,特別是有紅點的款式如M&P9L), 如果啱,再買GBB長槍; 如果唔啱,就買AEG長槍就好,(以現時aeg價錢,租槍說不上抵)而第一次買那支手槍可作sidearm, 不會浪費。
再來就試不同搞手看看哪種game mode較適合就行。

gainax

引用:

原帖由 tf141 於 8-4-2019 23:01 發表


我意思係，如果我買枝AEG番嚟唔打狂full，咁我點解一開始唔買GBB?
我唔係話個個都係咁，但無疑係大多數人會問自己既一個問題

電槍主要為打full auto而設計,單發係當時只係純粹加一個功能上去冇諗過傷槍問題而加入更好設計,如果買把普通aeg專門打單發同吊雞2~3連發,咁其實唔係好符合效益配對,因aeg最穩定實用auto功能放棄,轉用未完善設計既單發同吊雞打法唔係一個好選擇,
睇返就算新時代有專門為以上打法設計既ptvv對比aeg其實可能仲易壞,就明白電槍打返電槍打法先最符合效益配對了,

如果玩像真打法gbb vs aeg打單發,我諗gbb會耐用過aeg加上反應更快適合快扣,同埋基本上省略改造呢個環節總括符合效益,如是將aeg改造到單發有gbb反應同耐用,我諗只會比gbb走更遠既路先做到同樣效果之餘未必完全解決到耐用問題,或係好似ptvv系統用好多錢買呢種效果,幾經辛苦整好支單發掂哂電槍,到頭來gbb game唔比入,
Aeg game又打緊派彈難以抗衡冇癮,咁唔通只有等有人開辦限彈game先去玩得開心? 所以。。。一開始又玩aeg又玩gbb唔係解決哂所有問題,何必一槍走天捱咁辛苦

Dave

引用:

原帖由 gainax 於 9-4-2019 12:48 發表

電槍主要為打full auto而設計,單發係當時只係純粹加一個功能上去冇諗過傷槍問題而加入更好設計,如果買把普通aeg專門打單發同吊雞2~3連發,咁其實唔係好符合效益配對,因aeg最穩定實用auto功能放棄,轉用未完善設計既單 ...

限彈規則從來不限玩家打單定連，快頻亦可，總之彈量600 發，你喜歡1 秒50 發都可以，恭喜你打12 秒就可以彈切了。
至於單發連發傷不傷槍就貴客自理了，一把最傳統膠身MARUI AEG 純打單發起碼都可以打一萬數千發不會蝕單發勾，如果真是蝕了，換一粒就好，承惠40 HKD。
現在更加有電控單發，沒有單發勾，而是電感停槍，又是科技改變觀點的事。
至於單發反應慢過GBB ，不需要考慮，各人玩自己喜歡的玩具自然要接受相應的優缺點，何況實戰來說，除非不瞄準鳩扣，否則一秒打到5~8 發已夠，扣得快不代表易中。

至於「咁唔通只有等有人開辦限彈game先去玩得開心」，在下既然可以為了混合GBB RIFLE 而設限彈制度而確實執行到數年又可以成團，
反過來想，GBB GAME 可否先設個限制彈量 之後讓AEG 參加？
有趣的是GBB 局很多時是容許手拉狙參加的，明明手拉狙的準度比電槍更高，那代表了「打得準」根本不是一個問題，問題是派彈，
那就限彈吧，600 發太多，可以限300 發 ( 一隻鏈匣 OR 3 隻彈弓匣左右 ) ，
順帶一題在下最初限彈GAME 是300發限制的，也打了一年，後來有人說想偶然可以打得奔放少少，不用太緊張彈量，那就改了600 發，
然而300 或600 發，參加人數沒有分別，都是照JOIN 可也。

如果GBB GAME 友做旗手的話，說限300 就300 發就好，好些GBB GAME 友拎個6∼8 匣都250~ 300 發了，
300 發限制之下沒有AEG會派彈的，既不能，亦不為，300 發當他原裝頻18 發好了，派到16.6 秒，未計鏈匣最尾的30 發是打不出來的 。

這種建議適合身邊既有AEG 朋友又有GBB 朋友的玩家，為了大家可以開心聚一下打場GAME 而設的。
如果有人說：「我身邊只有GBB 朋友，半個AEG 朋友也沒有，也不打算跟AEG 朋友交流」，那就照樣打GBB ONLY 就好。

tf141

引用:

原帖由 Dave 於 9-4-2019 13:23 發表


限彈規則從來不限玩家打單定連，快頻亦可，總之彈量600 發，你喜歡1 秒50 發都可以，恭喜你打12 秒就可以彈切了。
至於單發連發傷不傷槍就貴客自理了，一把最傳統膠身MARUI AEG 純打單發起碼都可以打一萬數千發 ...

好奇一問，點解唔考慮限每匣彈數 ?
因為如果只限總彈數，可能電鎗可以一匣600發，GBB要15-20匣先可以做到
而且當火力壓制既時侯，電鎗可以毫不費力咁行住扣雞，係唔中斷火力壓制既情況之下轉cover，但係GBB可能難要免要中途換匣或者要轉sidearm

另一方面，總彈數可以放寬甚至不限
有體力或有財力者，可以買多d匣同埋彈，真鎗世界都係一樣
又相對可以提高玩家對身上裝備配置既心思，如果要600發帶晒上身，要好好考慮點樣擺放，唔會一兩隻鏈匣袋褲袋攪掂