廢柴

二戰日軍炸珍珠港到今時今日都仲可以有人討論係唔係美國陰謀, 更何況呢家
呢d話題茶餘飯後吹下水就得, 講到似層層都係零意義

廢柴

引用:

原帖由 ken5500 於 25-3-2024 21:42 發表
其實洗這麼多頁,唇槍舌劍,又要提供資料來源又要fact check
到現在我都有一點很不解,究竟資料來源的真實性是以什麼東西去確立?
永遠都是第一手資料最可信,但如果不是親自在場/親自執行,你用什麼方法去確保資料是新鮮 ...

你講得好啱, 所以我近年都已經放棄用所謂理性思考, 直接感性為主理性為輔算X數無咁煩

點解呀？ 好簡單， 你fact check搵出黎既fact, 其實都可以係整出黎, 今時今日要偽造高度仿真證據太易
再加上絕大部分情況所謂證據都唔絛再有獨立第3方再檢驗得到

有人話係ISIS收美國錢做野, 又話之前有訓練brabrabra, 我要整你都仲要提你美國佬都真係好君子
咁用番珍珠港陰謀論做例子, 又唔可以係俄版珍珠港? 明明之前美國都講明最近會有恐襲, 事實就係俄羅斯無任何軍事以至經濟損失, 就自己整左個"開宗明義"打邪惡新納粹烏克蘭
你睇番個時序, 就係7/3美國警告過俄羅斯, 之後22/3就俾人恐襲, 同日俄羅斯話自己係戰爭狀態以便啟動戰時法行各式方便, 今日就話報復炸基輔, 一氣呵成, 盲既都識睇啦
同埋, 類似既野俄羅斯又無發生過咩你估
https://zh.wikipedia.org/zh-hk/1 ... 6%E7%82%B8%E6%A1%88

所以講陰謀論完全無意思, 講證據亦唔見得係真相全部, 大家繼續啦

廢柴

引用:

原帖由 七點六二 於 26-3-2024 20:58 發表
珍珠港事件的確有太多巧合，例如點解剩係比日本炸沉戰列艦，但為何航空母艦又可以避過一劫？美國其實已經有收到情報會有大規模襲擊？但為何當時沒有人相信？

其實都係馬後炮
今時今日睇航母緊係知佢勁, 當年咪係當一個試用項目咁, 好似一開始絕大部分人都唔睇好tesla, 結果呢家一街都係
再講已經有人分析過就唔多提:
https://www.163.com/dy/article/GQPBN33O0552QCXK.html
https://known.ifeng.com/a/20191210/45714413_0.shtml

第二美國知唔知有機會俾日本打? 其實點都會知d, 大佬你咁大規模既艦隊調動, 你唔識破密碼都點都有d風聲, 問題係知唔知你打邊度, 打幾多, 點打法

你唔淨係睇珍珠港就會知珍珠港陰謀論根本無可能站住腳, 1941年12月7日日軍打珍珠港, 8號打威克島菲律賓, 10號關島
唔通日本炸到d航母就會話我地已經成功嬴左美國即刻剎車唔會打果幾度? 定係如珍珠港無俾日本炸, 美國俾人打完果3度都會同日本講it's OK just be friends?
又咁講, 珍珠港都只係俾人炸, 另外果d直頭係佔領埋, 講嚴重程度其實珍珠港小兒科

廢柴

引用:

原帖由 Dave 於 27-3-2024 10:13 發表


真假都好，成敗論英雄，

珍珠港事件是否故意為之都好，美國二戰後確實奪得世界第一話語權

美國登月真假都好，當時確實令人相信美國比蘇聯科技更強更值得投資，最後蘇聯解體

911 ，真恐襲定人為炸毀都好 ...

用你呢個結果論, 你無理由會提出ISIS係收左美國/烏克蘭錢既諗法

結果黎睇,
烏克蘭反攻難度有減低嗎? 無
烏克蘭會獲得更多支持, 不論言論定軍事方面嗎? 無
簡單一句烏克蘭有好處嗎? 無
根本烏克蘭完全不在狀況, 你話炸間入油站可能都大影響d

俄羅斯有軍事損失嗎? 無
俄羅斯有重大人命損失嗎? 百幾個平民
俄羅斯有重大人經濟損失嗎? 無, 只係一間娛樂用設施
俄羅斯有國際聲譽有影響嗎? 幾乎無, 甚至歐美都譴責襲擊
俄羅斯有面對更艱難情況如多線作戰嗎? 無
俄羅斯有好處嗎? 有, 更容易煽動國民危機感支持自己政權, 同一日俄羅斯表明左自己於戰爭狀態, 更有口實實行戰時法, 又整多個理由正式入侵烏克蘭話要打恐怖組織

再睇下地理, 個事實就係:
俄話係烏克蘭搞, 佢地一開始就已經準備好內應
白話佢地收到俄方通知, 加強布良斯克方向邊境防守並成功捉到
烏話唔關佢事

螢幕擷取畫面 2024-03-27 214937.png (193.59 KB)

27-3-2024 21:41

ISIS專登選擇唔直接過烏克蘭, 而要dau個大彎, 同俄羅斯一開始就講既明顯就唔夾, 咁當然你都可以繼續話佢專登要嫁禍白俄既

廢柴

引用:

原帖由 Dave 於 27-3-2024 22:54 發表


不用說那麼複雜，對於俄羅斯現在戰線推進，各方面報導上還是比較順利的，加上普京剛剛上台，在這情況下有需要做這自殘的大戲去振奮人心嗎？普京甚麼都不用做，繼續這樣打下去，烏克蘭已經夠難受。

而烏克蘭以 ...

我覺得烏克蘭為左爭取西方支持要於莫斯科搞恐襲呢點先係說得複雜
你講果個邊境突防係俄羅斯叛軍做, 烏克蘭自然唔認, 但援助就梗, 呢壇有助拎支持, 因為可以話係"支持被普京壓迫既俄羅斯人反抗"
地理上, 喬特基諾係真真正正既邊境, 就算功用唔大, 但係都叫可以擾亂下邊境戰事, 始終, 無人可以忽視發生0係戰場邊緣既所有事

咁支持ISIS炸莫斯科..........er...............我又真係諗唔到wor
你話之前烏克蘭咪一樣有無人機突防炸, 掉轉講咁咪即係代表佢根本唔洗冒被天下人唔支持既風險去利用ISIS都可以做到相同既效果, 兩害取其輕, 呢d高風險低回報根本無需要做
咁普京啱啱連任無必要改現狀, 都可能係既, 不過正如我講, 可以光明正大拎戰時法出黎既利益好大, 講唔埋
再加上烏克蘭落左普京面兩年喇, 1小時22分就唱左咁耐, 俾係我我就唔忍快快手手用盡所有方式一炮勁既完左佢
再講, 如果係你話既"好順利, 唔洗改現狀", 俄官方為咩要唔再話係"特別軍事行動"係改口做戰爭?

又或者, 點解唔歸於原點, 就係根本唔關所有人事, 係ISIS見你病出黎浮下水
本來ISIS做野已經唔洗理時地人事因果, 係要將佢地立入某大國既陰謀, 其實係咪浪費緊時間

[ 本帖最後由 廢柴 於 28-3-2024 10:14 編輯 ]

廢柴

D野就無話係咪自然發生, 而係到底係咪真係得"同美國(及其盟友)有關" 同 "同美國無關"呢?
美國無疑係有世界最多謀略既國家, 而又最搞笑, 又係最多自己盟友甚至國民會爆番自己料既國家, 咁又係咪代表無咩料爆到出黎既就係相對比美國正義既國家呢
畢竟, 爆到料既, 一定係生還者

如果話凡事覺得「自然而發生」，係單純, 人生少很多煩惱
我又唔見得凡事都"所有責任全在美方"又好辛苦喎

去到呢刻, 幾乎已經係信仰之爭; 信仰唔同, 唔會傾得完
結果除非又一個國家倒台, 又有番d機密文件出黎, 唔係都係無真相
就算出左黎, 又可以話係假, 無休無止, 又係回歸信仰, 咁再吹無謂, 食下花生等天命