就像生命只剩下8個月
好耐無開post la,好想係度分享一樣野。
我同ex分開左大約四年，一齊左大約都有十年。
有睇過我既野都知。
對上幾年我地一直都有搵對方，
佢而家有一個拍左三年拖既男朋友。
佢地計劃下年三月結婚，不過仲未求婚。
唔，我上年7月後有一年無見過佢，
直至上個月我地再搵番，
見過幾次面，
其實我知道佢一直都仲忘記唔到我，
我就一直都仲好愛呢個人。
佢亦知我到而家都仲愛佢，
佢早幾日同我講，
我只剩下唔到一年時間，如果呢段日子入面，我可以感動到佢，
佢會同番我一齊，
我明白大家可能會覺得呢個女人好有問題，明明有一個，又會同我講呢d野。
其實，我同佢一齊既8年，我都可以話自已係一個唔好既人，
如果要用一首歌形容我，我會用''無賴''
分開左幾年，慢慢改變左好多野，
上年佢曾經動搖過，但我自已無信心，
所以我選擇退出。
今年，我因為自身一些事，令我覺得如果我真係乜都唔做，我會到死個日都唔開心。
所以，我先搵番佢。
佢對我講，上年我係改變左，但唔夠。
今年，只係見過我幾次，已經感受到我既真正改變晒。
我知道到呢一刻佢諗緊乜，
佢無信心去賭。
因為愛情像賭博，
佢而家有段好好既愛情，
但佢知道佢身邊的人比佢既愛少過我。
但佢害怕我會有一日變番以前。
可能，現在的我就係要比番信心佢，
等佢知道我唔會變番以前咁。
我有打算未來幾個月內會同佢求婚，
我想話佢知，
面前有多一個選擇。
