古怪藏品新入手 - 加拿大 CADPAT Fragmentation Jacket
================================================
一邊話無錢，又話唔買，但就走去搵... 我都係抵死架喇...
繼上次無啦啦整左件JTF-2既Body Armour之後，
隔無耐，真係比我搵埋呢件Regular Units用既 Fragmentation Jacket / Body Armour喇...
搵唔到就話遮，搵到，個價又唔係誇張既情況下，
可以點遮? 咪比錢囉...
同上次一樣，呢個seller都係好好手尾果隻，仲手腳好快添，
(梗係好service啦，錢未比已經問定仲有無其他野要...
)
過左數第二朝，件野已經係canada post手上喇。
同樣係隔日上一上加拿大郵政，追蹤住件甲既流向，
十二月廿九號過加拿大關...三十號成功出境...四號安全抵港...
到今日，終於係過埋香港海關喇...
今日下晝開完會，係寫字樓爬緊飯，阿媽突然打黎，
媽：「哇，乜你連加拿大都有野寄黎? 你唔係剩係買英國野遮咩?」
我：「哈...哈... (支吾以對) 係呀，件野搵左好耐...早排買既...終於到喇...」
夜晚收工返到屋企，有包野放左係房，明顯地係輕過上次JTF2件甲一半有多。
(Seller話為左慳shipping，佢好努力包到包野好細份...的確，加埋真係六包A4紙咁上下size)
不過同樣重典典... 應該都有差唔多十磅重，
其實事前都有D驚，因為seller得一千零一件，仲要係XL...
我肥，但唔係高大，XL會唔會Oversize過頭變左hiphop?
換完衫，拿拿聲打開個package...
隔左咁多年，終於入手，
終於稱得上所有我儲既國家/單位都有甲喇....
(可惜無膊頭囉...之前搵到件OG色used既包埋，呢件所謂最新版竟然無...)
比對返上次個post，等我又貼下實戰相先...
到呢一刻，加軍CADPAT TW計畫，終於算係初步完成喇...
