[others] 週末又換Grip之WE銀雞硬上真木Grip

話說小弟走遍港九新界，都搵唔到一副Desert Eagle grip幫手上愛槍裝身，於是狠心海淘一副手工木grip片。
今日趁屋企人出晒去睇戲即刻開壇作法，在此記錄同分享一下小弟如何將個grip裝落去WE銀雞上面。

首先係grip片，一個紙盒包裝，一張說明書。
話說佢都幾快寄到,土耳其3日到香港



兩片木grip安裝係靠fit入槍身鏤空位置，再用螺絲同定位pin固定。而說明書所講呢個位置其實唔拆都可以裝到






跟住係主角銀雞出場，連同需要工具(仲有個電磨無入鏡
呢個砂紙grip貼係小弟參考網圖自己DIY，手感其實都唔錯，不過今日要同佢say goodbye了





拍個grip片落去，個尾位幾乎係唔駛執的,但係中間鏤空位同WE銀雞個frame係唔對的，需要加工。
左右grip拍埋去對齊上下位置，用marker畫好位，跟住就係電磨出動。
留意唔好太心急大刀闊斧磨落去，否則容易左右grip片一高一低。
mag release位記得亦要打磨避讓否則退唔到匣
火控組尾部如有干涉亦可適量打磨。





經過漫長的try and error，終於fit到入去。
不過如網上所言，WE DEagle個frame比真鐵係做闊了少少少少
呢度小弟用1mm厚橡膠貼補位，唔補位的話鎖螺絲太緊會令grip片翹起


之後用高號數砂紙打磨拋光修改過的位置，再落返木油保養


大功告成，即刻靚仔晒



多謝收睇

[ 本帖最後由 kenchow1989 於 10-5-2025 18:58 編輯 ]

後面參考大佬班門弄斧,影幾張唔同角度0既相
小弟平時自拍都無多張,攝影技術差勁,望各師兄手下留情

後記
小弟其實之前仲試過兩款grip但都係撞板收場 ，呢度寫返幾粒字
日本Carom Shot馬記DEagle木grip
大致上fit 位，但固定螺絲唔對位，會隊穿frame，fail （我認係我天真以為馬記grip執執就上到WE



Altamont one-piece DEagle grip
神奇地闊度係剛剛好（唔係WE frame闊少少咩？
但睇grip內籠,應該需要大執特執故放棄，而且小弟R爆頭都諗唔到佢係點樣做固定（唔通搵粒長螺絲由個底鎖實?



最後最後,其實小弟最想係試Hogue橡膠grip，做過功課好似幾乎直上，但可惜無入手渠道
如有師兄肯割愛，小弟萬二分感激

好靚，支持diy

十分完美靚仔!
請問師兄, WE 的 finishing 是否有再加工? 印象中WE DE的銀色電鍍都幾不靚仔!

多謝師兄,嚴格黎講呢枝銀雞應該叫"WE系統"0既Desert Eagle,
外觀finishing有所不同,係因為製作物料發生0左改變

原來如此! 你這把靚仔好多!
所以WE的銀色我買不落手, 最後是買了黑色版。

心機

想請教樓主有關木件處理細節
因為小弟想套用落AK 木件舊化

感謝

之前我換KWC P226 X-five, 個grip又係厚左，我用雪條棍去補效果更好，因為同樣係木，可以用木色精索色，做得更近似

方法只供參考

http://www.wargamehk.com/cgf/vie ... 1685&highlight=

另外Makgrips真係唔錯，佢D grip算抵買又高質

這色澤和紋路，似乎是歐洲胡桃木？