360應急包 乘客又拆又拎
【明報專訊】昂坪360今年大年初三起停駛兩個月，上個禮拜四重開，纜車公司汲取教訓，為免有乘客被迫滯留纜車時「飢寒交迫」唔知點算好，於是喺車廂椅底增設應急包，內有暖包、暖氈、擋風斗篷等，夏天就有紙扇、毛巾等，椅底仲有鎖匙，可以打開天花嘅儲物格，入面有水、電筒、熒光棒、真空食物、紙廁所等。
Emily聽到個應急包好似應有盡有咁，都好想知內裏乾坤，點知噚日昂坪纜車董事總經理邵信明就喺電台節目話，原來纜車重開後，頭兩日每日都有3至5個乘客貪得意，喺架纜車上「尋寶」，拆開應急包，仲攞走其中幾件！好奇還好奇，咁做其實幾過分。
重開一周 客量幾回復
不過邵信明話，應急包被擅取嘅情况並唔嚴重，會信任乘客，而過去兩日已經再無人咁做喇。佢又話，昂坪360已回復大年初三前纜車停駛前嘅客量，過去嘅復活節假期客量亦回復去年同期九成水平。
----------------------------------
你擺得起度, 就預左有人去搞架啦. 一係就起個箱開果時有警鐘或者有閃燈. 起落車果時咪知有無人搞過囉. 如果係強到連保安系統都拆埋. 咁就無野講啦.
UNDER DEVELOPING
