引用:
原帖由 怒人甲 於 4-11-2015 19:03 發表 
仲有平頭都有關系, 有冇睇過小林源文既武器與炸藥, 解釋左穿甲彈頭設計原理, 點解平頭穿甲會比尖頭好...
查實係防跳姐，係理論上，入射角90度，越快越硬越尖，穿甲力越強，但世事無咁理想，下下有咁正既射角咩！所以有鈍頭穿甲彈既出現，彈頭成60-70度角，射中時不易跳彈兼自動扶正。威力反而大左，但風阻增大，速度減慢，威力未能發揮，所以就有披帽穿甲彈出現了。。。係穿甲硬芯前加上風帽(炮)或軟铅(槍)，彈頭流線，擊中時黐住目標兼協助硬芯穿甲，得左。。。至於往後發展，就吾係此壇既討論範圍了。
平頭既壞處就係風阻太大，容易係彈道上形成章動或滚翻，消耗動能，弾道不穩。。。即係吾準確，打中後受力面積不集中，穿甲效果猶如屎忽撞棍，不過由於速度低又吾流線形，打中猶如水一様密度既人體時，會透過劇烈翻滾去釋放能量，人體內會“炸”成信間空腔，醫番Side藥矣。
最後，穿甲後應力導致另一邊裝甲碎裂。。。係属於殺傷後效，任何撃中後都會有，成因取決於乜彈，乜裝甲，乜野厚度，接合方式。。。所以英佬發明左軟既碎甲彈，裝甲由一戰既普通鍋爐碳鋼變成今日屈服強度高既硬而Un裝甲鋼，甲中有多種不同硬度，物料既夾㞓，全焊接而不用鉚釘，仲有防崩落防中子既橡膠貼面。。。
嘩！大家恰著哂添
