引用:
原帖由 Dave 於 28-12-2013 00:18 發表 
坊間流傳話FET 慳電，單發反應快，保護電片，唔用好快燒等，其實有幾多樣是真？
我自己不是專家也答不上，但整片銅片燒真是未見過，自己手上最老果支M4 應該有8 年，
又單又連，膠身換金身，金身換第2 套金身都 ...
用 Fet , 佢本身都需要電能啟動開關 , 又點會慳電左 ?
反應快 , 正如你所講 , 你扣得電掣通電 , Fet 先有反應 , 又何來反應快左 ?
除左電流 , 內阻 , 仲要睇用槍習慣
每次扣動板機 , 如果每下都半按半縮 , 電片唔燒 都半身不遂 , 你裝 fet 保護電片 , 但都係半按半縮 , 唔死電片 , 死 Fet 一樣遮
正如渣棍波 , 你唔會長期半吊 "極力子" , 轉左波 , 一鬆就鬆晒 , 如果吊住唔鬆 , 幾下就燒
Tango 識燒焊就好快明 , 燒焊要高溫 , 就要起電弧 , 就係 "半掂住半離開" 之間 , 所以要電片耐用 , 就要識縮短電弧發生時間
點解屋企電掣耐用 , 因為佢設計 "一係有 , 一係無" , 佢無比位你猶豫 , 你試下有心按住慢慢鬆等佢起電弧 , 唔洗五年 , 玩多兩玩就溶
究竟係人玩槍 , 定槍玩人 ? 唔從使用方法開始 , 神兵利器都死
用槍 , 唔係講你買幾多野 , 而係你發揮到幾多
多隻香爐多隻鬼 , 額外裝多樣野就多樣野壞
