引用:
原帖由 secure31 於 5-1-2016 11:42 發表 
感謝DAVE兄, 照你咁講, 就算馬記都死係溫度上, GBBR暫時都係攪唔掂呢個死証...
自問對GBBR唔太有研究, 但宜家得把CA AEG AK, 都係徘徊係次世代同MWS之間, 如果以MWS作為GBBR既入門, 都好似OK咁, 因為小弟打GA ...
只要一日用TOPGAS 呢種動力源，火力時大時細係無得解決。( 或者用D 高科技壓力感測器之類BUILD IN 入槍... 後話，亦唔認為值得咁麻煩咁做 )
個人覺得次世代都gbb 可以並存，
而家我買aeg 都起碼要假ebb，起碼拍拍聲無咁摩打聲LLLLL，
次世代有斷電 ( 其實多數未斷電都換左匣 ) ，有得震，準度優異，耐用，易升級，可以話係AEG 界性價比超高的產品，尤其是日水低下，二千幾已經有交易，
GP M4 AEG 都係差不多呢個價。比較引人疚病係難打神力，呢個主要係就M4 系統而言，
因為MARUI M4 次世代尾通受力EBB 件，如果改十分大力彈弓，係有機會脫牙，但所謂十分大力係講緊貼近2 J ，
自己改CQBR M4 次世代打原裝管 只有275 MM 都可穩定打1.3J 火力，如果買的是14.5 寸管版本，改埋條6.01 管，輕鬆到1.5 J 是等閒事，
這火力應令香港場地已十分足夠。而SCAR 系統由於是用密閉式波箱，是沒有這種限制，理論上可塞更大力彈弓，但自己改了1.25 J 了事，也沒換精密管，用原裝管已十分準。
次世代自己是玩彈弓匣的，80 發，因自己在舊世代時也是用彈弓匣，這種所謂彈量限制其實對我是零影響，初入行也是看瞄具做人而不是彈道。
個人認為玩槍要玩埋換匣先FUNNY。
至於GBB，如果對GBB 零技術或者直頭唔想執唔想攪，以前會介紹KSC 因為真係一插即打，但KSC 有兩個問題，一係匣十分勁抽地重，
二係依舊會BOLT LOCK 磨損 ( 其實除了MARUI 之外所有都會，包括鋼件 )，原因很簡單，幾百克一隻BOLT 連衝擊力，要靠一小個方角「撞停」，
方角受力位得一粒紅豆咁大，物理上，愈少位置受力，能量愈大，從來無廠完全解決到呢個問題，充其量是加硬，加硬... 再加硬...
MARUI 呢支M4 ，匣重四百幾，除了WE 三百幾克輕絕宇宙外，MARUI 算數二數三輕的，這對實戰有益無害。
另外是BOLT RELEASE 隨便按，TOPGAS 隨便灌，魚骨隨便換，真品隨便上，仲要原裝打得順直準，相信撚過支MARUI 的朋友仔唔會反對我呢D 咁浮跨既形容
從來GBBR 係向上兼容只要唔爆件，134 A 順的話，TOPGAS 一定順，CO2 一定好很順 ( 如果冇野爆 )，
如果真係要玩低溫測試其實唔洗雪落雪櫃，直接隊支銃之氣134A 入槍即可，得果4, 5 KG 無奶力 ( TOPGAS 10 KG 左右 )，如果咁都推得順，就知呢支GBBR係好野。
好多時放雪櫃，表面溫度零度，但入面跟本仲係正常溫度，當中可以作假的方法太多，不可盡信 ( 你雪罐可樂入雪櫃，明明外面好凍，入面勁唔凍超難飲，大家都明 )，
而MARUI 呢支野正正係134A 十度八度都順順推，TOPGAS 更加係槍槍有力... 亦係在下玩過的GBBR 入面完全係 0 執即打仲要一雞清唔腳軟的好槍，
在下手上GBBR 話多唔多話少唔少，4, 5 支總有，無邊支係有本事原裝咁順一雞清唔噴煙唔腳軟的。重點係... 呢支野只係賣3 千唔洗.. 一定唔係最平，
但加埋呢個級數的性能應該買左無後悔。
個人覺得玩槍可以隨便買隨便玩，得閒玩下電得閒玩下氣，得閒玩下狙得閒玩下純手槍得閒玩下LMG 得閒玩下 AEP，何必限死自己只可一邊發展？
除非你玩完GBBR 後完全接受不到電槍的「玩具性」，自己就好隨意，從來唔會當手上的玩具是真鐵，玩得開心就好。
就算自己有支次世代，都係會照買其他品牌的槍，其實玩具來講，實用性通常唔係最重要的事，最緊要拎住一支自己喜歡的槍型落場，
講實用的話直接一支2 號波箱AEG 改短身快頻彈箱落場即可，唔洗攪咁多野。
[
本帖最後由 Dave 於 5-1-2016 14:52 編輯 ]
