使用TRI AN/PRC 152 和其他周邊配件

148 3k? 2千頭姐

岩岩睇左最平1900到香港
依家應該平左

仲有隻叫fcs牌既148
有冇師兄用過呢？

小弟小小離題，（因為似乎好多有玩walkie嘅師兄響度）想搭單問一下，我有部mts2000衰咗，淘寶是咪有個牌子國產機可用返D佩件，thx

台仔報148比我NT11600，我覺得佢食水好深下，
最後都無買，或者一部半部貴D卦，又或者UV係咪所謂新版？

[ 本帖最後由 ohnavi 於 12-9-2016 12:15 編輯 ]

之前講過，話小弟訂左TRI PRC 148，到手會影相上黎。依家找住第一期數，睇住相先，因為放工返到去已經夜，無時間詳細測試解說，因為依機都有少少故事吹吹水，我知道樓主同Ivan兄等一衆想落坑但又心中有疑惑嘅師兄弟都唔少，相信開箱文會能解答當中疑問。待中秋小弟放假才慢慢放上開箱文，好……事不宜遲…去相

買一部，唔好玩…五部又點睇



寫明喔1.3

開

要型……當然唔少得…之前買落…真品電池盒

對下先

上到喔…直上

無咁多粒CR123A…遲下先試

重點…依個就係點解要買version1.3重點


唔夠喉………好……比埋段片……睇完好早啲訓……聽日要返工呀
https://youtu.be/ypgNMZlFxF8

[ 本帖最後由 kimberCDP 於 13-9-2016 00:15 編輯 ]

淘寶啦 大陸野緊係搵返大陸仔啦

這次我被毒到了，
btw真電係咪要有埋真charger? （好似好廢話）

thanks ching   我去碌碌先

佢地最平好似2100 hkd到
個價係1580rmb,但運費係300rmb

各師兄弟，釣左大家兩日癮，今日終於有時間打文，部機功能較多，用左兩晚先大約摸上手。以下圖文並不精美，望大家張就下。

AN/PRC 148對大部份有返咁上下玩家都係心中必需裝備之一，在數年前，已經有唔同廠商造過數款PRC 148仿制品，畢竟開發生產對講機對廠商係一件唔易的事，質數或效果在此不作詳談；到TRI AN/PRC 152面世，好多玩家心中都覺得玩具/仿制品對講機又走出了另一境界，但有過152師兄都會覺得此機並不完美，因此機並不是直接對應各真品headset或PTT，接下來又係另一條崎嶇的路，改機，改headset，改PTT，有師兄結果最後都係未如心中所想。

去年，當我知道TRI AN/PRC 148面世，亦知道身邊有發燒友已經到手，因佢已經走過152及聯星148等苦行之路，我就立即問問此機是否解決過往問題，此師兄愉快回答，TRI AN/PRC148已經直上佢手上的所有HEADSET，效果非以往的可比，包括佢同隊友都頭痛到極的SILYNX C4OPS都無改直上。見佢咁講，我翌日立即去煙廠街某店試機。




我拎埋圖中的真品SELEX CT5 TAC MIC，店員取下148插上開機setting，噢......無反應......."我諗唔係呀，機皇都比我中到，無事既，幻覺黎姐，嚇我唔到既"......店員好好，再開一部新機插上開機，噢.......大X鑊，成部機error，hand左，，我諗唔係要我比錢賠呀.....
關機除下CT5 TAC MIC，正常無事，噢，好彩咋.....離開店後，前思後想，明明TRI廠方都話直上真品headset，發燒友師兄亦唔會老點我，點解會咁呢？心有不甘，晚上我直接聯絡"TRI台灣"查詢，佢地都唔知道原因，真的不得不讚此公司TRI台灣"，開始努力研討嘗試找出原因，回應態度十分積極，特登找一隻真品CT5去測試，。後來有愈來愈多歐美玩家去信表示同樣問題，有唔少其他真品HEADSET都用唔到。
經過佢地數月努力，終於找出原因，真品an/prc 148的headset的六相接頭(U-283 connector)中間的接點F係會供電輸出比不同HEADSET或配件，而version 1.0或1.1的TRI AN/PRC148中間接點係無接電，所以有部分如CT5的headset用不到，因無電到...TRI 最後推出version 1.3，佢地叫做供電版的148，依個版本係特別訂制先有，由佢地原廠師父改機調教，所以比市面上舊版TRI AN/PRC148貴一千港紙。
可能你會話，咁點解唔拎舊版去鴨記或槍街改機呢，原因有兩個：
1.)如果拎去改，就入定要拎埋隻CT5去改，到時係改CT5黎就部機定改部機黎就HEADSET呢？！因改機比改HEADSET煩二十倍以上，張心比己都會用個易的方式去做，再者，我自己都走過對講機改headset的苦路，改完用到依部機第二部又用唔到，一個字煩，所以我寧願保住headset的處子之身，畢竟，對講機是玩具，而headset係真品呢。
2.)我相信無人比廠方更清楚自己產品，由佢地改係最好方法，而且改工價錢相差無幾，非原廠改機後無左保養。


開箱喇，包括：中英說明書，主機，鋰電池，差電器火牛，天線，重有.....擦膠一舊??????




主機正面，喇叭，顯示屏，7個按鈕等




主機側面，由左至右，開關安全鎖，音量+鈕，音量-鈕，PTT，監察按鈕




主機頂部，上排由左至右：天線接口，六相接頭(U-283 connector)連保護蓋
下排由左至右：開關/音量旋鈕，頻道/波段旋鈕




主機接電方式，與真品一樣，以旋轉方式扣上，特別一提，中間有膠O-RING作防水用，扣上時都幾實，所以唔好太大力，慢慢轉，另一隻手拉起機身側邊金屬電池扣，扣啱位才放手可以減少電池盒外殼損耗。






TRI天線，比真品輕，朋友話用上真品天線會收得好少少，但粗粗地用住先啦。




上好天線，一隻手拉低開關安全鎖，另一隻手順時針轉動開關/音量旋鈕開機，記得開關安全鎖要拉到最抵








到鋰電池，嘩，個殼又有少少花又有少少崩，點解會咁，唔好投訴住，因為依粒係真品Thales PRC 148 鋰電(我都幾肯定)，係呀，原廠就跟真品鋰電
外殼有"4.8 及Thales"字樣，根據Thales原廠資料，PRC 148有兩款鋰電，一款係4.8 ahr另一款係5.8 ahr，PRC 148 mbitr原裝係4.8，後期因為升級左JEM所以有5.8較高電量鋰電推出，官方話依款4.8 ahr鋰電，用於真品PRC 148上，可以用10小時，當中時間係10%以5W發射，10%接收，80% stand by



鋰電底部，都話真品黎喔



到差電器喇，嘩，你問我，我真係唔太想用依個差電器，因為都幾簡陋下，既然都有真品鋰電，差機依味自己諗下方法，你明啦





六相接頭(U-283 connector)，好似唔係真品，但睇落應該比152的好




打住咁多，下篇開機測試文今晚找數


[ 本帖最後由 kimberCDP 於 14-9-2016 15:33 編輯 ]

大家可能會話，咪有本中英說明書，咁樣都要撚上手兩晚，大家睇清楚本書係叫"快速操作手冊"，即係咩呢.....即係本係解比你知堆符號係點解同簡單教你開機基本操作，對住一般唔係無線電專項如我的，睇完真係暈暈地。經過暈左兩晚。小弟並非無線電專家，有錯煩請見諒，以下只談數項大家會用到功能，其他留待專家去解答吧。
基本上，主要有幾個模式：
1.)自由調教波段模式
2.)記憶頻道模式
3.)FM收音機功能
4.)中繼台收發功能
*小弟無repeater，所以無法測試

原廠開機後畫面，原廠開始時係"自由調教波段模式"，上下分成兩行，上行左至右，電量顯示，兩項9位數字，這兩項數字表示你現在監聽/接收的波段，此機係同時監聽/接收兩個頻道或波段，大好了
數字旁的三角型箭嘴，則表示你發射時波段。轉動機頂的"頻道/波段旋鈕"即可改變波段，"頻道/波段旋鈕"可360度轉動，每一格為增加或減少0.025的波段數字，你會話，嘩，我要由409.000到145.000咪扭到手指都著火，你估你係大陸唱K扭螺絲咩(唔好問我咩黎，我乜都唔知)]。
想快，按"上箭嘴"或下箭嘴"鈕再轉動"頻道/波段旋鈕"即可逐個數字位調教，較好就按"ENT"鈕，想還原就按"ESC"鈕。





按"MODE"鈕，三角型箭嘴符號就會對調，即可調教另一條頻道；如調到106.000至135.995時，會自動改為AM頻率(書中叫航空頻段)，在AM頻率轉動機頂的"頻道/波段旋鈕"，每一格為增加或減少0.005的波段數字，只能接收不能發射，其他英文字符號我不作詳談，因為本書仔已有解釋。



記憶頻道模式：在自由調教波段模式下按實"ALT"鈕再按"側邊"音量+"鈕，即會進入此模式，此模式係自訂記憶波段，共可記錄128條頻道，而依部機有兩段，即係可記錄256個頻道，三角型箭嘴符號旁邊的細3位數字代表頻道編號，點寫頻記錄呢？先到自由調教波段模式，調到你想要的波段(如409.775)，按實"ALT"鈕再按"MODE"鈕進入menu，按"上箭嘴"或下箭嘴"鈕到"017 ch-men"功能，按"ENT"鈕進入，再按"上箭嘴"或下箭嘴"鈕選擇你想要的頻道編號，選好後按"ENT"鈕，此時可自訂頻道名稱，按"上箭嘴"或下箭嘴"鈕選擇字位，一共可入六個字的數子、英文字母或符號，再按"ENT"完成。



在記憶頻道模式下按實"ALT"鈕再按"側邊"音量+"鈕又去左咩模式呀？都係記憶頻道模式
不過今次係顯示頻道名稱，而唔係頻道波段咁解，咁依個模式下按實"ALT"鈕再按"側邊"音量+"鈕又去左咩模式呀？就係......自由調教波段模式



以下功能真係又愛又恨，就係FM收音機功能，點解，我想問今時今日大家除左係各運輸界巨子重邊有人會聽收音機呢，如果你係巴士到見到條友拎依部牛咁大對講機黎聽就真在型到呢..........放心，一定唔係我，但點解會有呢，因為依部機廠方係希望可以用黎救災方面，所以收音機功能係有依方面好大用途。在任何模式下，按"GR"鈕就係開動FM收音機功能，按"上箭嘴"或下箭嘴"鈕自動追台，如果你想同DJ對嘴，係唔係按PTT就得呀，噢，sorry，係唔得，只有接收不能發射。好喇，點關功能呀，本書仔係無教，咁有人就好聰明按"MODE"鈕........依，真係無聲呢........十秒，突然部機有歌聲，撞鬼你呀.......又黎。原來係按"ESC"取消.........頂



真品HEADSET對應測試，此項就無乜特別，一係得一係就食吉，正如我第一篇(序)已經上載測試片，但有少少要注意，就係個六相接頭(U-283 connector)，有經驗的玩家都知道仿制品的六相U-283接頭的呎寸係差少少，如果夾硬裝上去係有機會會爛，解決方法有兩個，一係換上真品插頭，二就係把headset插頭入面的用作防水的O-RING除去，我自己一早已把O-RING拆走，所以裝上此機係十分暢順，但隻O-RING我就搵唔返，所以暫時無法得知呎吋是否已經比以往改進，根據聞說消息呎吋已經改良，無須把O-RING拆走可以直上，但未經證實。




以往高人指點，不論用甚麼對講機，要接上或拆卸天線，headset，最好關機後才進行，因為開機後才接上或拆卸headset有機會短路，燒機或headset。
返黎講返TRI PRC 148，駁好開機，會發現部機的喇叭依然有聲，進入menu，到032 speaker設定，由Inside改為external，顯示屏係"FM"符號旁邊會出現"喇叭"符號，搞掂成功"滅聲"。另一項，真品headset用家的煩惱就係MIC十分細聲，只要進入menu，到033 MIC設定，由"CAP"改為"DYN"，顯示屏係"PT"符號旁邊會出現"方型"符號，搞掂




總結：可能對講機都唔係大部份師兄所追求的範疇，但對有一定年資或要求的師兄，就係不可缺少的部份，時移世逆，玩具或仿制品質素已經超越以往，真品軍用對講機除左天價及難以入手外，技術支援又係另一艱鉅難題，而此機已經解決一個最煩惱的問題-----對應真品HEADSET配件，可能以此prc 148仿制品與鴨記平價大陸對講機功能相比相差不大，但就貴近數倍，的確係各師兄會考慮因素，就我而言，我已十分滿意。起碼我自知，此彷制品是真品的十分一價錢，而技術支援亦有保障，而經歷過"苦行"的師兄，更會明白箇中所言，希望此開箱文幫到大家吧﹗
最後送上一張相"兩代同堂"


[ 本帖最後由 kimberCDP 於 14-9-2016 19:46 編輯 ]

美佬朋友好幸運

非常詳盡的報告， 真心感謝

“而經歷過"苦行"的師兄，更會明白箇中所言”
— 真係事實，搞walkie同headset搞到頭都大

Ivan兄，諗返之前，真係有血有汗，最慘係真品當年入手唔易，拎去改完已經面目全非……真心傷

睇下你壞乜，如果底板等晶片零件壞，已經無得救，除非你部機個殼好特別好有紀念原因，先去拎另一部機黎借屍還魂。
另外，此機已經老舊，電池都係一大問題，所以都幾頭爆。
我當年部2000係特別版，但最後都因為電池問題，賣左比個朋友作收藏