你o甘耿耿於懷, 要寫成段文去講我有乜鬼野居心, 要發洩咩仇恨,
細佬受寵若驚之餘, 都要溫馨建議一下: 唔好亂扣我帽子.
你介意我曾經令你封帖? 時隔甘耐我都冇解釋過, 原來你o甘上心, 不如就攤開黎講.
當時你發帖, 興高彩烈講點去淘寶買成件, 寄番黎響天台整高壓電網去殺鼠.
高壓火牛有冇香港批署安全證明呀? 冇.
冇咪瀨野o羅.
你自己響室外安裝高電壓裝置, 有冇牌呀? 冇.
冇咪瀨野o羅
你響天台加櫃時, 有冇入則呀? 冇.
冇咪瀨野o羅
你圖文並茂白底黑字o甘乜都講, 有冇諗過後果?
你連駁電線都要周圍問, 萬一短路出事o甘點呢?
你有冇諗過法律後果?
你有冇諗過保險公司會點對業主?
你有冇諗過天台係公眾避火層唔係私人地方?
Touch wood 冇人想有天災人禍.
o甘不如講番你扣我帽既乜鬼居心仇恨.
如果我要害你,
求其Cap個畫面擺上網請廣傳,
一煲起上黎, 你覺得有幾多個部門焗住要跟進?
撫心自問, 你真係幻想自己朋友滿天下?
我唔活在網上, 唔活在幻想, 唔喜歡也文也武.
我人生經歷比你多, 遇過既挫折困難亦比你多,
我識得分輕重, 我會諗後果.
我係唔認同你既價值觀, 亦唔欣賞你待人接物既態度,
平時指出你既誤導或錯誤係舉手之勞, 坦白講亦提供o左唔少歡樂.
但同時, 呢樣好重要, 唔該你擘大眼睇清楚:
我唔想見到你因為戇居而惹上麻煩.
所以當時我要求關帖. 明唔明呀?
如果你又想寫堆唔知乜鬼野去扣帽, 請留意你成日講[言盡於此], 呢帖亦唔例外, 若唔明o個意思, 又何必用?
