M1919 Browning machine gun 係美國二戰中美軍的中型機槍, 從雷霆救兵.雷霆傘兵,太平洋戰爭中到FURY, 你都會見到呢支機槍的神威.
我自己中學的時候就中左二戰毒, 身為二戰槍械的FANS點可能錯過呢支由Red Wolf Airsoft 同 Viva Arms合作的M1919 A4呢
今日就同大家一齊開箱到成槍的過程一炮過分享啦
24/12 更新左上鏈效過解說
所有野,當然由槍盒講起. 槍盒好簡潔,無咩過多花巧野. 大致上槍盒係三角架,下盒係主槍及其他部份.
我開盒的時候個『嘩』字不禁由個口彈左出黎, 除左機槍主體外,仲有T&E(Tranvering & Elevation Mechanism),dummy 7.62彈,
2個LiPo電, 同一個彈藥箱. 當然一定唔少得說明書啦
我習慣買咩野都先睇下說明書先, 值得留意的係真槍同RWA版本的分別,RWA的總重量連彈藥箱共重15.6KG!!!你帶去打GAME少D體力都唔得呀
呢個係T&E, 其實簡單黎講佢係透過旋轉圖中兩個旋轉扭, 去控制機槍左右上下去達到比較準確的射擊.
整個機槍槍盒好簡潔咁用啞黑色去表達,無過多的點綴. 槍身也只有簡單的marking, 正. 成槍大部份為鋼件
機槍前端是比較代表性,用風冷去冷卻槍管. 成槍其實為browning m1919 A4的版本, m1919有不同的版本,有興趣的朋友可以google下佢的不同版本
槍身的另一面, 真彈入彈處真的非常有味道,係真彈入彈處下方有個圓形洞,係bb彈的入彈位
槍身下方就可以睇到二條電線同波箱部份, 自己比較覺得波箱部份為開放式,如果打game的時候有沙粒飛入齒輪會有嚴重問題發生,呢點真係要注意下!!
彈藥箱的marking一d都唔馬虎,跟住二戰marking, 色調都做得ok, 當然你好細心睇都仲係會睇到和真品不同啦
打開箱後,其本上就係5000粒bb彈的住所, 一粒粒等住出黎
有趣的地方是圖中有粒紅色按鈕, 按著會自動上彈(但其實實際槍擊時不同按著也會自動上彈)
第二有趣的地方係,大家如果細心睇, 彈箱蓋周邊係有厚膠包圍的
成個裝bb彈的箱拎出黎就會睇到, 下面有個小麼打,用黎上BB彈. 麼打唔係咩特別野,普通鴨記雞麼打一個,壞左可替換.
面有藍色頭的電線是連按機槍藍頭, 當你扣動trigger時會自動上彈
最上黑色為金屬線卷圈的輸彈線
彈箱的旁邊就係放電池位置, 都可以見到可調模塊,壞左TB都唔會超過30蚊,自己修理無難度
比較貼心的係佢送多個小田宮換T頭的轉換線.好似我咁,大部份AEG都轉晒T頭,唔使再焊過
附送的二舊電, 上面為彈箱,下面係機槍電, 全部為7.4V. 其實機槍電也可以用11.1V
入電入彈禁埋紅色制後,BB彈係禁湧出黎. 神威就是這樣練成的
Dummy彈非常像真, 每粒彈都可以拆出黎, 雖然唔係銅造,但放係槍上面,Reenactment一流
75年前我同我的朋友一齊阻止左瘋狂的納粹德軍同日本皇軍, 我係邊個? 我是春田步槍彈又叫thirty-aught-six
到三腳架部份,一開箱就唔太開心, 因為好多鐵鏽
(不過經過悉心打理,終於無晒啦)
三腳架全觀,全為鋼造,不過無想像中咁重, 但我有朋友拎過後話好x重
展開後,反面的樣子. 可以話幾可亂真
呢個三腳架右手邊有個扣, 要扣實佢先唔會走位,不過開合時要小心手指, 太興奮手指會夾爆的
呢個就係扣緊成支機槍的位, 實際操作都需要練習, 如果唔係你會Displace(移位)唔切, 壯烈犧牲
呢支機槍其中一個比較有趣的是有個馬達去震動dummy彈,去模擬真槍上彈時的拉動. 因為個人係二戰迷, 睇過太多MG片,呢個模擬的拉動對唔識人會動感十足似真槍,
好似我呢D槍迷,你就會好好奇佢的構造
原廠電就非常合適,岩岩好,只有一條藍色的線露出作上彈用. 實際我用普通M4電也非常合適, 不過如果3S 11.1v 2200mah就比較困難, 需要少改動
支機槍本身唔算大力,用.25彈,打左10槍唔過全部唔過1.2j
靚仔BIRD VIEW
型到爆SIDE VIEW
打GAME見到呢個VIEW就好閃啦
後記:
自己由中學至讀完書出黎做野, 都一直好鍾意研究二戰槍械,特別係二戰美軍同二戰德軍的槍, 自己真係非常開心買到呢支槍,無論你係打GAME定收藏都非常值得擁有佢.都高興慢慢接近完左我十幾年的夢想(儲齊二戰美軍同德軍的槍),如果留言夠多我再同大家分享多D二戰的AIRSOFT.
大家有興趣有關二戰野同打GAME的野可以PM我,或者打GAME見到有個著101空降兵的死肥仔,十居其九一定係我.
記我打聲招乎呀
一定毒你陪我玩二戰
更新解說:
有D師兄問我支槍的仿上鏈個個構造係點,其實好簡單.
圖中銀色部份係個細馬打, 連上去個軸到你會見到有個三角鐵,當佢轉動的時間會帶動直桿向右.
卡彈位本身就有2個小彈弓, 咁就可以將個直桿彈番去左邊
如是者,卡彈位不斷右左右左右左移動達到上鏈效果
[
本帖最後由 adamhaha2002 於 24-12-2016 15:05 編輯 ]
