小經歷
話說小弟早兩日響樓下大蝦樂食早餐
食食下發覺前面個呀嬋拐下拐下拖住隻左腳行口嗡嗡"你睇我唔到~你睇我唔到~"咁
覺得奇奇怪怪
一望之下原來佢左腳踩住一小疊錢拖住咁行 (幾百左右啦)
直覺佢應該係想據為己有啦
個呀嬋見我發現左, 立即加快速度
於是就叫一叫佢附近個男人 "係咪跌左錢?"
我見佢冇乜反應, 見事態緊急, 就行去佢身邊講多次
佢都諗左一兩鈔先醒覺
嘩, 我轉頭一望, 呀嬋已經坐低左, 地下疊錢唔見左
我就叫佢, "比返人啦"
佢仲嘴miu miu 咁話冇
原來佢踼左落檯底, 不過比我女友見到
事主幸保不失~
跟住到下晝, 趁女友提款
我就無聊聊去 ok 行下啦
一入到去就見到個傻下傻下ge男仔, 20左右啦
鬼鬼鼠鼠咁
即係好唔專心響度扮睇o野呢
咁我又留意下佢
果然唔夠5秒佢趁店員忙緊
就好快手由凍櫃拎左支雪條塞入褲頭再用件衫遮住
當佢去到門口以為成功左想走ge時候就比我喝停
"喂!企響度~" (佢扮聽唔到)
"企響度!做咩呀,你?"
佢就行返轉頭好快咁拎返支雪條放返入凍櫃
跟住好似細路哥做錯事咁對住我, 口嗡嗡好驚知錯咁
我同佢講話"今次算你好彩, 唔好再有下次"
點解我咁講?因為我認為佢應該係有d弱智, 唔通真係報警拉佢咩
講真最後都係浪費資源同時間
而且佢未完全離開間舖就比我喝住左
如果再比我做多次, 我可能會教訓完佢請佢食一支
"想食, 我請你食, 唔好再偷啦, 下次未必咁好彩有人比機會你"
-完-
