其實依個密氣改裝係小弟差不多一年前係台灣軍X酷睇到,而小弟都親身試個係WORK,所以基本上小弟家中廿幾枝長短GBB都咁做,全部都有明顯嘅火力提升同減少氣體浪費嘅情況~~但係點解到今日先出POST呢??其實最主要係小弟一搞親槍就會搞到成隻手都係油,又唔想整污糟部相機先至無出post....不過早兩日有個POST講開依樣野,又有人想知,剛好又收咗枝二手槍返嚟,所以決定今次搞嘅時候影小小相嚟同大家分享下~~不過講咗咁耐,到底係咩改裝呢??其實就係用熱縮膠去加厚飛機出氣咀,令飛機同HOP UP膠之間更緊密~~唔講咁多~~去圖!!!!!!{:66:}
依枝就係收返嚟嘅手槍,ksc sp2022 s7系統,上手槍主已經換咗SD釱色滑架,真品氚氣準星,真品細GRIP,KM管,魔膠同跟兩匣,放俾小弟只係二千個大洋,低過半價~~{:64:}{:64:}係到先多謝HLTONG師兄割愛~~{:63:}{:63:}
係開始前用x3200測試下5槍火力先~~KSC 0.25G BB,恐龍氣,室溫20度左右~~
如圖所示,原火力係1J至1.03J~~測試就開工~~先拆出飛機清洗油份~~
洗完後抺乾,再用風筒開熱風吹乾~~記住所有洗過嘅一定要用熱風吹乾,因為就算抺乾咗,都會仲有水氣係表面,要用熱風先可完全蒸發水氣~~{:66:}{:66:}
吹完~~攞出熱縮膠~~係鴨記有得賣~~
度下出氣咀長度係幾多~~
CUT佢出嚟~~
套落去睇下fit唔fit位,唔好突出嚟~~
ok~~fit位就甩番佢出嚟,係出氣咀搽少少膠水上去,我用依隻雙星螺絲膠,因為佢無咁快乾,一乾咗就好實~~超好用~~{:28:}{:28:}
再套番熱縮膠落去~~
下一個步驟就係火燒!!熱縮膠遇熱會收縮,而螺絲膠遇熱會先溶化,之後急速變硬~~本來最好用防風火機,因為防風火機火力集中,可以容易控制,燒得較靚,但而家無係手,所以用普通火機先....
燒嘅時候唔洗hold咁耐,點三四下佢就夠,如果唔係會好似我咁,燒到出氣咀變形....(因為要就影相,所以燒耐咗......{:40:}{:40:})
好!!雖然有少少變形,不過影響唔大,話之佢~~而家等螺絲膠乾咗就可以還原所有野,係等乾期間,拋光下飛機座等佢可以減少摩擦力,行得順d,唔洗用咁多氣,對氣化有幫助,長短gbb都合用(拋光埋擊鎚仲好,不過手槍我就唔咁做啦....)
最後,裝番所有野,試槍!!!!!
如圖所見,相同條件下,由1.08J至1.11J,火力有少量提升,連後座力都大咗,退樘快咗,咁係因為飛機出氣咀加厚咗,係滑架後退時,飛機俾HOP UP膠吸住咗,未縮回飛機座內,即係飛機入氣口同彈匣出氣口仲係連接狀態,唔會過早洩壓,所有氣壓用去推滑架,退樘速度快咗,咁做除咗可以加強後座力外,因為壓擊鎚時間快咗,早咗cut氣,令彈匣熱交換時間縮短,令彈匣唔會咁快降溫~~
p.s.整完之後有機會因為出氣咀加厚咗,令飛機回樘時入唔晒hop up膠內,做成擊鎚俾滑架/槍機(bolt)頂住,扑開唔晒彈匣嘩佬,如果遇上咁嘅情況,只要拉多d滑架/槍機(bolt),令hop up膠撞至適應出氣咀厚度就ok~~
