回覆 24# 的帖子
先唔該RCman師兄，就等我盡量用文字作表達啦。
GBB進行連發時，撞鎚必定要打到彈匣上既嘩佬放氣，令槍閂向後及回膛。這時嘩佬內既彈弓會將嘩佬回彈Cut氣，等槍閂再次上膛及釋放撞鎚，並重復以上勳作。
不過嘩佬蕊入面有一個細膠圈，作用係要密氣，但亦因為呢個膠圈响嘩佬蕊內可能受到gas嘅化學反應造成鬆動。當彈弓要回彈嘩佬cut氣時就啜住條蕊，減慢咗回彈動作，造成連發失效！但何解單發又無問題呢？原因在於在連發時射速較快，嘩佬彈弓來不及將嘩佬彈回原位。當撞鎚再次打落個嘩佬位時，條嘩佬跟本就仲未到位，結果就只係打到空槍，失去咗連發效果。相反單發時有足夠時間比佢，所以單發就仍會有得玩。
各位師兄，不妨用鏍絲批隊吓個彈匣嘩佬【當然係要放晒彈入面既gas先】，測試吓個嘩佬同彈弓暢唔暢順。如果一隊落去再縮番支鏍絲批，個嘩佬明顯係慢慢彈番轉頭的話，就即係以上毛病。
要解決就首先將彈匣折開，用條嘩佬匙將嘩佬扭出黎【記得要先放晒gas先】，用手指
