上次同大家介紹左一次重火力的二戰美軍的中型機槍RWA M1919, 今次就梗係要介紹番同佢相反的槍啦
納粹德軍的手槍Luger P08 就最合適不過啦
Luger 呢支槍我諗你就算唔係二戰FANS你或多或小都會見過佢的樣,
今日就同大家一齊開心分享下KWC所制的Luger P08 啦
所有野又係從槍盒講起,
其實個盒(應該係話紙盒),無咩特別. 簡簡單單話你知係二戰德軍野,加上右下角話你知係CO2版本
紙盒唔係特別厚. 就咁睇盒樣,我一定唔會買的
打開個盒後,你會見到說明書,廣告紙同P08本體: 其實個時心諗,唔係呀嘛....that's all..wtf(不過之後我個心就"嘩"左一聲
照舊睇左說明書先, 其實無咩好特別, 都一般氣槍操作. 比較有意思的係個爆炸圖
圖中你可以見到RECOIL SPRING係有2個的,可想而知個BLOWBACK應該有番咁上下
除左槍外, 其實仲比左個六角匙同小量BB彈, 送D野都算合理(但買槍的時候店舖仲送多2支CO2,未知係唔係隨盒送啦)
拎上手,就"嘩"左一聲....點解?因為真心重手,好似拎緊真槍的重量咁. 而且摸上手, 有好多都係靚仔的合金,唔會覺得係CHEAP野.
佢連彈匣,一共重868g, 又係少d手腕力都唔得的槍
(我支馬記改左pcg金身加真木grip連彈匣都係重785g)
到marking部份, Safe On的時候會指向S字同有德文"Gesichert" show出黎, 仲有2個15的字眼. 當然,有個CAL 6MM字眼, 極有可能係比海關大人睇的
槍管的部分，好靚！！色水處理得幾好。分離鈕都係有１５的數字出現
手把部份就開似膠感重啦，不過我一定會木化佢的
將safety調向F, 會有紅色MARKING話比你知GUNS HOT!!!!
槍的另一面，又係有一堆白色比海關睇的字眼。要意的係佢的扣機，佢的行程比較短，所以會比較易開火，開火的ＣＹＣＬＥ會比較快
槍的上方， 可以睇到rear sight 比較大, aiming的時候會比較方面.
CO2 匣, 都幾solid, 入彈的方式係圖中11的數字直線中橫看,直到看到凹位. 一共15發
Luger的特式之一, toggle-locked(肘節式起落閉鎖),姐係圖中成支槍突起的小三角.同而家的手槍設計非常唔同.
呢支槍可以好似真槍咁分解成3份
簡單拆解,重點又係RECOIL SPRING, 有2個!!第2個重點係HOP UP 係FIXED的,姐係無得調教.遠距離可能無咁準,但近啦喎,就唔知啦
係槍管見到其實係有HOP UP的, 如果要遠近,就可能要用唔同g的彈啦
最後當要係要話你知幾大力啦, 0.25彈一開始就有1.46j
而且個blowback好勁,正到你呀
不過唔好以為CO2會好大力, 其實係假像
我以1支12g co2 計:
第一匣打1.46-1.29
第二匣係1.27-1.04
第三匣打1.20-0.85
第四匣只打到一半: 0.90-0.35
所以如果你想KEEP住有力,第3匣就好換氣啦
後記
終於,終於買左呢支LUGER, 呢D支野的好處係你當佢神台槍又得,得閒射下又得; 落埸玩又唔會好唔點...講真,真係岩晒我的玩槍思維, 以^@)的價錢黎講買到支用料十足的二戰槍,真心覺的一流...以後有時間可以慢慢搞舊化呀,MARKING.
有時間再同一家分享下二戰槍,我屋企成間房都係. 但可惜的係好多無盒, 大家唔介意的我會POST多D
大家最想睇咩呢? 衝鋒槍.長槍定狙擊槍? 想知佢外觀定內裹構造?
