小弟係一個USMC既玩家，M27由2009年見到HK 係IAR 計劃中標開始至實戰試驗，直到依家正式宣佈成為制式班用自動步槍取代M16A4同M4A1，都差不多有10年嘅時間。
正因為這個時候，小弟以非常抵嘅價錢入手了一支二手既VFC M27 IAR GBB，這是我第一支的GBB rifle，一向玩開AEG既我便覺得呢支槍做功一流，細節操作同仿真度AEG根本比不上，從此慢慢也墮進GBB這個深坑，可說是世代的交替
相信有玩USMC既師兄都知道玩M27一定要配上ACOG TA11 SDO-CP呢支鏡先至係一支完整嘅M27，但好可惜目前沒有任何玩具廠復刻過呢支鏡，真品價錢十分昂貴之餘入手非常困難，係日本嘅拍賣場多數一有人放出嚟就會被秒殺，在美國是禁運品不寄香港，市面上只能用真品或Copy TA31 RMR combo 作代替品。
小弟見有些日本玩家會用G&P好耐之前出果支copy TA11改造成SDO版，改造出來的成品不是完美但個樣同尺寸已經好似，讓小弟萌生了一絲希望可以補完自己支M27。但是另一個問題又來，就是連呢支copy鏡都停產多時，而且同SDO真品一樣十分之難入手，正當想放棄嘅時候，在某個討論區的二手買賣場見到有師兄願意割愛呢支絕版多時既copy TA11，小弟便毫不猶豫入手開始我嘅改造計劃
同TA31 對比，真係大枝好多
根據網上嘅圖片，TA11 同TA11 SDO造型方面原來都係大同小異，只要稍為修改就已經可以好似
先改造支鏡嘅本體，cut咗斜角遮光罩個位，然後再打磨底座，方便上QD快拆座，再係光纖條位上方用都銼刀磨一個缺口出嚟
之後準備好其他材料
Copy RM05+Aim o RMR座:呢支鏡又係係香港入手都好困難，好多地方都無貨，我買嗰支已經係display嗰支，日本都有賣而且齊marking但係好貴，返嚟香港都要成千蚊.........
Copy SRS killflash :造型同尺寸對比番原品亦都非常相似所以揀佢
水喉膠通：小弟喺公司搵到嘅，內徑大約40mm，厚大約5mm，要用磨機打磨先可以放得入個killflash
之後個過程大約都係打磨啲細節位，切開個RMR座然後痴上去接目鏡鏡上邊，用透明熱縮光纖整返好條假光纖，因為買返嚟嗰陣時支假光纖已經裂開左....
再換咗兩個調節蓋，再用鐵線套住
個遮光罩補模型用筆地造型凸出來既部份，然後再打磨，所有部份拼合之後再成支噴消光黑色。
最後對比網上嘅圖片，成品已經有八九成似，雖然個底座左右掉轉咗，仲要係我買返嚟先發現，但原來元素出呢隻係復刻民用版D扣係左邊而軍版係右邊，市面上得佢一個選擇所以冇辦法頂住先，但小弟也已經很滿足
可惜小弟技術不足唔識自己整水印貼marking或者整圖樣攞去俾人laser marking，粗粗地用雷射打印機自己印咗啲Marking出嚟痴上去，果然近睇好樣衰.........但遠睇又呃得下人
裝上去m27成個感覺唔同晒，果然冇一支鏡係可以取代佢，突然之間覺得TA31 RMR combo好玩具咁。雖然聽講之後會換VCOG，但係呢支鏡實在太深入民心，我最多也是換支狙擊鏡變咗做M38 SDMR一雞兩味，UP住三張求其影嘅相先，遲啲再補返影得靚啲嘅靚仔相
成品上槍嘅效果圖
對比真槍圖
[
本帖最後由 BravoKL 於 9-10-2018 21:12 編輯 ]
