上星期某日中午,同老虎一家四口係"太快活"食午餐........比個餐牌吸引左........我自己叫左一個鉄板烏冬......亦係等得最耐個個
點知取餐既時候.........一路翻埋枱一路諗........係唔係自己錯.........應該唔係.......但點解得四塊珍寶腸
....對唔住......我真係食唔落......
需然我本人明白廣告照片只係參考性質........但真係好過份.......成份餐我放左係老虎隔離另一張空檯度,企係度望住份烏冬!
我老虎問 : 咩事?做乜唔食
我 : 我食唔落,
老虎 : 算啦.....係咁架啦!
我 : (無出聲,依然企左係度)
女收銀員見到我好似有問題,走左埋泥問 : 先生,有乜問題?
我 : 我比左三＋幾銀,唔連氣水......係唔係比D咁野我食呀.......大家都係打工仔.......掉轉比D咁既份量你......你接受到咩?
女收銀 : 真係幾離譜喎.....我幫你打入廚房問一問
我 : 好呀....可能忙中有錯
女收銀話:我問左廚房(內線電話)........佢地話四塊珍寶腸係岩份量,無搞錯.......可以換第D野食
我
.....跟手取出手機.....拍照留念.......再去收銀隔離個大餐牌再影廣告照..
女收銀通知領班,趕左過泥
領班話:先生唔好勞氣(我無勞氣,亦好平靜)....同埋先生唔好影相(我重影多幾幅)
......我幫你去廚房整過碟
我 : 你放低,唔好攪我碟野,我已經比左錢.......如果你覺得要加翻D真寶腸份量比我就另外用碗仔上
片刻個領班揸住隻有珍寶腸既碗過泥同我講唔好意思,請我將此事.............
結果我碟野係有共11塊厚既珍寶腸
各位師兄有無覺得我"兇"太快活D職員呢
[
本帖最後由 tango1997 於 25-12-2011 15:57 編輯 ]
