Hybrid DPM Battle Bag
今日放工返到屋企，見到一大盒外加兩包野，就知道之前買落既東西都到齊喇...
Hybrid DPM Battle Bag，本來係無打算入手既，
理由好簡單，就係唔知買黎做乜。
一直都認為打game果陣無理由「咩」住個單邊袋跑黎跑去，感覺上好唔方便。
直至入手Hybrid DPM Body Armour後，
發現市面上係未有Hubrid DPM既其他袋流出，咁為左有袋可用，
而撞岩又有一水Hybrid DPM Battle Bag低價出左黎，
於是就入一個黎試下喇。
呢個袋應該都係零八年左右，隨住PECOC計畫公開而見街既，
基本上，同市面上既另一隻沙漠DPM Battle Bag既設計係同款，
前方設有三個magazine pouches，共可放六隻SA80 / AR15 30rds彈甲，
而左邊設有兩個手榴彈袋，右邊設有另一個未知放咩既袋。
袋頂有魔術貼位，打開後有橡筋蓋住，可作Dump Pouch之用。
而大袋入面，就係得大袋一個，係無任何暗格既。
就咁睇，用黎出街都應該okay既，夠放netbook加D雜物添。
基本上，呢個袋就介紹完喇。
同前面兩篇報告一樣，落場既用後感各位要等多陣喇，多謝~
