古怪藏品新入手 - 加拿大 JTF-2用 CADPAT Body Armour
===============================================
話說在下一直都希望所儲既幾個不同國家軍品，
都能夠「頭、身、手、webbing、腳、架撐」完整地執一套出黎落場，
所以都盡可能衫褲鞋webbing、armour...咁收。
而自從好幾年前收左套加拿大既CADPAT衫褲帽頭盔同assault vest之後，
就一直都有衝動收埋CADPAT既Body Armour返黎。
之前幾年曾經係電子海灣見過一套，但開價USD999，真係買唔落手。
而其他辦法亦搵唔到，所以只好暫時忘記左佢，
希望日後有緣搵到再算。
咁又話說早排放假，心血來潮清理一下自己既email信箱，
竟然搵到N年前係加拿大購入CADPAT Assault Vest果陣同接頭人聯絡既email。
忽發奇想，不如問下佢依家有無件Body Armour啦，於是就拿拿聲email過去。
過左無耐，就收到接頭人既回覆，話仲有一千零一件，全新連雜物，問我要唔要?
係講價同傾shipping一大輪功夫之後，終於比錢。
隔幾日上一上加拿大郵政，追蹤住件甲既流向，
首先過加拿大關...成功出境...安全抵港...
到今日，終於係過埋香港海關...
夜晚收工返到屋企，大大包野放左係房門，
重典典... 因為連Lv 3A insert，加埋十幾磅重，
拖入房，打開個package...
咦咦? 好似唔係好似樣咁既?
做乜有袋有o拍鈕? Regular果件CADPAT Body Armour好似無袋過woh...
呢件咩黎架?
跟住lable同埋tag上面既資料去搵，
幾經辛苦終於比我搵到一張著住呢件甲既相...
睇埋D外國玩家提供既資料，
咦咦... 呢件莫非係...
再search，係加拿大國防部網站比我搵到呢件野個名，
但剩係提佢之前接受過「某型號直升機上面既兼容性測試...」依家出緊report。
即係堅有呢件野啦... 我諗...
最後，根據手頭上現有既資料黎睇，
呢件甲，應該就係配發比「聯合特遣隊-2」 (Joint Task Force -2)專用既個人模組化護甲...
我諗，我好似執到好野喎...
JTF2...咁我呢次應該係賺左定蝕左?
我打算買普通部隊果件，而我接頭人就比左件SF既我??
我一直都係打算儲regular unit野咋woh...
