Dave

MARUI M4 GBB MWS 開箱文
槍店取貨時實射片段 ( TOPGAS )：



話說此槍乃是友人所買，但友人剛好到新加波做香口膠買賣，只好由本人千辛萬苦幫其取貨，再玩弄其槍，
拆其筋骨，觀其全相，再將之放至網上，以滿大眾之好奇也。
先說一下此槍開發經年，2014 年 5 月試打會，有位日本妹打到出哂水(氣化不足的水)，引人疚病，
然而當時尚未提及ZET SYSTEM，恐怕當年的設計跟今時今日是完全兩回事。
2015 年再公布一次，ZET SYSTEM 見光，以完全玩具結構換取耐用性跟穩定性，
登時引得一眾玩家引頸以待，也引得一眾玩家大肆批評，
貨品不怕人罵，最怕見了街連提都廢事，對不？

先引用一下之前玩家開箱資料，火力以TOPGAS 計，0.3克bb 彈可打1.5j (25 度)，
由於此14.5寸管m4 只用上250mm 的內管，故此火力上實在頗有發揮空間。


好漂亮的箱子，表面顏料是磨沙處理，日本野的包裝就是好看，雖然自己買槍都是即丟的...


大言不慚的 " REAL GAS BLOW BACK "！ 即是之前的GBB 都是假的嗎？嬲！


無GAS 狀態下的 MARUI M4 匣重


無GAS 狀態下的 GP PMAG 匣重


槍連空匣總重


一定要留意的說明書，入氣角度注意。


星環跟其上面的定位螺絲，聽說這槍可輕易上許多真品骨，反正我不玩真品，也沒深究


RAS 底片是有卡旬位的，不會自轉，安裝完成後不見得有任何搖晃


呢隻係馬，刻得干淨利落，槍身COLT 灰不是M177 那些灰色，而是近似黑色又透灰，個人認為頗好看又沒有純黑那種玩具感。


插匣實，鬆匣可FREE FALL，不用磨合已很FIT


FORWARD ASSIST 是實際有效 ( 有些牌子是鬆鬆的，推也會鬆牙沒用 )，FORWARD ASSIST 動作確實代表槍身跟BOLT 身很FIT，
注意只要你按著這個FORWARD ASSIST，無論你用手按又好，拉T柄又好，用鎚仔打個BOLT 頭又好，條BOLT 都係會定過台油，郁都唔郁，
如果各位新槍買回去條BOLT 是啜實，不妨看看這位置是不是不小心被按住了，鬆開手便可運作正常。


可能係世界上扯得最長的M4 BOLT 頭，基本上整個擊發過程都是咬合著的，直至BOLT 退至最後，難怪槍聲如此沈實，而這個特性影響之下，加SILENCER 的靜音效果應該頗明顯。


一般狀態下的假BOLT 頭，可見到一個活動零件和一條彈弓


出氣咀插進HOP 膠時的狀態，BOLT 頭後縮，氣咀變長凸出...深深地隊入去...氣密 UP~
這結構也有若干扶正跟緩衝效果。


BOLT 裝進槍身時的狀態，十分十分扁平的BOLT 底，阻力低是GBB 性能良好的基石。


這是BOLT，研究了好一陣子才知BOLT 頂那粗彈弓用來做甚麼，原來是讓BOLT 皮後退到盡時，連動拉BOLT 脫離HOP 膠時緩衝用的，
實際動作是，當BOLT 被拉得十分長到盡頭時，BOLT 頂這零件會輕微前移，等「撞甩」果一下衝擊下降，似乎是為了免得拉斷飛機而作的保障。




HAMMER DOWN 時狀態


HAMMER UP 時狀態，可見移動角度十分少，大概45度，連個HAMMER都十分短


鋼滾輪


ZET SYETEM 的命脈，十分巨大的BOLT STOP 片，鋼製


LOCK BOLT 狀態


仔細觀看之下，可見BOLT 底有一片頗大的零件，正是咬合BOLT LOCK片 的位置


為了耐用性，MARUI這次用了鋼製的零件。


這是調整HOP 的位置，另外那一條小柱似是橡膠製的，讓回BOLT 時BOLT 頭撞上去，緩衝用。

整體而言，MARUI 這次是花了許多新設計去極力降低M4 運作時的阻力，另外就是在各撞擊處加上BUFF，
如果說這是純粹FOR 134A 用，恐怕有點多餘，彷彿早就預大家打TOPGAS，這是否馬記有意打入港台歐美市場的端倪？不得而知了

TEST

[ 本帖最後由 Dave 於 5-11-2021 17:10 編輯 ]

Dave

引用:

原帖由 rho837 於 20-11-2015 20:34 發表
個新設計望落！ 好野渦！

條內管有幾長？

打幾J?

先引用一下之前玩家開箱資料，火力以TOPGAS 計，0.3克bb 彈可打1.5j (25 度)，
由於此14.5寸管m4 只用上250mm 的內管，故此火力上實在頗有發揮空間。

Dave

引用:

原帖由 JFCP 於 20-11-2015 20:34 發表
謝ching分享! 此鎗Bolt lock等好嗎？

玩過其他gbb，lock bolt 時的撞擊感頗明顯，就是向前衝時突然被撞停
而marui 次此槍的bolt lock 頗溫和，如果很抽像的說，就像用手接住被拋起的網球一般。

Dave

引用:

原帖由 Eddiem249 於 20-11-2015 22:12 發表
相信一定係最鍾意複製既我們牌

自主研發：W.E.T SYSTEM

Dave

引用:

原帖由 Eddiem249 於 20-11-2015 22:43 發表
佢宜家啲槍都成2千幾，MARUI都只係3千，仲點解要買佢呢啲COPY野? 鍾意DIY?

其實可以睇番日元價，呢支野同次世代SCAR L 同價 59800 日元，即係正常貨源充足時，係二千七左右埋單，約4.6 算
彈匣4980 日元，但通常兌換率會高些約6 算，即 $ 290 左右。
呢個價先不論你喜唔喜歡佢個內構，或者個內構係幾咁唔像真幾咁無品味，但新設計系統+內部受力件用鋼料+全金身+嘜都唔洗換即落場+真鐵COATING+外觀多數位置可直上真件...
抵唔抵見仁見智，我就覺得超值。
仲未計佢既彈匣算係十分平的價格，呢支槍一槍4 匣 $4000 唔洗，其他牌子 (撇除便宜的WE)... 4000 蚊應該剛剛夠買成槍同花錢換「基本改」PARTS 而已。

[ 本帖最後由 Dave 於 20-11-2015 22:53 編輯 ]

Dave

引用:

原帖由 0050100 於 21-11-2015 00:46 發表
今日行過槍街頭，佢話有現貨，問下幾銀，佢答單昌3串9 @@，
真係啱價嗎？

只能說... 買得起又心急既可以比3 千尾去買，
但我呢支野訂價係28XX...

Dave

引用:

原帖由 rho837 於 21-11-2015 00:47 發表


嘩！ 照你講法， 而家行1.5J, 支槍淨加長條管咪可以好Kam?

Thank you C Hing!

理論上.. 實際上... 計算上... 都真係幾金...
學我朋友話齋，呢支可能係屎上第一支需要降火既MARUI

Dave

引用:

原帖由 RCman 於 21-11-2015 10:54 發表
等大貨返唔洗3K都有興趣
不過Gbb要養一個新系統最貴係買匣錢。

佢D 匣真是十分之平，GP 匣一隻正常價都3 百尾，方丈4 百幾，
但MARUI支野４９８０　日元，我當你算到盡63 算，都係三舊
不過自己平GBB係唔跟系統的，VFC UMP 又跟多三匣，WE 又跟多2 匣，GP又跟多3匣，通常買之前我都會計埋匣價當係槍價的一份分
AEG 當然唔洗，忍到沙鎚聲用鏈匣200 蚊攪掂，就算彈弓匣都係一百幾十一隻成100 粒，跟本不算甚麼，換條 JAM 密管都不止這價了。

[ 本帖最後由 Dave 於 21-11-2015 15:32 編輯 ]

Dave

引用:

原帖由 Opica 於 21-11-2015 12:57 發表
R8網昨天賣#@XX

咁良心企業
槍街炒高4 成起碼

Dave

引用:

原帖由 FunggI 於 21-11-2015 16:25 發表

我琴日把玩過支GHK
槍本身造工的確好像真好有心機
但係一拎隻匣就已經唔想拎落場打...
我自己揀GBB衡量曬槍性能造工同落場性...
如果玩GHK拎3匣我已經想死了

GHK 軍匣係世界第一的(重)，<--修正，原來係KJ M4 匣以60 克之微險勝
而PMAG 就係KSC 世界一 ( 重)
要落場真係WE最輕，但30 粒，如果除番勻就係50 發的GP/PROWIN 軍匣最抵拎

[ 本帖最後由 Dave 於 21-11-2015 16:53 編輯 ]

Dave

引用:

原帖由 gainax 於 22-11-2015 02:06 發表

我覺得日本仔既設計係保守唔會比產品有乜風險,生產膠同亞鉛比鋼同鋁工差容易修正,所以出黎效果穩穩陣陣用Topgas出事就用家問題要自己落補品, 咁做只會固步自封,台仔就求進步,越做越像真用料越好,但技術同工㙯 ...

我覺得這不是設計保守不保守的問題 (ZET 呢個設計直頭破格吧，不算保守)，只係設計概念的不同，
始終134A/12KG GAS 有其極限，要玩像真就自不然增加阻力，加到一定程度就連運作都成問題，又要計埋台仔最興既工差同磨合，
結果就係支支槍都係大執少執，甚至巨執。

如果叫MARUI 做番像真先決玩真HAMMER 真BOLT 真嘜真物，我相信馬記整到出黎都係問題多多，
尤其是日本仔打的是134A，8KG GAS 係咁多力，玩真BOLT 加阻力，玩真HAMMER 又增阻力，呢8KG 話咁快就消耗怠盡，呢個問題唔係成熟工藝就可解決，因為根源係在於GAS 壓力，
一係加大氣量，但大出氣量等於每下擊發消耗更多熱能，即更快凍匣，匣一凍GAS壓力又降，氣化又不良，出埋水，結果又係前門拒賊後門放火。
如果問全真BOLT 全真HAMMER 有冇機會做到100 % 等同馬記的爽度，等同問一個人掟一個保拎球可否掟得比個網球輕鬆。

既然不能等同，就只可以分歧走下去，一係完全性能先決，一係不停係性能同像真之間分配比例。
就算港台12 KG 力，不停加阻力也只有同一效果，只是界限被提高了一點。

Dave

引用:

原帖由 gainax 於 22-11-2015 09:06 發表
阻力主要源自於擊鎚打落夾嘩佬到,因夾叉滿氣谷死嘩佬,要用加硬撃擊鎚彈弓先打開到嘩佬自然阻力大
豬牌AK就係關鍵改變左呢道可以用軟擊鎚彈弓,令到氣化叉一次8秒可以連射80飛冇軟腳,我諗氣化己經超過落場實用性 ...

只能說MARUI 填補了「0 修落場性能優異」呢個版塊，
如果像真係無代價既話MARUI 應該做左，但都是說設計理念不同，同樣20 分，MARUI 寧可全數加在性能上。
而以而家叫好叫座的事實之下，亦證明不少玩家願意用像真性換取性能，算是攻市場之虛而已，
如果歷史改寫，市面早就一堆性能良好但假到出汁的GBB，
之後有廠出一支完全像真槍出黎，就算甩甩漏漏，應該都不少人想嚐新。
　
其實各取所需係好正常的事，但最緊要唔好強姦民意就好，
甚麼不懂修理不要玩GBB，甚麼不求真不要玩GBB，甚麼GBB 多問題是正常不然你滾回去玩AEG 之說，這數年間聽得厭了。
事實上求真跟求性能的玩家也存在，但一直以來振臂高呼的人都只是其中一方，其他小數民族只好無奈收聲，免得被說不懂玩。

[ 本帖最後由 Dave 於 22-11-2015 09:28 編輯 ]

Dave

引用:

原帖由 gainax 於 22-11-2015 09:37 發表
老實講馬記明知有咁多系統仲要出M4就知佢一定要設計支突破巿面既槍先有錢揾,用到真槍表面處理就知佢幾投資要突破巿場
如果冇乜突出賣點程況似MP7得後座力突出,氣化冇對家好而消失
市面一堆像真又性能系統存在 ...

市場已相當飽和都是事實，假如馬記100% 真內構性能原裝90 分都好，
頂多都係吸引到一班新人，如果本身已經有相當投資既有系統的玩家，
想轉營就難D ，因為可能自己執完都已經80 分，何必為10 分加4000 蚊投資，
要係人手中搶餅倒不如自己找餅吃。而家整到出黎以原裝計恐怕已是頂級性能非冠則亞，
仲未講拋埋光再降阻之後。

而家馬記行呢條路野心都算大，明係想搶既有玩家既市場，唔怕你有其他系統，最緊要買多支馬記，
之後性能一比之下... 邊支性能好自然落場最多，到時就真係「計畫通」

在下當然是座等馬記發大黎做之後新槍形開發吧，出完416 / SCAR 呢D 定番，之後唔該整支G3，之後緊係PSG-1... 4 千都買呀...

Dave

引用:

原帖由 gainax 於 22-11-2015 10:03 發表
各有各發展其實先係好事, 當初井成被插到菊花飛起,雖然產品令人唔多滿意,但如果冇佢出現市面好難玩具槍都發展到用鍛造,
20年前玩緊馬記斷耳膠身邊個會諗到今日靚靚鍛造身係自己手上玩到? 好似V記,我好鐘意佢包裝上句 ...

當時我都是馬記膠身M4 玩起，果陣新仔其實冇特別在意膠同金，
之後見人換我換，換左千幾銀金身金骨，果陣超有型裝條SR25 骨落M4 度係得的... 四不像...
學無前後達者為先，AEG 都唔係馬記第一個開發的，但馬記2 號波箱是大幅簡化最少零件做齊哂上彈同單、連擊發，
用到今日，廿年都有。

VFC 其實係我其中一間喜歡的台廠，應該都捐獻左萬幾蚊比佢鋪地磚。望就望佢繼續做得好。

至於AEG 同GBB 分開玩，有人話係真實跟超時空武器要分開不同層次，但個人意見，說穿了就是性能差，
否則真數GBB 應該同玩具數分開玩，真HAMMER 應該同假HAMMER 分開玩，全行程應該同半行程分開玩，有加真件應該同原裝分開玩。
如果AEG 是30 發限制，而準度同GBB 是百分百一樣，一齊玩又有何不可？正如波地鬥波，有冇聽過話著拖鞋唔比打的？
本身WARGAME 就是小眾玩意，真的沒太多本錢去分門別類。

[ 本帖最後由 Dave 於 22-11-2015 10:14 編輯 ]

Dave

引用:

原帖由 sovietarmy2012 於 22-11-2015 14:33 發表

可能啦

SO 兄整番個支持膠身戰線啦，
簡稱支膠線