其實好平常，冇乜特別。
人生好多時唔一定要向錢看，你想向上爬亦唔一定爬到。
曾經我可能都好似你眼中咁冇用，讀書唔成，打份牛工，唯一係我鍾意挑戰自己，為家庭捱左好多年，份份工每日都做十幾個鐘。直至我由藍領轉做白領，用左兩年時間由公司最低級sales 爬到上總經理。近年仲開左自己公司，o係同時做兩份工作情況下，每日工作接近二十小時，完全冇晒私人時間。。。
上面講咁多廢話o既原因係想話俾你知，香港都市人o既生活，好睇你o既性格同際遇。我捱左好多年，近來都會成日反思，咁辛苦為乜，平平淡淡住間屋仔，放工可以返屋企食飯睇電視，得閒去吓街咁唔係仲好咩？人生到底追求乜嘢？你睇外國o既人係點生活？
有個無聊故事仔同你講，發生o係石澳，兩個年青人，一個好努力工作，每日做到天昏地暗，後來俾佢爬到上流社會，成為大企業老闆。朋友問佢，你咁辛苦咁努力工作為乜，佢話希望可以過悠閒生活，間中可以打吓golf, 釣吓魚，但係大老闆嘅兒時同村朋友話『你講打golf 釣魚呢o的o野我一直都做緊啦』
故事完結，請問你覺得你嘅人生係追求乜o野，最終你又會得到乜o野？
有時候，唔好太過試圖將自己o既價值觀套o係人地身上。
最後順帶一提，我都係80後。
