估唔到自己終有一日要黎呢度
其實就煩緊分唔分手好
我就同個女仔都係第一次拍拖, 就黎拍夠兩年
當初我追佢, 食過一次飯就冇左下文,
去到一年之後, 因為搞活動關係又多返聯絡.
佢又忽然應約, 咁就一齊左
當初拍果一年其實我係鍾意佢多過佢鍾意我好多
我種感覺係我同佢一齊左之後先追佢.
黃子華話鐵達尼極限, 我個浪漫turbo就開足左一年.
但佢之後去左一個月exchange, 我就完全退左燒
事因其實我係果種日日想見既人, 你叫我一個月見唔到佢我當時係辛苦到癲.
之後返黎就已經冇曬發燒既感覺.
開始記得返起以前自己一個人果時係咩感覺
當個人退左燒, 就開始發現對方原來都有幾多野唔啱自己.
(當然我自己都係仆街既, 當初真係就得佢太多)
多左野嘈, 我又講多左自己想點
中間都鬧過幾次大交
愈相處得多, 就愈俾佢hurt得多
去到宜家, 我同佢個關係就已經完全相反左
佢鍾意我多過我鍾意佢.
佢個人轉數就好慢下, 好唔細心, 唔係幾識聽人講野/安慰人.
循規蹈矩, 冇咩好奇心, 冇信心
但佢近來真係好努力去為左我而改 (e.g. 唔講咁多野/ 見我唔開心會俾我靜下先)
當然啦, 話就話改, 但搞左成年都係冇咩大分別
我叫佢不如試下追返我, 氹左我一兩次就以後都冇左件事
有時我就諗, 萬一唔小心搞大左佢個肚, 咁就一世
我自己又接唔接受到同呢個人一齊呢?
去到宜家好理性咁諗我同佢性格其實真係唔係幾夾
我自己對周圍人講咩好敏感, 好需要人安慰, 對新野好好奇 (我認我係個八婆黎)
之前好多時嘈/唔開心都係因為佢亂講野/ 做埋d野令我覺得佢唔care我
去到宜家, 就算佢就我, 學去陪我都好, 我已經冇左果個feel
老實講我自己對初戀都有過好多幻想
但到呢一刻我又覺得如果真係唔鍾意人係唔係唔好阻住佢同自己.
我同佢都係23歲, 大學開始一齊到宜家出黎做野.
之前有諗過出軌, 但最後都stop左自己, 都肯定唔會出
宜家諗既, 都只係繼唔繼續落去, 如果分左, 都應該係自己一個人行落去.
對我黎講最大既關口係覺得對佢唔住同拎左佢第一次
唉...
