PMX

如題 ! 好想買tanaka glock 17/ usp model gun ! 大阪既話 , 邊度會比較多 ? 買左可以寄倒番香港嗎 ??

PMX

希望有人解答下 !! thx !

HiuPaTricK

要問左兩邊海關先(現場問安心啲 打電話成日搞頭搞命 又隨時唔知日文up緊咩) 仲有如果有咩出錯隨時收埋把槍佢 果陣仲衰 不如乖乖地係呢到買返算啦

RCman

cap 紙火藥在香港是禁品，非法的。
不過Cap鎗一般是沒有問題，購買時一定要番單據如有需要時給關員檢查。而盒模型鎗在什麼時候都不能隨身，只能入行李寄倉或直接如過來香港。
不過提醒樓主，係日本買模型，玩具...從來都係貴過香港...除非香港無。
否則，所有地方都唔夠香港平。

[ 本帖最後由 RCman 於 24-4-2014 10:59 編輯 ]

mk23

小弟都有去日本買過cap槍及零件回來(包括GM d槍管).
cap紙當然不能,其它就像樓上師兄所說一樣.
再加見議,如有跟殼的,最好將D穀拆散去先運,會無噤敏感.

b9296

我當時都係衰系啲殼度...到頭來要我丟晒啲假底火先放行

PMX

明白曬 ! 唔該曬各位師兄 ! 因為Tanaka glcok 17 同usp 香港真係有一排無見過 , 加上想買多隻spare mag 影相用 , 所以把心一橫 , 不如去日本買 ! 我諗我可能搵宅急便寄番香港 , 可能真係無咁煩 !!!!!

sovietarmy2012

用"何搖搖"bid la,駛鬼特登去咁煩

魔鬼使者

師兄，我剛剛三月先係東京買左枝Cap槍帶返香港，等我分享下。

我買個枝好好彩係枝特價左輪Cap，計埋匯率平過香港一半，所以先帶返黎。

講起上黎都一場驚險，我買個陣都突登留埋原裝店舖包裝，將張收據放埋落盒度，放o急果陣擺係面，等佢地Check起上黎都一開o急就拎到。因為我個o急係寄倉，但我Check-in果陣冇同地勤講有枝Cap槍係o急。

臨上機個陣，聽到地勤叫我個名，我去到閘口一見到自己個o急load左出黎都知乜野事，個地勤叫我比鎖匙佢要開o急檢查，應該係過行李X光機果陣見到我把Cap槍。開o急後，佢打開包裝黎睇，睇一睇張說明書同摸一摸枝槍，同個主任講左幾句之後就放返埋話ok比我上機。

我撘果架係美國DELTA機，保安已經特別嚴，除左佢叫我開o急Check之外，大致上都冇問題，過兩邊海關基本上係唔使報關，只有你買既係Cap槍，只要冇Cap紙基本上冇犯法。

帶Cap槍返香港最緊要連原裝包裝、單據等，千祈唔好方便掉左個盒同說明書之類，因為就算職員Check都係靠包裝盒、說明書等資料分辨。
師兄你去大阪既話，軍品店會易搵過槍店，美國村附近已經有兩間，難波果邊亦有兩間，一間重要係好出名賣美軍野，好大間下( 個名我唔記得左 )。

[ 本帖最後由 魔鬼使者 於 15-5-2014 01:35 編輯 ]

m11.man

引用:

原帖由 魔鬼使者 於 15-5-2014 01:29 發表
師兄，我剛剛三月先係東京買左枝Cap槍帶返香港，等我分享下。

我買個枝好好彩係枝特價左輪Cap，計埋匯率平過香港一半，所以先帶返黎。

講起上黎都一場驚險，我買個陣都突登留埋原裝店舖包裝，將張收據放埋落盒 ...

即係師兄無報關?如果入香港境突然比海關查知唔知會點?

魔鬼使者

引用:

原帖由 m11.man 於 15-5-2014 02:19 發表

即係師兄無報關?如果入香港境突然比海關查知唔知會點?

基本上日本造既Cap槍進口都合法，又唔使拎牌，又唔係課稅品，所以唔報關係冇問題。如果特登去報關，萬一個關員都唔識分Cap槍扣起你把野Check，到時又要搞一輪先拎返把野重麻煩。以前我試過係eBay bid過把M1903訓練槍寄返黎，海關Check左成個禮拜先比我，要Check都冇計，又冇真槍parts，只要行得正企得正係冇問題。

不過建議唔好帶裝飾彈入境，因為聽過有人試過帶返黎比人當真子彈處理，搞完一大輪先放行，買裝飾彈都買d扭得開既，起碼查到果陣可以show比佢睇。

m11.man

cap槍雖然係玩具，但佢會唔會覺得你唔報係刻意收藏，用香港法例238章20條告你管有仿製火器

gtoray

引用:

原帖由 m11.man 於 15-5-2014 03:42 發表
cap槍雖然係玩具，但佢會唔會覺得你唔報係刻意收藏，用香港法例238章20條告你管有仿製火器

正常情況唔會
除非懷疑你有犯罪動機
例如隨身携帶
而玩具槍亦並非現行法例中出入境需要申報的物品
主動申報只係為左進一步排除犯罪動機

m11.man

唔該阿公解答，不過日本買玩具要比稅Wo，點解唔係香港既槍鋪訂？我之前問過西京可以

manix

因為曾經在日本及外地帶玩具槍返港，以日本為例，正確係要報關，備單據，講明係玩具槍寄倉，唔好淨話玩具，對方有權直接批准放行，亦有時會將行李抽出，派出專人逐一檢查是否真槍或具危險性，超出法例限制等，認為冇問題都會放行。你話玩具，點知會唔會運支真嘢？不過注意，如果數量多而你又遲check in,咁隨時有機會搭唔到班機就大鑊。但德國等地機場就更加嚴，我同朋友都試過比人捉到結果要充公。其實日本買玩具槍係可以由廠商或店舖寄貨過來，但對方有時會睇單生意有幾大，太濕碎會費事睬你。

[ 本帖最後由 manix 於 15-5-2014 07:29 編輯 ]