拍拖呢家野...到左某個時候緊係會有唔如意
前幾日我另一半話比我知佢鍾意左另一個人,當時我好心痛都好唔開心
但果個人到最後始終冇接受我另一半~唔知係因為佢知道我另一半已經拍緊拖而拒絕佢定係其他原因
而我另一半話比我知佢鍾意另一個既原因係因為佢覺得對我唔公平,原諒唔到自己,覺得傷害得我好深
竟然係同我一齊既時候去溝另一個,但係雖然最後我知道左係有小小激氣
但倒轉頭諗,佢咁坦白對我其實我應該開心,至少佢冇呃我,感情最怕就係比人呃
而且我同佢已經拍左幾年拖,自問雙方都好愛大家,只係近一個月大家比較忙,小見左小小
而且都多左唔開心,另一半鍾意左另一個人都係因為佢地相處得快樂
我問我另一半依家仲愛唔愛我,佢係答我佢仲愛,只係唔想同我一齊再傷害我,佢原諒唔到自己
依家佢話要時間諗清楚,我就無了期咁等佢答覆,我當然會等,因為我愛佢係明確的
但係我真係好想問下大家, 如果你地做錯左對另一半唔住既事~你地會唔會好似我另一半咁坦白?
而我知道佢做左錯既野而又即時原諒佢等佢答覆係唔係好傻?
其實佢咁自責,係唔係因為佢仲係愛我,仲緊張我?
我真係好亂,但係我又好想快D可以同返佢一齊~我應該點

gtoray

佢就係唔想到另一個 accept 左佢先同你講佢鍾意左另一個人
所以先響呢個情況下同你坦白
佢認為你係一心一意對佢, 但佢就鍾意左另一個人
所以覺得內疚同對你唔公平

我認為佢係真心說話, 對你仲有愛ge時候同時鍾意左另一個人
我相信佢處於一個人生x點
你係好傻, 但係愛一個人就係咁傻ga啦

如果仲想一齊ge, 我認為你應該主動d
等佢更加了解你對佢ge愛

我應該做D咩可以令到佢冇咁有罪惡感?點樣主動?
我真係好愛佢唔想咁易放棄佢
我都知道佢對我好的

[ 本帖最後由 匿名 於 3-4-2009 16:03 編輯 ]

gtoray

引用:

原帖由 Anonymous 於 3-4-2009 16:00 發表
我應該做D咩可以令到佢冇咁有罪惡感?點樣主動?
我真係好愛佢唔想咁易放棄佢
我都知道佢對我好的

約佢出o黎
一定要面對面
佢同你一齊應該都對你有d承諾之類?
問下佢重記唔記得? 要佢問清楚自己重愛唔愛你
我相信比少少 pressure 佢係需要ge

我個人相信佢會唔捨得你, 會同你響返一齊
叫唔好因為內疚而放棄一切, 懲罰自己, 大家受傷
只有一個重點佢要想清楚, 係咪重愛你?

餅

SORRY , 我覺得佢做緊影后...

GTORAY
佢係對我有承諾過,但係我前幾日都有係咁問佢呢件事既野
見佢好似一點都唔想提, 所以我呢2日都冇搵佢,想比佢冷靜
其實我知道佢係愛我,只不過佢真係覺得自己唔係一個咁好既人
唔值得我對佢咁好,為佢流咁多眼淚,之前有面對面傾過~
我邊講邊流淚,佢都有攬住我叫我唔好唔開心,不停講對唔住
但依家佢咁唔想提起呢件事之際,係唔係應該比佢自己諗下,等佢搵我呢?

咩野做緊影后? 姐係咩意思?

餅

簡單D 講 : 求其搵個理由分手

其實事前係我想同佢分手, 因為我地呢個月既唔開心
我忍唔住講左又後悔, 結果佢冇反抗我提出既分手
我以為係因為我對分手兩字既兒戲佢嬲左我~
結果我等左佢兩日~ 佢就話比我知其實當初我提出分手佢冇反抗既原因
就係因為除左一點佢唔鍾意我做既野,佢自己都鍾意左另一個
佢認為係自己對我唔住,唔係我對佢唔住,我唔應該對佢咁好
我諗如果佢真係想分手, 早就分左唔洗搵返我... 唔洗叫我比時間佢諗

Vindicator

約出黎講清楚
大家唔好估估下

引用:

原帖由 Anonymous 於 3-4-2009 16:28 發表
GTORAY
佢係對我有承諾過,但係我前幾日都有係咁問佢呢件事既野
見佢好似一點都唔想提, 所以我呢2日都冇搵佢,想比佢冷靜
其實我知道佢係愛我,只不過佢真係覺得自己唔係一個咁好既人
唔值得我對佢咁好,為佢流咁多眼 ...

只係想同師兄你講.........................
就算佢同你講非卿不娶....非君不嫁噤右點
要變就點都會變無人可以改變到
別人對你既承諾根本就唔可以當係咩一回事唔好對承諾咩有期望(期望越大失望越大)
佢同你講到點樣點樣....係咪佢心果樣先
如果真係想清楚既約出泥見啦


(個人意見不喜別揷 )

衰人

唔好太大期望唔係會好傷

謝謝各位... 我明天相約另一半出黎食晚飯了
大家放心* 我會努力的...
回來再報告...

gtoray

引用:

原帖由 Anonymous 於 3-4-2009 16:28 發表
GTORAY
佢係對我有承諾過,但係我前幾日都有係咁問佢呢件事既野
見佢好似一點都唔想提, 所以我呢2日都冇搵佢,想比佢冷靜
其實我知道佢係愛我,只不過佢真係覺得自己唔係一個咁好既人
唔值得我對佢咁好,為佢流咁多眼 ...

愛一個人係冇得計較的
你提返佢d承諾, 目的唔係質問
而係希望喚起返佢對你ge愛
如果佢已經完全變心, 當然所謂承諾係毫無意思啦

不過我睇你依家ge情況, 我好相信你地可以響返埋一齊
大家坦然一切, 關係可能比之前更好

gtoray

引用:

原帖由 Anonymous 於 3-4-2009 22:29 發表



只係想同師兄你講.........................
就算佢同你講非卿不娶....非君不嫁噤右點
要變就點都會變無人可以改變到
別人對你既承諾根本就唔可以當係咩一回事唔好對承諾咩有期望(期望越大失望越大)
...

呢樣我同意

我叫樓主提返佢d承諾, 目的唔係質問
而係希望喚起返佢對樓主ge愛
依樓主個 case 既情況, 我相信係 work 的

如果已經完全變心, 當然所謂承諾係毫無意思啦