小弟初初玩game....
目前只打過D.W.X 同IMPXXX FOXXX....
D.W.X 場主好好人....好nice...因為成班同事朋友都係新仔....
場主都好肯敎大家....可惜借用裝備上有d問題.....
d槍真係差小小.....怕對租槍的朋友有點不公.....所以去左兩次就冇去了....
不過價錢真係好相易....
場地純迷官都幾好玩....好刺激....不過有點舊...
IMPXXX FOXXX.....
第一次去都ok....得我地一班人打....任玩兩個場....(去親都有個場裝修緊- -)
第二次去就中中地招....
上到去已經有兩班人....再細問下....
原來今日有三班人打....要輪場....
都冇計啦...鬼叫自己得十幾個....包唔到場...
跟手叫左兩個女仔黎帶game.....(又真係幾靚架波
)
都ok既....係有小小講野一舊舊....
打左兩場....重頭戲來...
當然係職員問:[有冇興趣join埋格離既朋友一齊打GAME丫?]
好可惜既係....朋友們比職員叫多兩叫...
話下格離都係新手丫....好多租裝備丫...
原裝力丫....之類等等等等....就開始一齊打...(主要原因係比美色所迷
)
結果大家都估到啦....
打左幾場就冇一齊玩....
其實點解D 職員咁鐘意叫人一齊玩既姐?
明明知好易嘈交...
講番場地....有個物物宮廷場...
有煙出有射燈....我差d以為落左club....
重好大...好大....(做舞池真係一流....
)
不過真係好空....冇位閃...冇位避...冇物cover...大家鬥camp....
衝親就準備比人集火....
重有個森林場....玩潛行唔錯....不過好易迷路....
好多好多好多....轉角位....頭都暈埋....
整體黎個講....都ok既...場地好靚...
又叉電又影相又幫你上色分隊...都幾貼心...又好禮....
不過比二百幾至三百都要輪場....真係唔多抵.....
不過人地做生意...緊係入得幾多客入幾多客既....
各位師兄又有冇靚場推介呢?
(如有講錯,各位師兄提點下><
