coke

港人非法被殺 菲旅遊警告難撤
(星島)2011年3月24日 星期四 06:30

(綜合報道)

馬尼拉    人質死因研訊昨日審結，裁定八位遇害者死於非法被殺，屬於港人預料之內。可惜菲律賓    政府沒有好好配合今次聆訊，予人迴避面對過失之感，無助消減港人和受害者的不滿，遑論恢復遊菲信心和意欲。

　　港人菲律賓旅行團在馬尼拉遭遇橫禍，被當地革職警長門多薩挾持在旅遊巴內，最後釀成八死多傷慘劇。菲律賓各有關部門顢頇拖沓，錯過營救人質的機會。事後港府針對菲律賓發出最嚴重級別的黑色旅遊警示，反映對當地保障港客安全的能力大失信心。

　　無交代真相難以釋疑

　　事隔至今七個月，當事人和本港社會造成的心理創傷，仍未痊瘉。本港罕有地為港人在境外死亡開庭研訊，並且要求陪審團進行「叙事性」裁決，好對死者和他們的親人有個較詳細的交代。死因庭向馬尼拉市長林雯洛等發出了百多張證人傳票。本來，如果菲律賓政府合作，盡量安排這些人登上證人台，可以協助大家較清晰了解整件事，也讓港府可以有較為堅實的基礎，評估是否維持黑色旅警。

　　事發後，菲律賓國會的首份研訊報告，建議處分多名官員，菲律賓旅遊部長再親自來香港致歉，表示會加強警力巡查旅遊景點，及設立專責隊伍保護旅客。可是，最後報告經總統阿奎諾之手，「放生」多名官員，只剩下兇手門多薩的弟弟要面對刑事檢控，港人質疑當局「痛改前非」的決心。今次菲國「擠牙膏」式安排一些非關鍵人物向死因庭作供，更加深了市民疑慮。

　　港人不滿菲律賓當局不合作，有議員甚至提出以杯葛聘請菲傭    來港向當局施壓。這不僅變成株連菲傭，而且影響本港家庭的運作，並不可取。

　　另有較現實的問題，則是現時黑色旅遊警告應如何處理。這牽涉本港旅警制度為誰服務的基本原則問題。

　　旅遊警示要發揮提醒港人外遊風險的功能，權威性在於是否客觀公正，不受其他因素左右。因此，政府亦不宜基於政治、報復等因素，來確定針對菲律賓的警示級別作為報復和施壓手段。

　　欠改善誠意打擊信心

　　旅遊警示應以客觀評估作為根據。必須留意的是，菲律賓人質事件，令人驚覺當地治安有不少黑點，而且會禍及遊客。在處理人質被綁架過程中，菲國當局備受質疑，有關政府並沒有利用今次死因庭，向香港提供具公信力的證據提出反駁；同樣，從審訊過程中菲國政府表現的迴避態度，令人難以相信當地有誠意吸取教訓，作出改善，這種種因素都足以影響安全評估。

　　本港是否要繼續維持對菲律賓的黑色旅警，每隔一段時日，須因應最新形勢評估，假如菲國沒有改善的誠意和措施，勢令旅警長期維持，而就算評級日後降至紅色或黃色，港人繼續缺乏信心和興致，照樣會對菲律賓裹足。




我覺得件事過左咁耐, 就算再查, 都眀知查吾到D咩...就算真係比佢查到, 係菲國錯喇, 係佢地殺曬D人, 係D警察廢警察點, 咁D人會返生?

定係其實班人想菲國賠錢比佢地先搞咁耐? 我睇吾到咁樣有咩point... 查到與查吾到都無關係喇, 話曬都過左咁耐, 吾死都死左

再查都10年都係得個吉....

B20_hk

唔係樣樣都計錢?
由八月至現在都唔單耐,何況現在係死咗咁多人
就算死咗,唔會翻身,都要知點解... ...有沒有人要負責

如果用你嘅思維...世界一定太平

911後,美軍唔駛出兵 (話曬都過左咁耐, 吾死都死左)
918事變,無人去日本領事館抗議 ( 係X國錯喇, 係佢地殺曬D人,  咁D人會返生?)

seamoncheng

謀殺案都唔洗查架啦
拉到兇手死者都唔會番生

coke

咁就算真係查到吾通帶隊過去拉人咩...

其實我係可憐香港

真係要講句, 做得D咩姐?

VEC

拜託樓主唔好咁睇受害人同親屬，宜家要追究既唔只佢地，再講，要菲政府索償都唔係咩錯啫

coke

引用:

原帖由 VEC 於 24-3-2011 11:22 發表
拜託樓主唔好咁睇受害人同親屬，宜家要追究既唔只佢地，再講，要菲政府索償都唔係咩錯啫

吾係錯... 只不過我覺得咁查法效果吾大..

nishi

引用:

原帖由 coke 於 24-3-2011 11:36 發表


吾係錯... 只不過我覺得咁查法效果吾大..

咁你係咪覺得香港政府應該乜野都唔好做,
有得件事就咁慢慢淡化?

如果你咁講,應該一早連專家團都唔好派去

theloggoo

如果咁"無法無天" 咁危險嘅地方都唔發 "黑色旅遊警示", 我覺得對唔住香港人受害者, 至於炒晒D菲傭 , 只係進行 "個人自發對菲方底制行為", 只要跟足法例補足錢, 炒咪炒囉, 而家都重未係港府話要推行, 就係度扮文明話唔得唔做, 如果係咁菲方直情只係當香港係只"水魚", 用來"禁"錢, 無力反抗, 無需比面...

依D叫 "經濟制裁", 美國常用於 "不聽話, 不比面" 佢嘅國家...重係規定所有美國企業都要跟...民問自發性嗰D只係 "小意思"...

coke

引用:

原帖由 nishi 於 24-3-2011 11:38 發表


咁你係咪覺得香港政府應該乜野都唔好做,
有得件事就咁慢慢淡化?

如果你咁講,應該一早連專家團都唔好派去

咁做都不失為一個好選擇, 可以比家屬靜下

但係始終咁樣查落去, 都查左6,7個月, 你緊佢吾緊, 擾攘咁耐, 對邊個都吾好

亞爾多

引用:

原帖由 coke 於 24-3-2011 12:15 發表


咁做都不失為一個好選擇, 可以比家屬靜下

但係始終咁樣查落去, 都查左6,7個月, 你緊佢吾緊, 擾攘咁耐, 對邊個都吾好

如果出事既係你既親人,你仲可唔可以咁諗?

gtoray

引用:

原帖由 coke 於 24-3-2011 09:20 發表
我覺得件事過左咁耐, 就算再查, 都眀知查吾到D咩...就算真係比佢查到, 係菲國錯喇, 係佢地殺曬D人, 係D警察廢警察點, 咁D人會返生?

定係其實班人想菲國賠錢比佢地先搞咁耐? 我睇吾到咁樣有咩point... 查到與查吾到都無關係喇, 話曬都過左咁耐, 吾死都死左

再查都10年都係得個吉....

個問題係菲國幾咁無承意?
D人唔會返生唔洗查?
咁所有謀殺案唔洗查啦係咪?
吾死都死左唔洗查啦係咪?
做得D咩姐又唔洗查?
你切身處地咁代入事件諗一諗再講野啦!
如果你係masa大佬
如果你係比人打爆下巴果個
如果你老公同個女都死左, 個仔比害到傷殘
你又唔會唔"唔洗查"呀 ?
我真係睇吾到你有咩point!

coke

引用:

原帖由 亞爾多 於 24-3-2011 12:32 發表

如果出事既係你既親人,你仲可唔可以咁諗?

如果我係家屬我會想靜靜地咁等時間冲淡一切.. 而吾係憎菲國一時一物成世, 見菲物就鬧, 見菲人就打

coke

引用:

原帖由 gtoray 於 24-3-2011 12:57 發表


個問題係菲國幾咁無承意?
D人唔會返生唔洗查?
咁所有謀殺案唔洗查啦係咪?
吾死都死左唔洗查啦係咪?
做得D咩姐又唔洗查?
你切身處地咁代入事件諗一諗再講野啦!
如果你係masa大佬
如果你係比人打爆下巴果個 ...

咁如果真係查到喇, 菲國罪該萬死, 咁你話下一部點做?
拉曬D菲國人返黎香港坐監?

我個point係, 眀顯地, 呢個事件, 查到查吾到, 結果都一樣, 都係做吾到D咩, 何必要困擾住家屬更多時間?

蛇

引用:

原帖由 coke 於 2011-3-24 13:04 發表


如果我係家屬我會想靜靜地咁等時間冲淡一切.. 而吾係憎菲國一時一物成世, 見菲物就鬧, 見菲人就打

我覺得你呢個post d 對白最好就去人地家屬同記者面前講.

VEC

引用:

原帖由 coke 於 24-3-2011 01:04 PM 發表


如果我係家屬我會想靜靜地咁等時間冲淡一切.. 而吾係憎菲國一時一物成世, 見菲物就鬧, 見菲人就打

你拉遠左喇，要追究唔等於憎菲國一時一物成世, 見菲物就鬧, 見菲人就打