引用:
原帖由 Hkpolice-Psu 於 24-11-2010 16:17 發表 
哪為這家產品何是國家免檢產品? 還不是買回來....
買？唔該唔好用香港邏輯去套用大陸啦,你係總版主我唔夠膽寸你……國家免檢產品，差不多20多年前就已經有，只不過近10幾年來先開始用"國家免檢"呢個名.當時大部分企業都仲系100%舊式國企，國家所有，國家管理，國家免檢意思系信得過企業自身品管， 之前tanggo講果d其實大部分亦係類似產品， 當年仲未徹底市場化，你估有錢咩都買得到咩……當年買米你有錢無糧票都買唔到啦~~~~
2002年開始食品允許有國家免檢, 夠資格申請既都要係質量長期穩定, 市場佔有率高既產品, 需要層層上報至國家質檢總局批准， 唔係你洗錢就可以買到o既, 企業本身要求經濟效益良好，運作系統規範，內部質量檢測標準高過國家標準，而且一次批准只有三年有效， 並且要定期抽檢， 其實
只係一個榮譽稱號而已。私人企業基本無可能達到要求，而國企班老總更唔會去“買牌", 因為市場佔有率高d低d，幫老總又唔會加幾多人工,老品牌質量如何，消費者都有數， 唔會因為你多佐個“國家質量免檢”就多d人買， 而如果新品牌小品牌頂個“質量免檢”招牌， 消費者睬你先奇……
講真句，我都係大陸住過10幾20年，果d國家免檢產品，又真係好少出問題既~~~~三鹿奶粉事件之後，成個食品國家免檢制度基本撤消佐，食品全部要檢驗。
其實再講d， 就算三鹿奶粉唔係免檢產品， 係當時亦未必查得出三聚氰氨，牛奶係懸濁液，你唔知咩野有機會俾加入去然後針對某樣野去查，好多野係根本查唔出既，呢d野， 你真要講整個制度有咩問題，三聚氰氨係奶粉案之前，係出口北美寵物飼料中出過單類似案件， 事後未及時將三聚氰氨列為檢驗項目， 呢個先係問題。
而且， 不法奶站加三聚氰胺， 係因為三鹿等大公司收奶要求嚴，根據表面蛋白含量來判定牛奶純度， 因此係摻水牛奶中加入三聚氰胺提高表面蛋白含量來蒙混過關，而如果係三鹿等公司自己係奶粉中加三聚氰胺，雖然更符合某d港人o既主觀臆想，但邏輯上根本講唔通， 因為三聚氰胺系懸濁液中先扮得到蛋白質，固態奶粉加三聚氰胺除佐變毒之外根本乜q指標都提升唔到， 液態成品奶本來就無規定話唔比摻水， 亦無須用呢d劇毒物來做掩飾。
[
本帖最後由 La-9 於 24-11-2010 19:15 編輯 ]
