今日我去同朋友一齊打場game, 當中有位係我朋友個朋友黎! 新手一個, 去鬼左x店度入左支新槍, 但係一check槍就過j, 而且支槍唔知發生咩事, 扣雞等成幾秒先開得到槍.
我今日帶左兩支aeg去. 本來都唔多想外借比人用, 因為我係打算上午用一支, 下午用另一支 or 當後備槍, 但係見係新手第一次打game, 又新買左支槍唔用得, 就咁就借左比佢用... 之後就出事...
下午場game, 臨尾個幾鐘個陣, 我去左買d野飯, 一返黎我d師兄朋友就叫住我同我講我支槍比佢打死左! 如果唔係佢地叫住條友, 我支槍會比個條友繼續摧殘 (得返d齒聲, 但係繼續開槍)...
game完食飯同師兄朋友們個陣問返先知係個問題人士! 不死人! 衰full無停 (真係比咩槍都死...)! 無禮貌! 無大腦! 比人打中, 重要還火full返過去... 成team人死到得返佢一個重要問得返佢一個點算... (根據我朋友所講, 當時我朋友回左佢一句 "咁你又唔做吓d有建樹ga野?"
...
返到屋企, 睇返支槍... 原來係天梯爆左, 個拍頭底 (比較好彩啦!
) 比個天梯整花左... d齒就無傷...
今次之後, 我決定以後都唔會再借槍比人! 尤其新手... 唔心軟得...
希望師兄們唔好有同我一樣 or 類似ga事...
