今次計劃整整下都差唔多整o左成年⋯⋯雖然只係得閒攪下咁，但係不停重複 設計＞生產＞測試＞除錯＞設計 o既遁環，都仲要花唔少時間o既
最近終於覺得叫做整得7788，如果係寫軟件的話大概就係 RC1 咁上下，不過又發現有 D 小問題，而家攪緊 RC2⋯⋯
問題：
市面上絕大部份 carbine kit 都係畀 glock 用
當中幾乎所有都係快拆或者好易咁裝拆，但係又用o左唔太穩陣o既的安裝方式，好多時枝槍喺套 kit 入面係搖o既，上面 D 鏡或者準星咪即係廢o左？
工差問題——市面上咁鬼多款 glock，你款款都話o岩裝即係款款都裝得唔 fit 囉
醜，或者好很月巴
目標：
整一套 Hi-Capa 用o既 carbine kit
冇快拆唔係問題，穩陣大晒，最好可以裝拆枝槍都唔太郁到瞄具歸零
仲有要型呀，最緊要係型呀，唔型整o黎把鬼呀？
限制：
咁鬼多 Hi-Capa 邊就得你咁多，淨係o岩馬記 5.1 基本款就算喇，頂盡叫做o岩埋銀色版用，其他呢？唔理！
Hi-Capa 5.1 冇乜地方可以固定，暴力少少鑽㝫攻牙就得啦，怕鑽歪？整個 jig，只要有手有腳頭腦正常都應該鑽到
穩陣，淨係靠 FDM 3D Print 唔掂，SLS 又太貴，撈 D 第二 D o野入去囉
首先畫個圖，無中生有始終用紙筆順手
畫 CAD
印測試件
條數要準，最奄尖o既 ARMS 快拆都o岩裝的話應該冇乜問題啦
大過 VFC MP7A1 丁屎咁多
再整一大堆廢膠
...
...
...
再改下 CAD
...
......
.........
............
RC1 版本
CNC 碳纖板組成主要結構部份 + 3D Print 膠件
模組化配件：加長槍管 雙邊 charging handle 一體化前 grip
側邊條 rail 用 M-LOK 裝，低少少有多一個 M-LOK 窿，左右都有
右邊，二段伸縮托，中等長度
同上，伸縮托完全伸展，stock pad 內側銀色圓點係釹磁鐵，鏈兩邊制會將個托彈出一截方使操作
對應槍托另一邊o既釹磁鐵，留意下部缺口為單點槍帶掛點，縛一圈仔傘繩再扣槍帶就得
黑色 RC1 同灰色 Beta Version，3D Print 材質為 PLA+，比一般 PLA 耐衝擊又冇 ABS 咁難印
槍口配件
Beta Ver. 上面齊頭槍咀支援最長大約 7吋 內管（例如 PDI o既 Hi-Capa 7" 163mm）
唔改內管沒問題，前面咁大個窿可以就咁打
RC1 o個條加長槍管枝援最長 250mm 內管，直接用 M4 MWS 就得
使用加長內管時都可以裝 TPU（彈性物料）定管器
另外 Beta 只有左邊 charging handle
一體化前 grip VS 底橋
前 grip 角度為 100-105 度，模疑 Hi-Capa grip 原有角度，頂部形狀適合以 thumb break 或者類似 AFG 方式使用
傳統方式握法依然可以使用不過冇咁舒服
兩件分體式底橋，可以選擇唔裝後半，瀟灑少少（外形參考返前 grip 後面吉O左個位）
槍本體如果冇安裝加長內管，拆６粒螺絲就可以甩枝槍出o黎
如果有改長內管，拆１０粒鬆兩粒螺絲就得
正常情況下拆裝本體唔太會郁到瞄具零位
如果用 IPSC 氣槍紙靶做例子，１０米左右打 A 區，拆裝之後都應該打得返 A 區，當然最好 check 清楚個 zero 先打
如果打比賽，呢一刻o黎講套 kit 拎去打 3GN Airsoft RA-PCC P/U division 係合法o既
順帶一提，如果甩返枝槍出o黎，中身上面o既螺絲㝫可以用o黎裝 C-More
