唉，阿公，社會無錯，只係我地o既社會真係有病o者....
小弟剛剛放工返來，大家都知我係做深宵外展社工的喇，雖然好眼訓，但係都想吹多陣...
尋晚一返工，同事同我講要見隻case, 開頭都諗住只係一般family case, 據知只係一對母女(女10歲)+母親男性朋友的問題。點知來到中心的時候，竟然多o左個小妹妹，一問之下，原來是個女的朋友，小妹妹得8歲，仲讀緊小三，但係爸爸媽媽由上晝已經唔見o左人，好安心咁將個女「放羊」出街玩。問小妹妹爸爸媽媽去o左邊？「返工」....返咩野工丫？唔知......屋企仲有冇其他人呀？有呀哥，但係出o左去玩，聽晚先返......咁不如妳留o係中心，我地陪妳喇？
o下？唔洗喇，我成日都一個人o係屋企o架喇！
之後o既事，唔詳細講喇，但係有時我都真係做到好心up...
虐兒？好明顯喇！
報警？我報得幾多次？如果每在街頭見到一個小朋友就報一次警，我諗我一晚報10-20次左右喇....
師兄，有時o係網吧見到o的小朋友打機打到半夜四、五點，在網吧那個座位內倦極而睡的情況，我真係好心痛、好嬲！但係我可以點做呢？
通常我地都係趁佢地未訓時，在網吧搞活動比佢地玩、包場搞party, 藉機會認識佢地、套佢地料，有料、有關係，先有得follow....先係在網吧搞下活動，之後再搵第二o的野引佢地走出網吧到我地地盤，先叫做有得跟。知佢鐘意玩heart project、玩CS, 在網吧玩完一輪之後，show中心個槍櫃的相來引佢、比佢地試玩wargame funday來"乙水"佢落搭，慢慢埋到佢身，先叫做有o的o的轉變....
有o的出得來浦得耐的，真係精過鬼，有心避開你唔比你跟，都真係好洩氣......
你問父母有冇責任嗎？有！點會無？但係當一個又係咁，兩個又係咁的時候.....這個社會，真的是病態了！
