今日早上仲掛緊8球，唔駛出街，於是執下櫃爆下箱，卒之搵返件野出黎，宜家就可以同大家分享。
嚮軍隊裡有好多時候，無定向咁有試驗品用，不過係事先唔會公報俾大家知，亦唔係個個有份~
就連派倉果個/果班，都一頭霧水，用果個都是旦照用。
就連自己CORP個揸旗人大大粒都支吾以對，又有D MSG、SFC代表一句從來冇用過，冇見過，甚至一口咬定嘲返我轉頭。
嚮香港，偶爾一次同Marine師兄傾開哩件野，
佢好好奇咁問返我：幾時架~ 有嘅咩~ 嗱?果期有D咩... 應該冇過喎~ 係咪我記錯~
之後，我擰埋套野落去俾佢過目，佢第一眼就話係商品野，再甩真D，睇真D，對真D，佢又支支吾吾喇~ 不認不認還須認呢~
其實除左投入俾USMC落場使用嘅果兩個色之外，
以前大冰賣過嘅偏綠MCCUU、同埋另一個老友記介過套暗灰杏URBAN MCCUU、再加我手頭哩隻，仲有D真係見都未見過，
綜合各界資訊，大概知道應該有六、七個色，全部都係試驗品。
而軍庫工作人員、部隊裡、軍品製造商、承辦團、單位軍官、單位士官、單兵、COLLECTOR所知嘅都係冰山一角，非常凌碎。
原來D美佬野，有好多時，上面丟D野落黎俾大家用，係唔需要原因同解釋點解要轉~!
第一、哩D野唔駛/唔到士兵去諗。
第二、唔知試版定落場版。
第三、冇得選擇。
第四、逄係TEST野，用完要如數交還。(所以當時炒到海鮮價係有原因嘅~)
第五、耐用/實用情況報告唔係使用者感述，係由監測者擬定。
第六、試驗用嘅軍品裝備以至武器裝置，一概嚴禁官方許可以外的採訪及拍攝。
第七、某些情況，使用者也須保密。(因此如非肉眼所見，其他倉嘅班排弟兄可能毫不知情，未有所聞)
有時漏到汁俾大家認知，都已經過哂氣~ 或者官方銳意公報開發。
當年哩件野到手時已經係1997年3月，但標籤REMARK係96年，同期與WOODLAND MCCUU交替穿用半年。真正著去落場嘅沙色MCCUU最早係1998，打杖見報嚮2001年。
至於哩件就係當年跟行李帶返黎。走私成功~!但由於色水唔靚所以拋諸腦後。
近年上網睇返D相同數據先知，原來早幾界，未開發定案MCCUU MARPAT之前，曾經TEST過一隻好似叫T-TONE URBAN CAMO胎死腹中，但本人同Marine師兄竟然全不知情，真係大鄉里。
而一刀切凈收藏G.I.野嘅朋友，也不時錯失很多堅野好野嘅目光同機會。
有D人認為真正落場著住黎打過杖參與過戰事果D先係G.I.，即係商戶所講嘅original!
其實，哩D試驗軍品都係呀公派嘅，單兵真係有著過去用，而且有血有汗架~
