里安

在下有位朋友，以前同學，識左都6年左右
以前做社工最近轉左做財務顧問之類工作
都lost contact左一兩年，早輪contact返話約食飯
咁好啦，當鈙舊，無咩所謂，出黎食餐飯
出到黎，問題就黎啦，講幾句就問你幾錢人工
儲幾多錢、有無投資、強積金點搞......
總之我第一次同"朋友"食飯食到想走，個感覺好差
之後一兩星期後，佢再打黎話約去飲下野，不過之後再加多句
「不如我帶埋D儲蓄既plan比你睇下呀，仲有不如我叫埋我senior出黎一齊解釋比你聽」
當然我最後無出黎，而之後佢再搵我我都無理佢
之後呢輪係佢面書度出現左一段野
意思大約話你去得遊山玩水吃喝玩樂放鬆自在，又同我講好忙
其實佢都好忙，不過佢有放朋友上心
又話「對不起，你在我的心中已經删除了。
看到的，也許已經太遲。」

唔知佢係咪無做社工太耐，唔知咩叫同理心
我都有唔少朋友都做呢行，不過好多都只係講句：有需要搵我，就完左件事
我明白世界難撈，但唔係咁呱

[ 本帖最後由 里安 於 7-6-2015 14:54 編輯 ]

sovietarmy2012

佢吾需要朋友,只需銀紙

你需要朋友,但他不是你的朋友

為個咁既人而感慨,浪費時間兼on9,係咪?!

take it easy,man

gtoray

起碼都叫做諗起你哎
證明有一定地位

~~方~~

引用:

原帖由 gtoray 於 7-6-2015 15:45 發表
起碼都叫做諗起你哎
證明有一定地位

同學果時已經認定左係水魚

jn_jona

佢都明知你唔需要，仲要hard sell，咁佢都唔當你朋友啦
係朋友既未開門見山，有需要就搵我咁樣啦

里安

一開始佢話搵senior出黎我已經無打算再理佢，只係覺得咁都可以倒轉講真係好野

我d親戚都有搵返熟人做生意，我都覺得唔係問題，反正呢d野搵外人做定熟人做都有辣有唔辣

只係佢技巧太差，好似廣告話齋：我係搵我適合既投資唔係幫你meet target

Dave

其實唔想人BAD FEELING，最好一開始開門見山提左自己轉左行先，
如果有興趣可以約出黎聽下傾下，如果無興趣也不打緊，有需要找我。
自己身邊有兩類保險佬 ( 我唔係好習慣用「財務策劃師」呢個字眼 )，
一種就係開定門有需要入來望下，一種就係你入得黎門口唔買D 野唔當我朋友，
前者撈成點唔知，
後者做左大半年，由一開始覺得充滿前景，到而家冇做再數公司人事鬥爭對人不對事云云，而幫佢買左單的親朋全部變哂姑兒仔

m11.man

可能佢真係好唔掂,搵你呢個朋友救濟下,又或者佢大佬叫佢交人呢
新入行無生意,所以先會問身邊既朋友,你就同情下佢啦

Lolanto

做得財務顧問先黎搵你就知發生咩事

COOL

師兄...錢係會令人完全變左另一個人既..

小弟都岩岩轉行做左半個SALES...
好在唔洗搵新客同R朋友屋企人幫手

其實做呢行都唔係太難做~捉到客人心理就實得!!!
我對全D大客都唔會有乜忍瞞...
講到尾商業社會冇秘密到最後佢點都會知...

所以我傾兩傾講晒D事實客觀因素比佢地聽
個個好受落~有乜野都自動搵返我轉頭


希望你個"EX"朋友回頭是岸...
我都有呢D經驗
不過好彩當時位同學仔新做~
仲直接問我聽到我係乜工仲負約見面
咁我都直接講...我唔會諗住係傾生意出黎
而家呢D野點都唔會搵識既人做
第1~一係朋友冇肉食~一係我比人食
第2~無謂因為呢D野傷感情
即時冇下次!!!

rho837

又唔咪完全關你朋友事！係做得金融產品sales有個人業績跑數壓力！ 現今係資產主道既社會！絕多人目標係物業投資，跟著就係人壽保險，醫療保險，乜乜儲蓄保險（多數讀大學及失業保險）！之前有條三唔識七既鄰居係咁狂sale我買過啲每月八千港元再加十五萬入場費！月供到六十五歲就完成而個蓀到十八歲就可以收取二千萬港元！我問如果冇後代咁啲錢俾邊個！他回答只係支付我既後人！我直接當面對呢個Sales講！我有錢會買物業留給下一代而唔會買得一張紙既產品！嘩！個Sales講！呀乜生呀！我見你揸架車都要供二三十萬！喂！俾八千供二千萬你都唔很咁ON9! 我回復個Sales！ 既然你咁有信心講到非買不可，唔幫襯你就ON9一世，不如你自己變賣左層樓都有幾百萬，你同你太太加你對子女轉供四份呢隻金融產品等到你啲蓀子蓀女成年咪有八千萬港元！係邊到搵！你咪發逹！一到六十五歳咪退休！條友坐係茶記即時起身走人連單都唔找數！之後投訴我晚上嘈到佢全家！

當啲Sales咁急sell野！他們經濟一定好唔掂！

[ 本帖最後由 rho837 於 7-6-2015 21:11 編輯 ]

m11.man

R兄你咁有，佢太睇少你喇，每月八千

sovietarmy2012

引用:

原帖由 rho837 於 7-6-2015 20:59 發表
又唔咪完全關你朋友事！係做得金融產品sales有個人業績跑數壓力！ 現今係資產主道既社會！絕多人目標係物業投資，跟著就係人壽保險，醫療保險，乜乜儲蓄保險（多數讀大學及失業保險）！之前有條三唔識七既鄰居係咁狂 ...

寸到爆炸

里安

引用:

原帖由 rho837 於 7-6-2015 20:59 發表
又唔咪完全關你朋友事！係做得金融產品sales有個人業績跑數壓力！ 現今係資產主道既社會！絕多人目標係物業投資，跟著就係人壽保險，醫療保險，乜乜儲蓄保險（多數讀大學及失業保險）！之前有條三唔識七既鄰居係咁狂 ...

我都明鎚仔dup釘釘dup木，不過我諗正常人都會諗到咁樣打老友主意，一定會有人咁既反應
敬而遠之個人覺得已經好比面，唔幫你開單就唱大檔，好似將d野倒轉左囉

rho837

引用:

原帖由 m11.man 於 7-6-2015 21:15 發表
R兄你咁有，佢太睇少你喇，每月八千

嘩！月供八千唔咪平呀！雖然呢類產品必未搵你笨但魔鬼在細節就一定呀啦！同時隔兩代致完成合約精神！時間太長風險太高！我永遠唔會知發生乜野事！萬一到時反口又要打官私！我個蓀都唔會彩佢去打啦！

只係覺得一樣野！同一價錢去臺灣可以買一棟五層高樓仔！ 隔三代段估唔會負資產卦？ 所以paper investments真係唔敢！