其實老實講紅十字會出於人道考慮跟本唔會 亦無需要理用D血既人係邊個 佢地背景係咩
私家醫院用血搵錢係私家醫院既事 紅十字會旨在救人 鬧就應該鬧私家醫院
D血大多數用係大陸人度既數據又唔知從來而來
因為血既受眾而唔去捐血 我都唔知應該講咩 唔知話道不同不相為謀好 定係話自私不人道
紅十字會唔係政府 又無得強制要人做D咩
而強制某一類人去做亦無意義 只會帶起更多麻煩
"捐"又不能以物質利誘 又唔可以以強制形式達到目的
紅十字會可以做就係做好PR同宣傳
多做out reaching 除左學校 仲可以去唔同機購 特別係公營
延長辦工時間 加開捐血站 令想捐血既更易去到捐血
若果真係要以強制形式達到目的
唔應該由紅十字會做 應該,亦只可以,由政府成立部門黎處理
可以係政府做admin工作負責執行"強制"工作 搵番紅十字會做抽血同存血
(不過走數唔捐又點? 坐監? 罰錢? 一定要立法)
但紅十字會作為NGO 又好難同政府有個咁緊密合作關係
但老實講 講到強制已經好多人會反對
特別係咁既政府 加上好多已存在既不滿 好難做到喱樣野
而一間NGO做到既亦好有限
我覺得最重要既係 人若果自私 就算點都好 點樣都無得令佢無回報地付出
而NGO 紅十字會就正正只可以希望同等待無私出現
