今朝番學....搭的士....
本來約好左D同學係葵芳搭....但我昨日冇番學....唔知改左地點....
本來5個搭的士變左2個搭的士....算啦....
番到學校....Miss同我講....話我昨日冇番....有份堂課計左我0分....算啦....
做堂課....做剩要囉番屋企做....點知Miss個CardReader壞左....我又冇帶手指....頂....叫同學Save左再MSN比番我....算啦....
中午食飯....叫左A餐....黎左個C餐....又冇得換番....算啦....
放學....我畫畫畫得遲....D人走哂先....得番我一個行N條街搭小巴....算啦....
打比怪叔叔....話係尖沙咀搭車....地鐵過到尖咀....打比Zamar....叫我番埋去上環一齊搭....OK冇問題....
搭973....火都黎....我未試過得架973可以等左我9個半字先有車到....仲要逼到岩岩企到入去關到門....算啦....
番到屋企....諗住叉電....比條電線kick到....成個訓左係地....算啦....
跟手老豆打黎....問我係咪冇錢用(我兩個星期前已經同佢講左)....仲話聽日同我去睇相機(4月講到11月)
我同佢講 "你講左9千幾次啦!!" ....cut線....火都黎....不過算啦....
出門口....Zamar同我講佢搭8點鐘船過去....我知我9成遲....但都過去碼頭等下架....
去到碼頭....最後果班開左....由碼頭行番去IFC果邊搭港鐵....都灰架喇....
咁就搭港鐵....點知我八達通冇錢....買左飛去紅磡....點知原來去到尖咀站轉尖東站會食飛....冇左幾蚊....要買多張飛....灰左....
去到紅磡....出左站....問路人甲乙丙路....路人甲話向前行....路人乙話向前轉右直行....路人丙話向前轉左見到....但都好在行行下搵到要去果度....好在最後被Zamar鼓勵....搵到間波樓....
咁入到波樓....嗌野食啦....嗌左個唔知乜叉頸肉河....飲凍朱古力....
點知過左一陣話冇河粉....灰埋....好啦轉意粉....點知個餐黎到....佢比杯凍可力....灰哂....
咁就督波....10Q撻9Q都算啦....阿芝仲係咁除我條褲....唉....
要番去....搭車....等左N年先有一架6號....但我唔記得冇散銀....因為用左黎買地鐵飛....
衝番入波樓搵老師求救....梅老師同阿Mac比左幾蚊散銀我搭車....終於上到車....
去到地鐵站....搭到去中環....諗住轉線....
點知等到架港到線差唔多埋站....聽到 "本班是最後一班通往上環的列車......"
嚇Q死我....痴線架....望番部電話....原來過左12點....鬆一口氣....
之後係上環轉電車....冇咩特別喇....汁番條命仔行入屋企涼冷氣打Post....
