時下的細路
事源昨晚返工，一路都無咩大問題…
照常的在廚房這樣那樣的…
忽然聽到counter有個客大叫”Leave!”
當然，雖然係小職員，
但好奇心同理論上都要出一出counter睇睇咩事。
出到去，見到有個客罵第二個客…
(第一個客係大人，第二個係細路(即四尺樓下))
個細路衰咩？
我認得個細路…耐不耐就會一群細路禁入黎買薯條
由入門口個下成班細路大聲之之讓讓的…
落完單又會煩住counter果個搞到佢好難聽到之後落單既客。
昨晚，我想個客係頂唔順佢地阻住佢落單而發火。
Bell點睇？
個細路抵死…
大大話話都十歲人(我估) 係唔係小小的禮貌都唔識a…
一兩個人吹下水無問題…但成班人吹水就有事。
自己吹水我都唔理你，但係你阻住其他客落單就唔得。
問題出自何處？家教？校教？定咩？
你問我？我又問棵樹？
唔好話英國…
Bell相信香港都唔好得幾多。
點解Bell禁討厭時下的” 四尺樓下”?
Bell明白…十歲的細路好難有好好的自制能力。
但基本的禮貌、尊重，我相信點都識a…
還是忘記了是中學的老師還是小學的
給Bell留了一句話
” 面，係人地俾；假，係自己掉”
所以好多時Bell唔出聲
就當比面佢
所以Bell都算好比面家下既細路
無計…老豆老母唔識教…
話幫人教仔又未夠班…
所以，得個睇字
