沈日係某收費場打GAME
上年去過呢個場一次,都OK的,沈日再去....
架車去到場地,場地O既人叫我地唔好落車,去新場果邊.(心諗,都好喎,有新場打)
之後架車就行多左幾分鐘,去到一個地方話要落車行,因為落雨架車行唔到上去,泥地斜坡...行到一半已經成鞋都係泥,上左個斜坡,見到一個好簡陋的油筒場,再行上小小,去到一間石屋,原來就係setup地方,
成個setup區得2張長枱,我地成38人,用到枱O既人得十幾個,其他人就只可用長椅,仲要冇電,簡陋以為自己去左國內山區...
setup完,場地人員帶我地去場區,行左10分鐘,經過一個農場山坡,去到一個所謂的場地,(完全唔覺得係一個收費場,冇場地分隔,完全分唔到死人區)
場地人員說明:場地由下面條河,到上面舊大石,唔好行過鐵絲網,攻O既下面,守O既上面
(嘩,你講O既河,大石,鐵絲網,我完全都唔知係邊喎,又睇唔到,咁個場有幾大呀?真係唔該晒喎)
打左一場,完全唔對路,同打街場冇咩分別,已經有幾個朋友返去收野打算走人,
我同朋友都覺得咁打落去冇意思,覺得可能係唔合法O既地方,所以都決定唔玩.
收好晒野,等其他仲打緊O既人返黎,交代返我地唔玩啦,場主就要請我地等埋午餐黎食埋先走,因為已經訂左飯.
食完飯,就行返出去黃金海岸坐小巴走了
之後用網上地圖睇返,果個地點好近麥理浩徑,好可能係唔合法O既地方,所以已決定打電話去政府部門查詢
[ 本帖最後由 路比 於 20-4-2009 20:39 編輯 ]
