早前, "深火"出咗一隻名為Stun Grenade ge物體,
唔知點解, 呢款手榴彈喺Wargame界入面唔係太hit, 所以非常少玩家出"使用報告", 令"中毒者"疑惑 應唔應該投資落去好...
小弟本身對爆炸品大好, 但對住呢粒Stun Grenade又好疑惑, 因為外界冇"使用報告", 而且諗到好多關於呢粒野ge問題...
終於有一日, 小弟真係真係忍唔到手, 利用一啲特別途徑去得到佢 (係乜野途徑小弟唔方便透露
)
原理:
"深火"Stun Grenade本身ge原理其實係抄A.I.的Tornado Grenade DD版, 都係利用突發上升ge氣壓, 迫爆 喺手榴彈底部ge薄膠片,
所以都係一樣, 膠片"基本上"係消耗品, 用晒就要再買過...
唯一唔同ge地方係: "深火"的可以用CO2, 但A.I.的好似就唔得 (未玩過...
)
包裝:
同以往ge手法一樣, 用非常鮮艷ge紅色硬咭紙做包裝...
入面分別咁裝住 手榴彈ge彈身, 彈芯, 同埋一包零件小袋袋 (一個O-ring及N塊薄膠片)
即開已經可以即玩, 本身粒手榴彈已經裝咗一塊膠片比你~
外型:
得到粒手榴彈之際, 小弟係非常開心, 但開咗盒之後就帶咗少少失意...
本身粒Stun Grenade的確係好吸引, 但衰在佢ge用料令到小弟大失性趣...
先由彈芯講起, 佢係用metal黎造, 呢個係必然嫁啦~ "匙羹"都係用metal, 所以拉safety pin彈"匙羹"果陣發出ge聲真係非常過癮
但最令小弟意想唔到ge係, 彈身竟然係用膠造, 而且仲要係識反光果隻膠(約3-4mm厚)...令到小弟即刻諗起CAVV果隻M79 ge槍管, 都係呢隻料,
果陣小弟用幾用就已經爛咗...
所以小弟一直都唔敢掉落硬地上面...更加唔會掉落有水ge地方, 因為彈身外層用紙包住個膠彈身...
操作方法:
我諗呢part應該唔使我多講...因為"紅狼Airsoft"已經教咗點玩, 詳情自己喺Youtube搵"Bang One, Bang 'Em All"...
但有兩點小弟想特別強調, 一就係有關安裝薄膠片, 二就係調整time fuze方面...
- 安裝薄膠片:
正如"紅狼Airsoft"都已經講咗, 裝膠片果陣唔使太緊, 只需感受到resistance就可以, 但小弟主觀上覺得仲要緊多少少少少少, 效果就更OK...
"裝膠片"係一個好重要ge環節黎, 裝得太鬆會漏氣, 爆唔到; 太緊啲氣會谷住喺手榴彈入面
- Time fuze:
小弟都assume大家已經睇過粒Stun Grenade點爆法, 拉safety pin之後 至 爆炸之前果一刻, 都有條鐵棒彈咗上黎...
"調教"time fuze果陣, 記得拃緊果條鐵棒先較時間, 如果唔係點扭time fuze都係冇用...
各項測試:
小弟未有CO2住, 所以用住周(槍)街都買到ge Top gas做測試
- 淨爆氣:
好多人對於粒Stun Grenade第一個疑問係:「差其他氣爆唔爆到?」小弟喺呢度講:「134A都爆到!」
小弟差過134a, 10次最少8次都爆到, Top gas到而家為止暫時只差過5次, 全部都爆到!
「大聲嗎?」可以講係大聲ge(Top gas)...主觀覺得比40mm Gas榴彈大聲少少啦...
「膠片可重用嗎?」成塊膠片冇爛的話基本上可以重用! 但喺Field入面搵膠片可以話係一大難題...
- Sting Grenade
沒錯! 粒Stun Grenade真係可以做Sting Grenade嫁 XD
小弟唔知邊度搵11mm硬漆彈膠珠返黎, 入咗大約13-15粒(最多容量)落粒手榴彈入面,
爆起上黎真係好恐怖, 最少有幾粒膠珠好大力咁飛咗出去, 撞牆果吓"啪"真係令小弟都覺痛...(反彈啲聲可比SWAT 4入面Sting Grenade ge膠珠反彈聲)
話說小弟考試溫習休息果陣玩"Sting Grenade", 唔小心掉咗落堆notes度, 結果其中一張被遭殃了...orz
但喺呢度, 小弟建議唔好入6mm BB彈, 因為有機會sip咗入去 (買返黎就知我意思係咩嫁喇...), 爆唔到出黎
- Smoke Effect
當然, 呢隻手榴彈可以入粉, 小弟入過兩茶匙鷹粟粉, 再用抺手紙隔住個彈芯 (以防鷹粟粉飛入彈芯),
結果絕大大大部份都爆咗出去! 不過煙幕效果就...都係差少少...但大家玩CQB果陣, 入啲粉落去做Effect其實都頗唔錯的~
但係如果喺人地臉前爆的話...小弟真係要祝你好運喇...
Warning! 千千萬萬唔可以用痕粉!
都係果句, 有問題的話歡迎發問~
但係以上方法只作參考之用, Use at your own risk, 小弟唔會為你地所做ge每一件事負責
Update 15/6/2010
小弟今日喺自己個廁所入面進行Smoke effect測試, 都係行Top gas, 但係就用咗大約 7g"野戰粉", 唔用抺手紙, 改用1塊薄廁紙 ( 通氣好啲 )
由於廁所好細間, 所以可以順便測試埋"爆炸"對聽覺的影響
得出ge結果: 廁紙被"炸"到粉碎咗...使用咗野戰粉, 啲"煙"擴散範圍大咗(好多), 但"煙"效果一定冇Smoke Grenade咁勁,
聽覺方面, 喺一間細房入面爆果陣, 小弟ge耳仔感受到因為爆炸的聲浪大而 有小小小量"失聰"
結論: Stun Grenade加粉有效製造"爆炸"視覺效果, 但未致於去到製造Smoke Screen的地步;
打Game(CQB)宜用Top Gas或134A, 如用於拍攝用途, 在做足安全措施下, 則可用CO2
Update 22/6/2010
感謝PMx Training比小弟一個少少地方拍片, 以下影片ge Stun Grenade都係差Top gas, 入15粒11mm硬漆彈膠珠
本身影片問題, 啲聲冇現場聲咁真實 (真實爆出黎好大聲嫁...
)
留意到的話, 你都會聽到啲膠珠反彈聲, 好似SWAT4咁
http://www.youtube.com/watch?v=1_wdweHleYY
[
本帖最後由 LCW 於 23-6-2010 10:06 編輯 ]
