史實經常會將吹水既樂趣沖落屎坑, 所以要沙o個冧先...有怪莫怪..
和服會聯繫上仆野, 源自春畫灌輸既景象, 通常描繪主角們著住和服仆野.
春畫即是日本木版彩色印刷春宮畫, 創作高峰期為17-19世紀/江戸時代, 文化上佢係今日H漫既老祖宗.
其時畫師會刻意繪畫畫中人著住衣物性交, 呢種做法有自身的文化理由, 但就唔太反映現實.
現實中, 在江戸/徳川時代, 家居建築設計普遍係無浴室的. 兩性長久在公共浴池見慣異性裸露, 畫師繪劃裸體並無特別賣點, 反而超現實地著住衫仆野更吸引.
超現實係因為以當時社會價值觀, 大眾依賴衣物去表達一己在社會的位置, 亦會比較珍惜衣物, 無啦啦為仆野而整縐晒正服, 不論係邊個階層, 其實都唔太成立, 至於睡眠時會穿著的浴衣, 以當時標準, 係唔會有春畫中的華麗與複雜.
但更重要係, 畫中各種不同的服式, 往往能夠反映或暗示畫中人的背景身份地位, 所以劃埋衣服有另一重意義.
歷史上唔係冇為o左隨時扑野而發明既衣服.
同樣係17世紀, 英倫在扑野王查理二世管冶下, 整個西歐女性衣服潮流發生巨變, 就係經典例子.
